ஆன்மீக சரம்

ஆன்மீகச்சரத்தில் பக்திப்பாடலக்ளும் பக்திகட்டுரைகளும் இன்று தொடுக்கலாமா ?

முதலில் ஜீவா வெங்கட்ராமனின் சமீபத்திய பதிவு .

திருக்கைலாயத்தை தேடிச்சென்ற திருநாவுக்கரசர், பூலோக கைலாயமென பெரியவர் ஒருவர் குறிப்பிட திருவையாறு தலத்தை அடைகிறார். அங்கே அவர் தான் கண்ட காட்சியாக பாடுவதாய்க்கூறுவது விஜய்சிவாவின் கணீர்க்குரலில் பாடலும் விளக்கமும் மனதையும் செவியையும் அள்ளுகின்றன! நன்றி ஜீவா.



திராச அளிக்கும்நமச்சிவாய வாழ்க வலைத்தளத்தில் வருகலாமோ ஐயா பாடலை நித்யஸ்ரீ பாட விளக்கமுடன் அளித்திருப்பதைக்கேட்டு,பார்த்திருக்கிறீர்களா?

மதுரையம்பதி அளிக்கும் சௌந்தர்யலஹரி அனந்தலஹரியாய் இங்கே அன்னையின் அருள்வடிவத்தை அவள் கருணையை நமக்கு பாடலுடன் விளக்கமும் தருகிறார்.

கீதாசாம்பசிவம் அவர்களின் ஆன்மீகப்பயணத்தில் சிதம்பர ரகசியம் நமக்கு வெளிச்சமாய் தருகிறார் படிக்கும்போதே மன இருள் நீங்குவது நிஜம்.

சொல்விற்பனமும் அவதானமும் கவி சொல்ல வல்ல
நல்வித்தையும் தந்து அடிமை கொள்வாய் நளின ஆசனம் சேர்
செல்விக்கு அரிது என்று ஒரு காலமும் சிதையாமை நல்கும்
கல்விப் பெரும் செல்வப் பேறே சகலகலாவல்லியே
என்னும் குமரனின் வலைப்பூ அன்னைக்கு அர்ப்பணம் அனைத்தும் அவளுக்கே சமர்ப்பணம் என்பதான பாடல்கள்.நிறைவுபெற குமரன் அளித்துள்ளதை இங்கு கண்டு மகிழலாம் அன்னையின் அருளையும் பெறலாம்.

கடுவெளி சித்தரின் இந்தப்பாடலைப்போல
எங்கும் சுயபிர காசன் - அன்பர்
இன்ப இருதயத் திருந்திடும் வாசன்
துங்க அடியவர் தாசன் - தன்னைத்
துதுக்கிற் பதவி அருளுவான் ஈசன். 34

பாபஞ்செய் யாதிரு மனமே - நாளைக்
கோபஞ்செய் தேயமன் கொண்டோடிப் போவான்
பாபஞ்செய் யாதிரு மனமே.
சிவமுருகனின் சித்தர்பாடல்கள் வலைத்தளத்தில்அர்த்தம் நிறைந்த அபூர்வப்பாடல்களைக்காணலாம்.








கண்ணன்பாட்டு தளத்தில் மலைநாடன் அண்மையில்அளித்துள்ள கட்டுரையும் பாடலும் அருமை!பல்லாண்டெனும் பதங்கடந்தவனுக்குப் பல்லாண்டு கூறுதலா?. திருநெல்வேலிக்கே அல்வாவா? என்பதுபோலத் தோன்றுகிறதா?. நமக்கு விருப்பமானது, ஆண்டவனுக்கும் விருப்பமானது . வாழ்த்திப் பாடுவது நமக்குப் பிடிக்கிறது என்கிறார் மலைநாடன் நியாயம்தானே?

இங்கே ஜிரா முருகன்மீது பாட்டு இயற்றி என்னைப்பாடவும் வைத்திருக்கிறார்!

வல்லிசிம்ஹனின் பதிவில் சின்னராமனும் சின்னக்ருஷ்ணனும் மிகவும் பிடித்தவை எனக்கு அதன் எளிமை காரணமாகவே!

வீஎஸ்கே சிவனைப்பற்றி இங்க ஒரு பாடல் தந்திருக்கார் பாருங்க அப்படியே கண்முன் சிவம் நிற்கிறது!


கண்ணபிரான் ரவிசங்கர்! இந்த ஆன்மீகச்செம்மலின் மாதவிப்பந்தலும் கண்ணன்பாட்டும் அருமையான அழகான தெய்வீகப்படங்களினாலும் இனியபாடலக்ளினாலும் திகட்டாத தீந்தமிழில் கண்ணபிரான் ரவிசங்கர் அவருக்கே உரிய மெல்லிய நகைச்சுவையோடு எழுதும் கட்டுரைகளினாலும் அவரது பந்தலில் பல்காலமும் குயில்கள் கூவும் வண்ணம் சிறப்பாக இருக்கிறது.
விடியற் காலை, பிரம்ம முகூர்த்தம், வாசல் திறக்கப்படுகிறது!
ரங்கா, ரங்கா, ரங்கா என்று விண்ணதிரும் கோஷம்!
நல்லோர் நெஞ்சமெல்லாம் நிறைய, அரங்கன், சிம்ம கதி போட்டு வரும் அழகே அழகு!
அரங்கன் நடை அழகு!
ரத்னாங்கி உடை அழகு!
சக்கரப் படை அழகு!
சதிராடும் குடை அழகு! என அரங்கனைப்பற்றி எழுதி படங்கள் அளித்து இனியபாடலும் கொடுத்துள்ள இந்தப்பதிவு என்னை அரங்க நகருக்கே இட்டுச்சென்றது நீங்களும் திருவரங்கம் போகவேண்டுமா முதலில் இங்கே செல்லுங்களேன்!

அரங்கன் அருள் அனைவர்க்கும் கிடைக்கட்டும் என வேண்டி ஆன்மீகப்பதிவினை இங்கே நிறைவு செய்கிறேன்.