வழி அனுப்புதல் - வரவேற்றல்

அன்பின் பதிவர்களே !

ஒரு வார காலம் ஆசிரியப் பொறுப்பினை சிறப்பாகச் செய்து - கொடுத்த பணியினை சீராக நிறைவேற்றி - பணியின் அழுத்தம் காரணமாக விடை பெறுகிறார் அருமை நண்பர் சேவியர்.

அவர்களும் ஏழு பதிவுகள் - சுய அறிமுக முன்னுரை, பல படிக்க வேண்டிய கவிதைப்பூக்களின் அறிமுகம், அறிவியலில் தமிழ் - வலைப்பூக்களின் அறிமுகம், காதல், புரட்சி, பெற்ற தாய் பற்றிய பல புதிய பதிவுகளின் அறிமுகம் என அரிய பதிவுகளைப் படைத்து விட்டுச் சென்றிருக்கிறார். அவர்களுக்கு வலைச்சரம் சார்பிலும் என் தனிப்பட்ட முறையிலும் நெஞ்சார்ந்த நன்றியினைத் தெரிவித்து நல் வாழ்த்துகளுடன் விடை அளிக்கிறோம்.

அடுத்து 29ம் நாள் துவங்கும் வாரத்திற்கு பொறுப்பேற்க வருகிறார் அருமை நண்பர் ஜோசப் பால்ராஜ். இவர் மாரநேரி என்னும் வலைப்பூவினையும் மூன்றாம் கண் என்னும் வலைப்பூவினையும் நிர்வகித்து வருகிறார். பல நல்ல பதிவுகள் இட்டிருக்கிறார். சிங்கையில் பதிவர் சந்திப்பு வெற்றிகரமாக நடத்தி இருக்கிறார்.

அவர் பல நல்ல படிக்க வேண்டிய பதிவுகளை அறிமுகப் படுத்த இருக்கிறார். கேட்பவர்களுக்கு கொடுக்கும் நல்ல உள்ளம் கொண்டவர். அவரை வருக வருக - பதிவுகளைத் தருக தருக என வரவேற்கிறேன்.

சீனா