கதம்பம் இரண்டு...

எண்ணிய முடிதல் வேண்டும்

நல்லவே எண்ணல் வேண்டும்

திண்ணிய நெஞ்சம் வேண்டும்

தெளிந்த நல்லறிவு வேண்டும் 

நேற்றைய முதல் நாள் ஆட்டம் நல்லா அதிரடியாகவே இருந்தது, அதன் தொடர்ச்சியாக இன்றைக்கும் அதிரடி ஆட்டம் ஆட வராங்க சில பதிவர்கள்

(அனுபவ) அல்லி: 

நான் ஜெயிலுக்கு போறேன், ஜெயிலுக்கு போறேன், ஜெயிலுக்கு போறேன் என நாம் காமெடி செய்வோம். ஆனால், உண்மையிலேயே ஜெயில் வாழ்க்கை எப்படி இருக்கும் என தன் சிறை அனுபவங்களை சொல்கிறார் ரா.சிவானந்தம். சட்டம் சம்பந்தமான சில விளக்கங்களையும், மக்கள் கண்டிப்பாய் தெரிந்துக்கொள்ள வேண்டிய சில விஷயங்களையும் பகிர்கிறார். இவரின் முதல்நாள் சிறை அனுபவத்தை படிக்கும்போது பகீர் என்கிறது.

சூரியகாந்தி (சமூகப்பார்வை):

மாற்றுத் திறனாளிகளுக்கு பார்வையாக இருந்து உதவ ஒரு வழி சொல்கிறார் பால் [Paul]. ஒவ்வொரு சனி, ஞாயிற்றுகிழமைகளில் 3 மணி நேரத்தை பார்வையற்றோர்க்கு பார்வையாக இருந்து உதவ அழைக்கிறார். இயாலாதவர்களுக்கு இயன்றதை கொடுத்து அவர்களின் முகத்தில் வரும் மகிழ்ச்சியை பார்த்து அனுபவிங்களேன்.

(கவிதை) ரோஜாக்கள்:

“காதல்” இந்த ஒரு வார்த்தை கொண்டு முடியும்படி எத்தனை கவிதைகள் எழுத முடியும் உங்களால்? இந்த ராதை எழுதும் பெரும்பாலான கவிதைகள் “காதல்”லில் தான் முடிகிறது. கண்ணன் மேல் அளவு கடந்த காதல் போலும் இந்த வலைப்பூவில் எழுதும் சுபத்திராவிற்கு.

(பல்சுவை) பாரிஜாதம்:

தன்னை சாதாரணமானவள் என சொல்லிக் கொள்ளும் இவரின் பதிவுகள் சாதாரணமாய் இருப்பது இல்லை. விலங்குகள் உருவத்தில் கடவுள்கள் இருப்பது ஏன் என விளக்கிறார். அதற்கு திரு ராதாகிருஷ்ணன் தந்திருக்கும் பின்னோட்டங்களும் அருமையாக இருக்கிறது.

(கதை சொல்லும்) காந்தள்:

மனசு என்ற வலைப்பூவில் பல சிறுகதைகளை எழுதிவருகிறார் சே.குமார். பஞ்சாத்தாவின் கடைசி நிமிடங்களை உணர்வு பூர்வமுடன் வெளிப்படுத்தி இருக்கிறார். படித்தவுடன் மனசு கனத்ததை மறுக்க முடியவில்லை.

வாடா மல்லிகை (திரைப்படங்கள்):

 “வ” குவாட்டர் கட்டிங் படம் எப்படி இருக்குங்க? அட இவரை கேளுங்க அந்த படம் “ஒரிஜினல் சரக்கு” என்கிறார். பல்சுவை பதிவுகளை எழுதும் சின்ன தம்பி செளந்தர் திரைவிமர்சனங்களையும் எழுதுகிறார். சில முக்கிய காட்சிகளை மேற்கோள் காட்டி விமர்சிப்பது இவர் ஸ்டைல்

தாமரை (சிரிப்பு):

காமென்வெலத் விளையாட்டில் நடந்த அனைத்து சொதப்பல்களை பற்றியும் உலகுக்கே தெரியும். ஆனால், சேலம் தேவாவோ அந்த சொதப்பல்களை கல்மாடியும் எம் எஸ் கில்லும் எப்படி சமாளிக்கலாம் என நகைச்சுவையுடன் ஐடியா கொடுக்கிறார்.

(எப்பொழுதாவது எழுதும்) குறிஞ்சி:

கார்த்திக் சிதம்பரம் (அட, ப.சிதம்பரம் மகன் இல்லைங்க) உலக தலைவர்கள் படுகொலை பற்றியும் மேலும் பல வரலாற்று பதிவுகளையும் எழுதி வருகிறார். ஆனால் குறிஞ்சிப்பூ போல எப்பொழுதாவது எழுதினாலும் சுவாரசியமாக எழுதவருகிறது இவருக்கு.

எப்படி நல்லா அடிச்சு ஆடுறாங்களா? சரி இப்போ,

ஒரு தத்துவம்: என்னதான் அம்மாவாசைன்னு பேர் வச்சாலும் அவரை பவுர்ணமி அன்னிக்கும் நம்மாள பார்க்க முடியும் - சொன்னது சிரிப்பு போலீஸ்


அப்போ வர்ட்டா..... (யாராது அடிக்க வர்றது.... தேவா மட்டும் சொல்லலாம் அவர் தம்பி நான் சொல்ல கூடாதா?)


ஜூட்.....