கண்ணே கலைமானே….!

என்ன நண்பர்களே நேற்றைப் போலவே இன்றும் சில சுவராசியமான வலைப்பூக்களை பார்க்கலாமா? (இன்றைய தலைப்பிலும் ஒரு ரகசியம் ஒளிந்திருக்கிறது….கண்டுபிடியுங்களேன்!)

காலமெல்லாம் காதல் வாழ்க:

சரளமான வார்த்தை வீச்சு, ஆழ்ந்த அர்த்தங்கள் என்று எழுத வந்து குறுகிய காலத்திற்குள் கலக்கிக் கொண்டு இருக்கிறார் கலியுகம் தினேஷ். காதலியை நினைத்து நினைத்து தினேஷின் உயிர் மட்டும் பேசுவதைக் கேளுங்கள்.

மலைச்சாரலைக் காதல் சாரலாய்க் கோர்த்துத் தருகிறார் ஹரிணி. வார்த்தைகளில் ஓடும் சோகம் மனதை ஏதோ செய்கிறது.

அனுபவம் பலவிதம்:

அணுக்களையும் அண்டத்தையும் பற்றிய அறிவியல் தொடர் ஒன்று எழுதிவருகிறார் சமுத்ர சுகி. கடினமான இயற்பியல் விஷயங்களைக் கூட லாவகமாக விளக்குவது இவரது ஸ்டைல்.

தன் தாயாரைப் பற்றி இவர் சொல்லச் சொல்ல பிரம்மிப்புத்தான் ஏற்படுகிறது இவ்வளவு தைரியமாகவும் ஒரு பெண் இருக்கிறார் என்று!

குழந்தை மருத்துவர் ராஜ்மோகனின் வலைப்பூ இது. இவரது எல்லாப்பதிவுகளுமே உபயோகமானதுதான் என்றாலும், குழந்தைகளுக்கு வரும் மழைக்கால நோய்களைப் பற்றிய பதிவை இங்கே குறிப்பிடுகிறேன்.

கண்கள் பேசும் மொழி காதலாகத்தான் இருக்க வேண்டுமா என்ன? கண்கள் பேசும் மொழியைப் பற்றி சிலாகிக்கிறார் ஜெயந்தி.

ஒரு கொரிய மொழிக் காதல் படத்தை தன் விமர்சனம் மூலம் அப்படியே கண் முன்னே கொண்டு வருகிறார் இலுமினாட்டி. 

இன்றைய கதை சொல்லி:

சூட்சுமமாய் ஒரு சூட்சுமக் கதை சொல்கிறார் மதி. கதை இறுதி வரை ஒருவித படபடப்போடவே செல்கிறது. 

இன்றைய புன்னகைப்பூ:

பதிவுகளில் திரைவிமர்சனம் எழுதுவது எப்படி என்று கலாய்க்கிறார் பாலா. நல்ல நகைச்சுவையான எழுத்து நடை இவருக்கு.

இன்றைய பிரபலம்:

அந்தணன் ஒரு வெகுஜனப் பத்திரிக்கையாளர். பத்திரிக்கையாளர்கள் என்றாலே சுவராசியத்திற்குப் பஞ்சமே இருக்காது அல்லவா, அதே போல்தான் இவரது வலைப்பூவும்.

நேற்றைய தலைப்பான ‘கண்களின் வார்த்தைகள் புரியாதோ’ விற்கு விளக்கம்:

நேற்று வலைச்சரத்தில் என் இரண்டாம் நாள் அல்லவா? கண்களும் இரண்டு… அவ்வளவுதான்! இதை அனு மட்டுமே சரியாகச் சொல்லியிருக்கிறார், வாழ்த்துக்கள் அனு!