தலைப்புச்செய்திகள்..

அன்பார்ந்த வலையுலக நேயர்களே...

இன்னும் சிறிது நேரத்தில், நீங்கள் ஆவலுடன் எதிர்பார்த்த வலையுலகச்செய்திகள் ஆ.... ரம்பமா..க உள்ளன...

ஸ்டார்ட் ம்யூசிக்...

வலையுலக நேயர்களுக்கு வணக்கம்,..

இன்றையசெய்திகள்... வாசிப்பது அமைதிச்சாரல்.

தலைப்புசெய்திகள்:

வெங்காயவிலை இறங்காமல் இருப்பதால், கத்தரிக்காய்க்கு பதிலாக அவியல்,எரிசேரி என்று எளிய உணவுகளை சமைத்து சமாளிக்க வேண்டியிருப்பதாக கோலிவாடா கோமளா அங்கலாப்பு.

தான் கவிதை எழுதவந்தது எப்படி: கவிஜருடன் நமது நிருபர் நேர்முகப்பேட்டி.

கற்களின் திடீர் விலையேற்றத்திற்கும், இதற்கும் சம்பந்தமுண்டா என்று அறிய சி.பி.ஐக்கு உத்தரவிடவேண்டும். எதிர்க்கட்சி வேண்டுகோள்.

விரிவான செய்திகள்:

இந்த வருடத்தின் சிறப்பான சிறுகதையாக, 'ஒரு கதை'  தேர்ந்தெடுக்கப்பட்டுள்ளது. எழுத்தாளர் மஹாராஷ்ட்ராவில் பொங்கல் கொண்டாட சென்றுள்ளபடியால் வந்தவுடன் பாராட்டுவிழா நடத்தப்படும்.

உலகம் உருண்டையானது என்பது மறுபடியும் அரும்பாடுபட்டு நிரூபிக்கப்பட்டுள்ளது.

சில்லறைத்தட்டுப்பாட்டை கட்டுப்படுத்தாத அரசை கண்டித்து இன்று மாலை கடற்கரையில் டீகுடிக்கும் போராட்டம் நடைபெறவுள்ளது.

 எதிர்காத்து மிக வேகமாக வீசும் அபாயமுள்ளதால், தத்தம் மனைவிகளை பாதுகாத்துக்கொள்ளும்படி, கணவர்களுக்கு எச்சரிக்கை விடப்பட்டுள்ளது.

சாகசப்பயணம் புரிந்து வெற்றிகரமாக வீடு வந்தடைந்த இளைஞருக்கு திருஷ்டி சுற்றப்பட்ட இரண்டு மெகா பூசணிக்காய்கள், அதே சாலையில் உடைக்கப்பட்டன.

இத்துடன் இன்றைய சிறப்புச்செய்திகள் முடிவடைகின்றன.

வலைச்சரத்தில் புத்தாண்டின் முதல்பூவாய் என்னை தேர்ந்தெடுத்த, நிலைய இயக்குனர் சீனா ஐயா அவர்களுக்கும், சகோதர சகோதரிகளான உங்கள் அனைவருக்கும் வணக்கமும், புதுவருட வாழ்த்துக்களும் கூறி விடைபெறுவது... அமைதிச்சாரல்.