பாப்பா.. பாப்பா.. கதை கேளு..

அன்றைக்கு குழந்தைகளின் கும்மாளம் கொஞ்சம் கூடுதலாகவே இருந்தது. சமாளிக்கமுடியாமல் திணறிக்கொண்டிருந்தார் அவர்களின் அம்மா சவிதா. . , "என்ன!!.. ஒரே சத்தக்காடா கெடக்குது?" என்று கேட்டபடி வீட்டுக்குள் நுழைந்தார் மரகதம்பாட்டி.

பாட்டியின் கையிலிருந்த கூடையிலிருந்து குங்குமப்பிரசாதத்தை எடுத்துக்கொண்டபடியே சவிதா," ஏம்மா இவ்ளோ நேரம்??.. கோயில்ல ரொம்ப கூட்டமா?" என்று கேட்டாள்.

"கோவில்ல நம்ம சௌந்தரம்மா(கேணிப்பித்தன்) மகளைப்பார்த்தேன். ஊருக்கு வந்திருக்கா போலிருக்கு. ஹூம்!!.. எப்படியிருந்த குடும்பம்.."

"என்ன பண்றது!!.. காலம் யாரை எங்க கொண்டுபோய் வைக்கும்ன்னு யாருக்குத்தெரியும்!!.."

அப்படியே, வர்ற வழியில ஜெயந்தியையும் ஒரு எட்டு பாத்துட்டு வந்தேன். அதான் இம்புட்டு நேரமாயிடுச்சு.இந்தப்பொண்ணோட ரௌத்திரத்துக்கு பின்னாடி இருக்கிற கதை(ராகவன்)யை நினைச்சா மனசு அப்படியே கலங்கிப்போகுது.."

இதற்கிடையில் பசங்களின் கூச்சல் அதிகமானது."அது என்னங்கேன்.. .. ஒரே வாக்குல" செல்லமாக அதட்டினாள் பாட்டி.

" பாட்டி.. அம்மாட்ட கதை சொல்லச்சொன்னோம். அம்மா எனக்கு கத சொல்லத்தெரியாதுன்னு சொல்றாங்க" என்று புகார் வாசிக்கப்பட்டது.

"கதைதானே... பாட்டி சொல்றேன். கேட்டுக்கிட்டே சாப்பிடுவீங்களாம். சரியா?.."

எல்லோரும் வட்டமாக அமர்ந்துகொள்ள, சாத உருண்டையை குழந்தைகளின் கைகளில் வைத்தவாறே பாட்டி கேட்டாள்.

"ஏண்டா தங்கம்... மூன்று சல்லடைகள்ன்னு ஒரு கதை.. யோகானந்தன் கணேசன் சொன்னது. அதை  சொல்லட்டா?.."

"அது ஏற்கனவே சொல்லியாச்சு"

"அப்ப.. கைப்புள்ள சொல்லித்தந்த கிராமிய பாடல்கள் ஏதாவது பாடட்டுமா?.."

"அது தூங்கப்போகும்போது பாடுங்க பாட்டி.. "

"குறும்புக்காரபசங்கடா நீங்க.. அது கிடக்கட்டும்.. நீங்கல்லாம் வளந்தப்புறமும் அப்பாம்மா கிட்ட பாசமா இருப்பீங்கதானே?.."

" நிச்சயமா இருப்போம். ஏன் அப்படி கேக்கிறீங்க?.."

ஒண்ணுமில்லை.. ஒரு அப்பா மகனுக்கிடையேயான உறவை 'கொத்துபுரோட்டாவும் பழையசோறும்' ன்னு ஒரு கவிதையில பசுபதி ரொம்ப அழகா சொல்லியிருக்காரு.. அது ஞாபகம் வந்துச்சு.."

"பாட்டி,  நாமெல்லாம் ஒரு நாளைக்கு கன்னியாகுமரி போலாமா?.. சூரிய உதயம், அஸ்தமனம், விவேகானந்தர் பாறை எல்லாம் பாத்துட்டு வரலாம்"

"அதுக்கென்ன.. போலாமே.. ஆனா,  அர்ஷியாசுக்கு நடந்தமாதிரி நடக்காம
இருக்கணும் :-).."

"பாட்டி.. எனக்கும் ஒரு கவிதை தெரியும்!!.."செல்போனில் காதலிக்கிறவங்களைப்பத்தி அஹமது சுஹைல் எழுதியிருக்காரு சொல்லட்டுமா?.." என்று குறும்புடன் குரல் கொடுத்தான் கல்லூரியில் படிக்கும் மூத்த பேரன்.

இடையில் குறுக்கிட்டது ஒரு வாண்டு. " பாட்டி .. நீங்களும் சின்னவயசுல உங்கபாட்டிகிட்ட கதையெல்லாம் கேப்பீங்களா.. " என்றான்.

" மீனா சொல்லியிருக்கிறமாதிரி பாட்டிவீடு இருந்தா,.. யாருக்குத்தான் பிடிக்காது. ஹூம்.. அதெல்லாம் ஒரு பொற்காலம். வயசானவங்களை சுமையா நினைச்சு திண்ணை(சிவகுமாரன்)க்கோ முதியோரில்லத்துக்கோ அனுப்பாம மரியாதையா நடத்தின காலம்..". ஒரு பெருமூச்சு விட்டுக்கொண்டு பாட்டி தொடர்ந்தார்,"அவங்களோட பேர்ல வாங்கின மொதச்சொத்தைப்பத்தி எப்பவும் பேசுவாங்க.நம்ம சே.குமார்கூட அதைப்பத்தி ஒரு கதை எழுதியிருக்காரு. பாட்டிவீட்ல எப்பவும் விளையாட்டும் கும்மாளமும்தான்."

"படி.. படின்னு சொன்னதேயில்லியா அவங்க?/.."

"ஊஹூம்.. இப்ப நம்ம நாணல் சொல்லியிருக்கிறதை அப்பவே கடைப்பிடிச்சவங்க அவங்க"

பேச்சு சுவாரஸ்யத்தில் குழந்தைகள் சாப்பிட்டுமுடிக்கவும், சுபாவின்குறிப்புகளை பார்த்து செஞ்ச பேரீச்சம்பழ கேக்கை அம்மா கொண்டுவந்து வைக்க, ஆளுக்கொரு துண்டு எடுத்துக்கொண்டார்கள்.