சங்கரலிங்கம் பொறுப்பினை வரலாற்று சுவடுகளிடம் ஒப்படைக்கிறார்.

அன்பின் சக பதிவர்களே !

இன்றுடன் முடியும் வாரத்திற்கு ஆசிரியப் பொறுப்பேற்ற அருமை நண்பர் சங்கரலிங்கம், தான் ஏற்ற பொறுப்பினை மிகுந்த ஈடுபாட்டுடன் நிறைவேற்றி, மன நிறைவுடன் நம்மிடமிருந்து விடை பெறுகிறார்.

இவர் ஏழு இடுகைகள் இட்டு எழுபதுக்கும் மேலான பதிவர்களையும் நூற்று ஐம்பதுக்கும் மேலான பதிவுகளையும் ( சுய பதிவுகள் உள்ளிட்ட ) அறிமுகப் படுத்தி - ஏறத்தாழ முன்னூறு மறுமொழிக்ள் பெற்றிருக்கிறார்.

நண்பர் சங்கர லிங்கத்தினை வாழ்த்தி வழி அனுப்புவதில் பெருமை கலந்த மகிழ்ச்சி அடைகிறேன்.

நாளை துவங்கும் வாரத்திற்கு ஆசிரியப் பொறுப்பேற்க வருகிறார் நமது நண்பர் - வரலாற்றுச் சுவடுகள் என்னும் தளத்தில் எழுதும் நண்பர்.

தற்போது மனாமா (Manama), பஹ்ரைன் (Bahrain)-ல் கணக்காளராக (Accountant) வேலை செய்து வரும் இவரது சொந்த ஊர் அருப்புக்கோட்டைக்கு அருகில் உள்ள புதூர் ஆகும்., இது தூத்துக்குடி மாவட்டம், விளாத்திகுளம் வட்டத்தில் அமைந்துள்ளது. 2011-ல் தற்செயலாக பதிவுலகம் பற்றி அறிந்த இவர் 2012-ல் அதில் ஒரு அங்கமாக இணைந்து கொண்டு தொடர்ந்து பதிவுகள் எழுதி வருகிறார். முடிந்த அளவு தரமான இடுகைகளை எழுதுவதே இவரது நோக்கம். வரலாறுகளின் மேல் தீராத காதல் கொண்டதன் காரணமாக இவரது இடுகைகளும் அதை சுற்றியே இருக்கும். ட்விட்டர், முகநூல் மற்றும் கூகிள் பிளஸ் ஆகிய தளங்களிலும் எழுதி வருகிறார்.

நண்பர் வரலாற்று சுவடுகளை வருக வருக - அறிமுகங்களை அள்ளித் தருக என வரவேற்று வாழ்த்துவதில் பெருமகிழ்ச்சி அடைகிறேன்.

நல்வாழ்த்துகள் சங்கர லிங்கம்

நல்வாழ்த்துகள் வரலாற்று சுவடுகள்

நட்புடன் சீனா