செண்பகமே செண்பகமே .. ( வலைச்சரத்தில் )

அன்புமிக்க நண்பர்களே!!

வலைச்சரத்தில் மீண்டும் உங்களை சந்திக்க வந்துள்ளேன். இது எனக்கு ரொம்ப மகிழ்ச்சியாக உள்ளது. வலைச்சரத்தில் இன்று முதல்நாள். வழக்கமாக இன்றைய தினம் முதல்நாள் அன்று அறிமுகப்பதிவு தான் வெளியிடுவாங்க. நான் ஏற்கனவே கடந்தமுறை என்னைப்பற்றி குறிப்பிட்டுள்ளதால் அறிமுகப்பதிவு தேவையில்லை என நினைக்கிறேன்.

அதனால் நேரடியாகவே கதைக்குள்ள போவோமா. அட ஆமா கதைன்னு சொன்னதுதான் ஞாபகம் வந்தது. இப்போ கதை சொல்ற சீசன் நடந்துக்கிட்டிருக்குன்னு நினைக்கிறேன். அதனால் நான் இந்தவாரத்தில் கொஞ்சம் வித்தியாசமாக பதிவர்களின் அறிமுகத்தை தொடர்கதையாக எழுதப்போகிறேன். அதற்கு உங்கள் மேலான ஆதரவுகளை நல்குவீர்கள் என்று நினைக்கிறேன்.

இப்போது கதைக்குள் செல்வோமா நண்பர்களே!!..


ஒரு ஊரில் ஒரு செல்வந்தன் இருந்தான். அவன் பெயர் மணி. அவன் மனைவி பெயர் செண்பகம். அவனுக்கு ஏராளமா சொத்துநிலபுலன்கள், இருந்தன. அதனால் அவன் வேலைக்கு செல்லாமல் உக்கார்ந்தே சாப்பிட்டு சொத்துக்களை கரைத்தான். இது அவன் மனைவிக்கு பிடிக்கவில்லை. அதனால் அவனை வேலைக்கு செல்லுமாறு வற்புறுத்தினாள்.

மணி தன் மனைவியிடம் ஏப்புள்ள!!.. 4 தலைமுறைக்கும் சேர்த்து இவ்வளோ சொத்துஇருக்கு. இதை அனுபவிக்காம நாம் வேற வேலைசெய்யவா. அதனால நான் ஒரு திட்டம் வைத்திருக்கிறேன். நான் இந்த உலகை சுற்றிவர ஆசைப்படுகிறேன். அதுக்கு முன்னாடி பக்கத்து ஊர்ல வலையுலகில் நிறைய பதிவர்கள் இருக்காங்க அவங்களிடம் போய் ஐடியா கேப்போம் என்ன சரியா..

அதென்ன மச்சான்! வலையுலகம்.. அப்படின்னு ஒரு உலகம் இருக்கவா செய்யுது.. கலிகாலம்டா சாமி...

ஆமாப்புள்ள அவுகதான் இப்போ கொடிகட்டி பறக்குவுதாக.. சரிப்புள்ள நான் போய்வருகிறேன். இங்க இருந்தா நீ தொணதொணன்னு பேசிக்கிடே இருப்பே..

ஏமச்சான்! பாத்தீகளா என்னைய வுட்டுட்டு போறேன்னு சொல்றீகளே. இதென்ன நியாயம். நானும் வருவேன் ஆமா சொல்லிபுட்டேன்.

சரிசரி வா வா நாம ரெண்டுபேருமே போவோம்.

மச்சான் மச்சான் நீங்க ஊர்வழிக்கு போறேன்ன்னு சொன்னீங்களே.. அதைபற்றி யாராவது எழுதிருக்காங்களான்னு பாருங்களேன்..

இரு புள்ள பாக்குறேன்.. ஆங்.. ஆங்... அட இங்கபாரு ஒருத்தர் சிங்கப்பூர்ல இருக்காராம் அவருபேரு.. ஆங்.. கோவி.கண்ணன். இவரு சிங்கப்பூர்ல இருந்து தன் குடும்பத்தோடு ஐரோப்பாவுக்கு டூர் போயிட்டு வந்திருக்காராம்..

அப்படியா மச்சான்!! அதென்ன மச்சான் டூர்?.

மண்டு மண்டு!! டூர்ன்னா தமிழ்ல் சுற்றுலா. உன் பாஷையில சொல்லனுன்னா ஊர்வழி.

அட ஆமால்ல.. நான் ஒரு படிக்காதவ. என் ராசா எம்ப்பூட்டு விவரமா இருக்கீக. இந்தாங்க இதை வாங்கிக்குங்க. இச் இச் இச் இச்...

போதும் போதும்.. நம்ம விவகாரம் அப்புறம் பாக்கலாம். இங்க பாரு.

ஆங்! கோவி.கண்ணன் என்ன சொல்றாரு..

அவரு ஐரோப்பாவுக்கு டூர் போயிட்டுவந்ததை 9 பாகமா எழுதியிருக்காருன்னா பாத்துக்கோயேன்.

ஐரோப்பா எங்க இருக்கு மச்சான்?..

அடபோப்புள்ள! உனக்கு விளக்கம் சொல்றதுக்குள்ளே எனக்கு தாவு தீர்ந்திரும்போல சே! ஐரோப்பா, நாம இருக்கிற ஆசியா கண்டம் மாதிரி அதுவும் ஒரு சின்ன கண்டம்.

மன்னிச்சிகோ மச்சான்! இனிமே இப்படில்லாம் கேக்கமாட்டேன். மச்சான் என்னையும் கூட்டிட்டுபோ.. நானும் வருவேன் ஐரோப்பாவுக்கு.

சரி சரி.. அடுத்தவுகள பாப்போமா..

அட இங்கபாரு செண்பகம். இவங்க பேரு துளசி கோபால். இவரை துளசி டீச்சர்ன்னு எல்லோரும் அன்போடு அழைப்பாங்களாம்.

அப்போ வாத்தியாரம்மான்னு சொல்லுங்க..

இவங்க குஜராத் போன அனுபவத்தை 30க்கும் மேலான பாகங்கள் எழுதியிருக்காங்க. இவரோட வலைப்பூவில் நிறைய அனுபவ கட்டுரைகள் புதைந்து கிடக்குது.. தோண்ட தோண்ட ( படிக்க படிக்க ) ரொம்ப விறுவிறுப்பா இருக்குது. நாம் ஒரு தடவை போயிட்டுவருவோமா புள்ள.

சரிமச்சான்.. அடுத்து யாரு இருக்காகன்னு பாருங்க.

அடுத்து துபாய் ராஜான்னு ஒருத்தர் இருக்காரு..

அப்படியா இவரு துபாய்க்கே ராஜாவா?..

அட சே! என்னபுள்ள.. இவரு முன்னாடி துபாய்ல இருந்திருப்பாருன்னு நினைக்கிறேன். அதனால துபாய்ன்னு பேர்ல அடைமொழி போல. இப்போ இருக்கிறது எகிப்துல.

இவரு விமானத்துல செல்லும்போது ஏற்பட்ட அனுபவத்தை பற்றி எழுதிருக்காரு..

இது மட்டும்தானா மச்சான்!

இதுமட்டுமல்லபுள்ள.. இன்னும் நிறைய இருக்கு. குட்டிச்சாத்தானுக்கும் இவருக்கும் இடையே பெரிய சண்டையே நடந்திருக்கு..

என்ன மச்சான் குட்டிச்சாத்தானுக்கும் இவருக்கும் சண்ட நடந்திருக்கா நம்பவே முடியல..

என்னாலையும்தான் நம்பமுடியல... 6 பாகமா எழுதிருக்கான்னா பாத்துக்கோயேன். படிச்சி பார்ப்போமா..

அடுத்து இவரு எகிப்துல சுற்றுலா போனது பற்றி 8 பாகமா எழுதியிருக்காரு.

அப்ப ரொம்ப விறுவிறுப்பா இருக்குன்னு சொல்லுங்க. வேற யாரு..?.

இங்க பாரு ஒருத்தர் நம்நாட்டுல இருந்து வெளிநாட்டுக்கு போகும்போது உண்டான் அனுபவத்தை பற்றி எழுதிருக்காரு..

இது எல்லோருக்கும் ஏற்படக்கூடியதுதானே.. இதுல என்ன புதுசா இருக்கு..

அட நீவேற புள்ள.. அவரு புதுசா கல்யாணம் ஆகி 3 மாதத்துல வெளிநாட்டுக்கு போறதுன்னா எவ்வளவு கஷ்டம். இது காணாதுன்னு இயற்கையும் சதி செஞ்சிருக்கு..

அதென்ன மச்சான்!

ஆமா புள்ள.. அவருபோன விமானத்துல ஏதோ கோளாறாம். 2 நாள் அவதிபட்டிருக்காரு.. நீயே படிச்சிப்பாரு.

அட ஆமா.. இவரு நம்ம ஸ்டார்ஜன்னுல்ல.. வேற யாருன்னு பாரு மச்சான்.

வெளிநாட்டுல இருந்து ஊருக்குத் திரும்பும்போது உள்ள சந்தோசம் இருக்கே.. அதை விவரிக்க வார்த்தையே இல்லன்னு சொல்லலாம் புள்ள..

என்ன மச்சான் சொல்றீக..

ஆமா புள்ள இவரு பேரு சரவணக்குமார்.. இவர் ஊருக்கு போகும்போது உண்டான சந்தோசத்தை பற்றி சொல்லிருக்காரு..

ஆமா மச்சான்! உண்மையிலே ரொம்ப சந்தோசமா இருக்கும்.. ஊர்ல மணைவி, பிள்ளைகளை 2 வருஷம் கழித்து பார்க்கும்போது எப்படி இருக்கும்?. வெளிநாட்டுல போய் கஷ்டப்பட்டு சம்பாதித்து ஊருக்கு போகும்போது ரொம்ப சந்தோசமாவே இருக்கும் மச்சான். இவரோட பக்கத்தை படிச்சி காட்டுங்க மச்சான்.

அட என் பொண்டாட்டி என்னமா பேசுற.. புல்லரிக்குது.. இந்தா வாங்கிக்கோ இச் இச் இச் இச்...

போதும் மச்சான் போதும்.. அட அடடா.. சமையற்கட்டுல ஏதோ சத்தம் கேக்குது. மத்ததை நாளைக்கு பாப்போம் மச்சான். எனக்கு கொஞ்சம் சமையற்கட்டுல வேலை இருக்கு.. வாரேன்.


தொடரும்...


உங்கள் மேலான கருத்துக்களை எதிர்பார்த்தவனாக உங்கள் ஸ்டார்ஜன்.