நல்வாழ்த்துகள் பிரதாப் - வருக வருக ஜோதிஜி

அன்பின் சக பதிவர்களே !

இன்றுடன் முடியும் வாரத்திற்கு ஆசிரியப் பொறுபேற்ற அருமை நண்பர் நாஞ்சில் பிரதாப் - ஏற்ற பொறுப்பினை நிறைவேற்றி - நம்மிடமிருந்து விடை பெறுகிறார். இவர் நாலு இடுகைகள் இட்டு, ஏறத்தாழ நூறுக்கும் மேற்பட்ட மறு மொழிகள் பெற்று, மன நிறைவுடன் விடை பெறுகிறார்.

இவர் அறிமுகப்படுத்திய பதிவர்கள் / இடுகைகள் ஏறத்தாழ பதினைந்து. எதிர்பாராத காரணத்தால் ஏற்பட்ட உடல் நலக் குறைவின் காரணமாக இரு தினங்கள் இடுகைகள் இட இயலவில்லை.

நல்ல முறையில் புதுப்புது பதிவர்களைத் தேடிப் பிடித்து அறிமுகம் செய்த விதம் பாராட்டுக்குரியது. நண்பர் பிரதாப்பினை விரைவினில் உடல் நலம் பெற பிரார்த்தனைகளூடன் கூடிய நல்வாழ்த்துகளைத் தெரிவித்துக் கொள்கிறேன். விடைபெறும் நண்பரை வலைச்சரத்தின் சார்பினில் வாழ்த்தி வழி அனுப்புவதில் பெருமை அடைகிறேன்.

நாளை 19 ஜூலை துவங்கும் வாரத்திற்குப் பொறுப்பேற்க வருகிறார் திருப்பூரைச் சார்ந்த அருமை நண்பர் ஜோதிஜி. இவர் தேவியர் இல்லம் என்ற வலைப்பூவினில் எழுதி வருகிறார். இவர் தற்பொழுது திருப்பூரில் வாழ்ந்து வருகிறார். இவர் வரலாற்று உண்மைகளை இந்திய சுதந்திர ரகஸ்யங்கள் என்ற தொடரில் எழுதி இருக்கிறார். இலங்கை ஈழப் பிரச்னைகளைப் பற்றி பல இடுகைகள் எழுதி இருக்கிறார்.

நண்பர் ஜோதி கணேசனை வருக வருக - பதிவர்கள் அறிமுகம் தருக தருக என வரவேர்று வாழ்த்துக்ள் கூறுவதில் மகிழ்ச்சி அடைகிறேன்.

நல்வாழ்த்துகள் ஜோதிஜி
நட்புடன் சீனா