மாணவன் ஆசிரியர் ஆன கதை...(அறிமுகம்)

“என்ன செய்கிறாய் இப்போது

இனிமேல் நானும் கேட்கலாம்

ஏனென்றால் எனக்கும் வேலை

கிடைத்துவிட்டது”

அன்பின் நண்பர்கள் அனைவருக்கும் மாணவனின் சிரம் தாழ்ந்த வணக்கங்கள்.

வலைச்சரம் மூலம் உங்களை சந்திப்பதில் மிகவும் மகிழ்ச்சியடைகிறேன்..

எனக்கு வலைச்சரத்தில் ஆசியராக வாய்ப்பு கொடுத்த மதிப்பிற்குரிய திரு. சீனா ஐயா அவர்களுக்கும் மற்றும் வலைச்சர நிர்வாக குழுவினருக்கும் எனது முதற்கண் வணக்கங்களையும் நன்றியினையும் தெரிவித்துக்கொள்கிறேன்

வலைச்சரத்தில் என்னை ஏற்கனவே அறிமுகபடுத்திய மரியாதைக்குரிய  திரு.பன்னிகுட்டி ராம்சாமி அவர்களுக்கும் பிரபல பதிவர் அருமை அண்ணன் சிரிப்புபோலீஸ் ரமேஷ் (ரொம்ப நல்லவன் சத்தியமா) அவருக்கும் மற்றும் கடந்த வாரம் வலைச்சர ஆசிரியராக பணியாற்றிய அன்புடன் மலிக்கா மேடம் அவர்களுக்கும் இந்த தருணத்தில் எனது மனமார்ந்த நன்றியினை தெரிவித்துகொள்கிறேன்...

வலைச்சர வழக்கப்படி ஒவ்வொரு வாரமும் ஆசிரியராக பொறுப்பேற்கும் பதிவர் முதல் நாள் தனது சொந்த பதிவுகளை (சுய அறிமுகம்) செய்துகொண்டு அடுத்துதான் பதிவர்களை அறிமுகபடுத்துவது வழக்கம். அந்த வகையில் இன்று எனது பதிவுகள் சிலவற்றை பகிர்ந்துகொள்கிறேன்.

பதிவுலகத்தில் நீண்டகால வாசகனாக இருந்தாலும் அன்பு நண்பர்களின் வேண்டுகோளுக்கிணங்கி கடந்த வருடம் (2010) ஜூலை மாதம்தான் கணினிபற்றிய ஒரு சின்ன கவிதையின் அறிமுகத்தோடு எழுத ஆரம்பித்தேன். பதிவுகள் எழுத ஆரம்பித்தபிறகு சிறந்த நண்பர்களின் நட்புகள் கிடைத்தன.

வளர்ந்து வரும் அறிவியல் உலகில் கணினிபற்றி கலைச்சொற்களையும், கணிதத்தில் எண்களின் சொற்கள் பற்றியும் மற்றும் பொது அறிவு தகவல்களையும் கற்று வருவதில் இன்னும் மாணவனாக இருக்கிறேன்.

பள்ளிபருவ காலத்திலிருந்தே அறிவியலிலும் வரலாற்றிலும் கொஞ்சம் ஈடுபாடு அதிகம் அதன் முயற்சியாகத்தான் வரலாற்றில் சாதனை புரிந்த சில வரலாற்று நாயகர்களின்  தகவல்களை சேகரித்து பதிவுகள் எழுதி வருகிறேன்...

அவ்வபோது எனது கனவு, காதல், படிப்பு பற்றி கவிதை என்ற பெயரில் எழுதுவதுண்டு. எனக்கு பொழுதுபோக்கு நல்ல இசையை தேடி கேட்பது பாடல்கள் கேட்பதுதான். அதுவும் இசைஞானியின் ரசிகனாக இருப்பதில் மிகவும் பெருமையடைகிறேன். அதன் வெளிப்பாடாக நான் எழுதிய ஒரு பதிவு தாலாட்டு கேட்க எத்தனை நாள் காத்திருந்தேன்... என்ற பாடல் பதிவு.

இயல்பாகவே நான் ரொம்ப அமைதியான பையன் எல்லோரிடமும் அன்பாக பழக வேண்டும் என நினைப்பவன் (அட நம்புங்கபா) அதற்காகவே மனதை அமைதியாக வைத்துகொள்வதற்கு நேரம் கிடைக்கும்போது தியானம் செய்து எதிலும் அதிக பற்று இல்லாமல் அனைவரிடமும் அன்பாக இருப்பதற்கு ஆசைபடுபவன்.

எனது அறிமுகம் போதும் என்று நினைக்கிறேன்... வலைச்சரத்தில் முடிந்தளவுக்கு சிறப்பாக செயல்பட முயல்கிறேன் அதோடு பல புதிய நண்பர்களை (பதிவர்கள்) அறிமுகபடுத்துகிறேன். நண்பர்கள் அனைவரும் எனது தளத்திற்கு வருகைதந்து ஊக்கபடுத்தியதுபோல வலைச்சரத்துக்கும் உங்களின் நல்ஆதரவைதந்து ஊக்கபடுத்துமாறு பணிவன்புடன் கேட்டுக்கொள்கிறேன்... நன்றி

என்னை வலைசரத்தில் ஆசிரியராக்கி அழகுபார்த்த திரு. சீனா ஐயா அவர்களுக்கு மீண்டும் எனது மனமார்ந்த நன்றியினை தெரிவித்துக்கொள்வதோடு, மீண்டும் நாளை... சிறந்த மற்றும் புதிய பதிவர்கள் அறிமுகத்தோடு சந்திப்போம் நண்பர்களே... நன்றி

மாணவன் ஸ்பெஷல்: 

முடியாது என முடங்கி விடாதே

முடியும் என முனைந்து நில்...

பயிற்சியும் முயற்சியும் இருந்தால்

ஒவ்வொரு மனிதனும் சாதனையாளனே...!!!

வாழ்க வளமுடன்

என்றும் நட்புடன்

உங்கள். மாணவன்