ஆதி மனிதனிலிருந்து அஞ்சாசிங்கம் வரை

(அறிமுகங்கள் 01)

நான் விரும்பிப்படிக்கும் சில பதிவர்களைப் பற்றியும் படித்த இடுகைகள் பற்றியும் பகிர்ந்துக்கொள்கிறேன். உங்களுக்கு இவர்கள் அறிமுகங்களாகவோ அறிந்த முகங்களாகவோ இருக்கக்கூடும்.

1. ஆதிமனிதன்: http://aathimanithan.blogspot.com/

அரசியல், சினிமா, நகைச்சுவை, சிறுகதை என்று பல்துறைகளிலும் தடம் பதித்த வித்தகர். இவர் ஆரம்பகாலத்தில் எழுதிய தாத்தா – பாட்டி என்ற சிறுகதை எனக்கு பிடித்திருந்தது. அப்படியே 70 vs 90 என்ற இடுகையில் ஆரம்பித்து பீனட்ஸும் பக்கத்து சீட் பெண்ணும் வரைக்கும் நகைச்சுவை இடுகைகள் அனைத்தும் கலக்கல். வாடகை சைக்கிள் எனும் கட்டுரையில் நமது பழைய நினைவுகளை அழகாக தூண்டி விடுகிறார்.

2. ஆஹா பக்கங்கள்: http://mabdulkhader.blogspot.com/

வலைப்பூவின் பெயருக்கு ஏற்ப ஆஹா என்று சொல்லவைக்கும் இடுகைகளுக்கு சொந்தக்காரர். மனைவிகளை கைக்குள் போட்டுக்கொள்வது எப்படி...? (ஹலோ, அவங்கங்க மனைவியை தாம்பா...) என்று ஆண்களுக்கு அறிவுரை வழங்கியிருக்கிறார். வித்தியாசமான நாட்டு நடப்புகளை சில சமயம் நம்மோடு பகிர்ந்துக்கொள்ளும் இவர் உலகின் நம்பர் 1 முன்மாதிரி கிராமம் என்று எந்த கிராமத்தை கூறுகிறார் பாருங்கள்.

3. எனது பயணங்கள்: http://enathupayanangal.blogspot.com/

எனது பயணங்கள் வலைப்பூவின் வழியாக பயணம் செய்தால் சிறுகதைகள், தொடர்கதைகள், கவிதைகள் என்று களை கட்டுகிறது. பச்சை நிற பக்கெட் என்ற பெயரில் தனது அனுபவமொன்றை பகிர்ந்திருக்கிறார் பாருங்கள். அதுமட்டுமில்லாமல், சென்னையில் ஒரு வெண்ணை, பரோடாவில் ஒரு பட்டிக்காட்டான் என்ற பெயரில் தனது பயண அனுபவங்களை தொடராக எழுதி வருகிறார்.

4. எனது பயணம்: http://entamilpayanam.blogspot.com/

இதுவும் ஒரு பயணம்தான், ஆனால் தமிழ் பயணம். இவர் சமீபத்தில் ராஜ ராஜ சோழனை பற்றி எழுதிய இடுகை என்னை பெருமளவில் கவர்ந்தது. திருமணத்திற்கு முன்னும், திருமணத்திற்கு பின்னும் நம் மனநிலை எப்படி மாறுகிறது என்று இந்த இடுகையில் தெளிவுப்படுத்தியிருக்கிறார் பாருங்கள்.  தனது கல்லூரி நினைவுகளை நம்மோடு பகிர்ந்திருக்கிறார். அதையும் படியுங்கள்.

5. என் ஒட்டைப்பையிலிருந்து சில சில்லறைகள்: http://nithyakumaaran.blogspot.com/

இவர் கிட்டத்தட்ட மூன்று வருடங்களாகவே பதிவெழுதி வருகிறார். ஆனாலும் அதிகம் அறியப்படாதவர். தன் மனைவியைப் பிரிந்த ஒரு வாரத்தை “அந்த ஏழு நாட்கள்” என்ற பெயரில் கவிதையாய் வடித்திருக்கிறார் பாருங்களேன். பின்னாளில் முன்னாள் காதலிக்கு ஒரு கடிதமும் எழுதியிருக்கிறார். கவிதை, கடிதம் மட்டும்தான் என்றில்லாமல் அவ்வப்போது கோல், உலோகம் என்று நூல் விமர்சனங்களும் எழுதியிருக்கிறார்.

6. எழுதிப்பார்க்கிறேன்: http://yuva-theprince.blogspot.com/

சும்மா எழுதிப்பார்க்கிறேன் என்று சொன்னாலும் இவரது எழுத்துநடை வியக்க வைக்கிறது. அவரது கனவுக்கடவுளான James cameroonஐ சந்தித்த அனுபவத்தை நம்முடன் அழகாக பகிர்கிறார். கோபத்தைப் பற்றி தனது எண்ணத்தை கவிதையாகவும், பயத்தைப் பற்றிய தனது எண்ணத்தை கட்டுரையாகவும் நம்முடன் பகிர்ந்திருக்கிறார் பாருங்கள்.

7. எழுத்துக்கடை: http://vasanthanatesan.blogspot.com/

எழுத்துக்கடை பற்றிய அறிமுகத்தை நம்ம கடையிலேயே ஒருமுறை பார்த்திருப்பீர்கள் இருந்தாலும் மீண்டுமொரு முறை. கன்னியாகுமரியிலிருந்து கடல்தாண்டி துபாய் சென்றிருக்கும் இவர் துபாய் வாழ்க்கை பற்றி ஒரு கட்டுரையை சுவையாக எழுதியிருக்கிறார். அப்புறம் முன்னாடியே சொன்னமாதிரி “பயபுள்ளைங்க” என்ற வார்த்தைக்கு காப்பிரைட்டே வாங்கி வைத்திருக்கிறார்.

8. தம்பி கூர்மதியான்

நான்கு வலைப்பூக்களுக்கு சொந்தக்காரர் அதிலொன்று ஆங்கிலம். ஒரு வலைப்பூவில் கவிதைகள்: கருவறையும் கல்லறையும், நான் கண்ட மீசை போன்ற கவிதைகள் என்னுடைய பேவரிட். அனுபவங்களைப் பகிர்ந்துக்கொள்ளும் வலைப்பூவில் நந்தலாலா, மந்திரப்புன்னகை என்று திரை விமர்சனங்கள் உட்பட நிறைய பயனுள்ள இடுகைகள் கிடைக்கின்றன. பொதுவா யூத்துன்னா பொண்ணுங்களை சைட் அடிப்பாங்க இவர் ஒரு ஆயாவை சைட் அடித்த கதையை விவரித்திருக்கிறார் பாருங்கள்.

9. கொக்கரக்கோ: http://kokkarakko2011.blogspot.com/

இவரைப் பற்றிய அறிமுகத்தையும் ஏற்கனவே நம்ம கடையில் ஒருமுறை பார்த்திருப்பீர்கள். இங்கே மீண்டும் ஒருமுறை. அரசியல் குறித்த இடுகைகளை சுவைப்பட எழுதுவது இவருடைய ஸ்பெஷாலிட்டி. ஜெ ஜெயிக்க என்ன செய்ய வேண்டும்...? என்று இங்கே அலசியிருக்கிறார் பாருங்கள். அப்படியே கலைஞர், ராமதாஸ், மு.க.அழகிரி, ராகுல் காந்தி என்று பலரைப் பற்றியும் இவரது பார்வையை படித்துப் பாருங்களேன்.

10. அஞ்சாசிங்கம்: http://anjaasingam.blogspot.com/

இவர் நிறைய சீரியஸான சிந்தனைகளுக்கு சொந்தக்காரர் ஆனால் இதுவரை நகைச்சுவையான இடுகைகளையே அதிகம் எழுதிவருகிறார். எல்லோருமே திரைப்படத்துக்கு விமர்சனம் எழுதினால் இவர் திரைக்கே விமர்சனம் எழுதியிருக்கிறார் பாருங்கள். வித்தியாசமா ஒரு காதல் கடிதத்தையும் எழுதியிருக்கிறார் அதையும் பாருங்கள். தீவிர கவுண்டமணி ரசிகரான இவர் ரசிகர் மன்ற தளத்தில் எழுதியிருக்கும் காட்டு தர்பார் செம காமெடி ரகம்.

மீண்டும் நாளை மாலை பத்து முத்துக்களுடன் சந்திக்கிறேன்.

என்றும் அன்புடன்,

N.R.PRABHAKARAN