சரம் 3 – கூட்டாஞ்சோறு

சின்னப் புள்ளைங்க கூட்டாஞ்சோறு விளையாட்டு விளையாடுவாங்க.. பாத்துருக்கீங்களா?? ஆளுக்கொரு வீட்ல இருந்து பொருட்கள எடுத்துட்டு வந்து கிடைக்கிற ஜாமானை வச்சு சமைச்சு சந்தோசப்பட்டுக்குவாங்க.

அதுமாதிரி இன்னைக்கு தொடுக்கப்போற சரம்“ல, குறிப்பிட்ட தனி வகைப் பதிவுகள்னு இல்லாம, எல்லாம் கலந்த, படிச்சு ரசிச்ச பதிவுகள பத்தி பகிர்ந்துக்கலாம்னு இருக்கேன். (பயப்புடாதீங்க.. நா எழுதின பதிவுகளப் பத்தி சொல்ல மாட்டேன்..).

நா மொத மொதல்ல பதிவுகள்னு படிக்க ஆரம்பிச்சதுனா இவரோட தளத்துல தான். கவிதைய காதலிக்கிறேன்னு இவர் சொல்றது எவ்ளோ உண்மைனு அவரோட எழுத்துக்கள்ல நல்லாவே தெரியும். இவரோட கவிதைய படிக்கிறவங்க> பாராட்டாம இருக்கவே முடியாது. கவிதை மட்டுமில்ல, சினிமா விமர்சனமும் தரமானதா எழுதுவாரு. குறிப்பா, பெண்கள்கிட்ட ஆண்கள் கேட்க நினைக்கிற கேள்விகள ரொம்ம்ம்பவே நொந்துபோய் எழுதியிருப்பாரு. உக்காந்து யோசிப்பாரோஓஓஓ“ங்குற அளவுக்கு ஆச்சர்யப்பட வைக்கும் பதிவுகள்ல, இவர் தொடர்பதிவா எழுதின காதல் கடிதம் பதிவும் ஒண்ணு.

இவர் வசனக்கவிதை எழுதுறதுல வல்லவர். இவர் எழுதின கர்ப்பகாலக் காதல்“ங்குற பதிவுல காதல் ரசம் (குழம்பு, மோர்“னு) பொங்கி வழியும். பதிவுலக காதல் மன்னன்“னு பட்டம் குடுக்குற அளவுக்கு காதல் பத்தின பதிவுகளாவே எழுதிகிட்டு இருக்கார். ஒருமுறை, நிறைய பேர் “ஆணி புடுங்கிட்டு வரேன்”னு அடிக்கடி கிண்டலா சொல்றதுனால பயபுள்ள திடீருனு பொங்கி எழுந்துடுச்சு.. உடனே, ஆணி தொழில் பற்றிய பதிவ, அதுல இருக்குற கஷ்டங்களப் பத்தி எழுதி, இனிமே கிண்லா கூட அப்டி சொல்லாதீங்கனு கேட்டுக்கிட்டார்.

அடுத்த நண்பர் இவர். இவரோட ப்ளாக்குக்கு அடிக்கடி யாராவது சூன்யம் வச்சிடுவாங்க. பாவம் மனுஷர் கடுப்பாகி புதுசா ஒரு வலைதளமே ஆரம்பிச்சுட்டார். வாராவாரம், இவரோட அஞ்சறைப்பெட்டி“ல (கடுகு, சீரகம்“னு) நிறைய தகவல்கள வாரி வழங்குவாரு. அடிக்கடி மருத்துவம் பற்றிய பதிவுகள் குடுக்குறது இவரோட தனித்தன்மை. சமூக அக்கறை, அரசியல் ஆர்வம் இவர்கிட்ட நிறைய இருக்கு (தண்ணிய குடிங்க பாஸூ). பொதுவா, வாழ்க்கைல நாம பண்ணுற தப்புக்கள்“னு சுட்டிக்காட்டி நகைச்சுவையா சொல்லிருப்பார்.

அடுத்ததாக, இவர் சீரியஸாகவும் நையாண்டியாகவும் பதிவுகளை எழுதுவதில் திறமையானவர். பாதுகாப்பாக Chat செய்றதுக்கெல்லாம் சொல்லிக்குடுத்துருக்கார்னா பாத்துக்கங்களேன் (படிச்சிட்டு கடுப்பானீங்கனா நா பொறுப்பில்லங்க.. சொல்லிப்புட்டேன்). அதோடு மட்டுமில்லாம, ஒரு அம்மா என்கிற முறையில் நேஹா பற்றிய பதிவுகள் மழலைக் கொஞ்சல்கள்.. குறிப்பாக குழந்தைகள் பற்றிய இவரோட பதிவு ரசிக்கவும் சிந்திக்கவும் வைக்கும்.

கூட்டாஞ்சோறுனு சொல்லிட்டு மொக்கை போடுற பதிவர் பற்றி சொல்லாம இருக்க முடியுமா? இவர் பதிவுகள்ல தான் மொக்கை போட்றாருனா லவ் லெட்டர்ல கூட மொக்கை தான். படிக்கிற நமக்கு, பேசாம கொலைக்கேசுல உள்ள போயிடலாமானு கூட தோணும். அவ்வளவு அருமையா எழுதியிருப்பாரு.

ம்ம்ம்ம்ம்??? எங்கயிருந்தோ குரட்டை சத்தம் கேக்குற மாதிரி இருக்கே.. கூட்டாஞ்சோறு அவ்ளோ ருசியாவா இருந்துச்சு?? நல்லா சாப்டதுனால தூக்கம் வருதோ?? (சரி சரி முறைக்காதீங்க.. என்ன பண்றது? அசிங்கப்பட்டாலும் அலட்டிக்காம இருக்கணும்“குறது நம்ம கொள்கை.)

இன்னைக்கு கூட்டாஞ்சோறு சரம் போதும்னு நெனைக்கிறேன். ஷ்ஷ்ஷ்ப்ப்ப்பா.. இப்பவே கண்ண கட்டுதேனு நீங்க முழிக்கிறது எனக்குப் புரியுது.. அதுக்காக இரக்கப்பட்டு விட்ருவேன்னு நெனச்சுடாதீங்க.

அப்புறம்... கிளம்புறதுக்கு முன்னாடி, பகிர்ந்துக்க நெனச்ச ஒரு சின்ன தத்துவம்ம்ம்ம்ம்...

வெற்றியை விட தோல்விக்கு  பலம் அதிகம்.

வெற்றி சிரித்து மகிழவைக்கும்

தோல்வி சிந்தித்து மகிழவைக்கும்

அடுத்து வரப்போற நாட்கள்ல பழைய, புதிய நண்பர்களோட பதிவுகள் பற்றிய சரங்கள் உங்களுக்காக வந்துகிட்டே இருக்கு. (அவ்வ்வ்வ்“னு எல்லாம் சொல்லக்கூடாது..)

நாளைக்கு சந்திக்கலாமுங்க..

.

.