சரம் 4 – உங்களை வைத்து ஒரு சோதனை முயற்சி

நேத்து கூட்டாஞ்சோறு“னு தலைப்ப பாத்துட்டு ஏதோ சமையல் குறிப்பு தான் சொல்லப்போறன்னு நம்ம்ம்ம்ம்ம்ம்ம்பி வந்து ஏமாந்து போனவங்களுக்காக.. இன்னைக்கு சமையல் செய்றது தொடர்பான பதிவுகளப் பத்தி பகிர்ந்துக்கப் போறேன். (நேத்து ஏமாந்துபோய் திட்டினவங்க எல்லாரும், திட்னத வாபஸ் வாங்கணும் சொல்லிப்புட்டேன்..).

நமக்கு எவ்ளோ தான் பிரச்சனைகள் இருந்தாலும் குறிப்பிட்ட நேரத்துக்கு அப்புறம் சாப்பிடாம இருக்கவே முடியாது. கோவிச்சுகிட்டு சாப்பிடமாட்டேன்னு கவுந்தடிச்சு படுத்துக்குறவங்க கூட, பசி தாங்க முடியாம திருட்டுத்தனமா எதையாவது சாப்பிட்டுக்குவாங்க. (ஹிஹி.. எல்லாம் ஒரு அனுபவம் தான்..).

ஆணா இருந்தாலும் சரி, பெண்ணா இருந்தாலும் சரி, “நா கிச்சன் பக்கம் போனதே இல்லை“னு நாகரிகமா சொல்லிக்கிறவங்க கூட, ஏதாவதொரு சந்தர்ப்பத்துல சமைத்தாக வேண்டிய நிர்பந்தம் ஏற்பட்டுடும். அந்த மாதிரியான சமயங்கள்ல சமைக்கத் தெரியாம திரு திருனு முழிக்காம இருக்கணும்னு சமையல் குறிப்பு இருக்குற பதிவுகள உங்களுக்காக இங்க பகிர்ந்துக்குறேன்.

முதல்ல, சமைக்கலாம்குற முடிவெடுக்கணும். அப்படி தைரியமா முடிவெடுக்குறதுக்கே உங்கள பாராட்டலாம். அப்புறம் ஒவ்வொன்னா செஞ்சு பாக்கலாம். என்ன சரிதானே???

முதல்ல ஒரு வெஜ் சூப்ப போட்டுத் தாக்குங்க.. அப்புறம் மிச்ச சமையல ஆரம்பிக்கலாம்.

1. சாப்பாட்டுல முக்கியமானதும் முதலானதும்.. அவ்ளோ ஏன்.. சுலபமானதும், வெள்ளை சாதம் வைக்கிறது தான்.

2. சாதம் வச்சாச்சுனா அடுத்தது என்னவா இருக்கும்? சாம்பார் தான்.

3. சாம்பார்க்கு அப்புறம் வத்த குழம்பு ஊத்தி சாப்பிடாதவங்க இருக்க முடியுமா என்ன? அதுனால அதையும் செஞ்சுடலாமே..

4. அடுத்ததா வேறென்ன வைக்கிறது?? ரசம் தான்.

5. பொறியல் வைக்க மறந்துடக் கூடாதுல்ல.. என்ன பொறியல் வைக்கலாம்??? ம்ம்ம்... பீக்கங்காய் பொறியலும் கத்தரிக்காய் பொறியலும் வைக்கலாமா???

6. எல்லாம் வச்சாச்சு.. பாயாசம் வச்சு அப்பளத்தையும் பொறிச்சுட்டா இன்னும் நல்லா இருக்கும்ல..

என்னடா.. ஒரே சைவமா இருக்கேனு யோசிக்கிறீங்களா???

7. தினமும் வெள்ளை சாதத்தை பார்த்து போர் அடிச்சிடுச்சுனா, ஒரு நாள் பிரியாணி செஞ்சு பாக்கலாமே.. என்ன பிரியாணி பண்ணலாம்???? மீன் பிரியாணி கூட முயற்சிக்கலாம்ல..

8. சாதமே வேணாம்னு தோணுதா? பேசாம சிக்கன் நூடுல்ஸ் பண்ணிடுங்க பாஸ்..

9. ஒரு வழியா சமச்சாச்சு.. சாப்பிட்டுட்டு குடிக்கிறதுக்கு ஜூஸ் போடலாமா?

10. அது வேணாம்னு நெனைக்கிறவங்க ஐஸ்கிரீம் செய்யலாமே..

என்ன??? எல்லாரும் சமைச்சுப் பாத்துட்டீங்களா??

சாப்பிட்டு (நல்லாயிருந்தா) ஒரு குட்டி தூக்கம் போடுங்க.. அப்புறம் சாயந்திரத்துக்கு இனிப்பும், கூடவே காரமும் செஞ்சு சாப்பிட்டுட்டு அதோட டீ“யும் குடிச்சா அட.. அட.. என்னா ஒரு ஆனந்தம் தெரியுமா??

இது எதுவுமே வேணாம்.. எதுக்கு வெட்டி வேலை.. எனக்கு உப்புமாவே போதும்னு சொல்றீங்களா??? அது உங்க இஷ்டமுங்க..

அப்புறம் ஒரு விசயம்.. இதையெல்லாம் சமைச்சுப் பாத்துட்டு நல்லாயிருந்தா எனக்கு அனுப்பி வையுங்க.. இல்லாட்டி மனசுக்குள்ள (கெட்ட வார்த்தையெல்லாம் இல்லாம) திட்டிட்டு வேலையப் பாருங்க.. (இப்ப தலைப்போட காரணம் புரியுமே.. ஹிஹி).

கிளம்புறதுக்கு முன்னாடி வழக்கம்போல ஒரு குட்டி தத்துவம்.. (ஓடாதீங்க.. ஓடாதீங்க..)

1. யாருக்காவது குழிதோண்டப் போகிறாயா? இரண்டாகத் தோண்டு. உனக்கும் சேர்த்து.

2. எங்கே விழுந்தாயென பார்க்காதே, எங்கே வழுக்கினாயெனப் பார்.

3. சதா தள்ளாடுவதைவிட ஒருமுறை விழுந்து எழுவது சிலாக்கியம். (சரக்கடிக்கிறத பத்தி சொல்லலங்க..)

நாளைக்கு இன்னொரு வகை சரம் தொடுக்கலாம்.. கிளம்புறேங்க..

.

.