செல்விருந்தோம்பி நல்விருந்து காத்திருத்தல்

அன்பின் சக பதிவர்களே

இன்றுடன் முடியும் வாரத்திற்கு ஆசிரியப் பொறுப்பேற்றவர் முனைவர் இரா குண சீலன் .

இவரது  வலைத்தளம்   :  வேர்களைத் தேடி : www.gunathamizh.com  .   - தான் ஏற்ற பொறுப்பினை சரி வர, மிகுந்த  ஆர்வத்துடனும்,  பொறுப்புணர்வுடனும்,  ஈடுபாட்டுடனும்  - நிறைவேற்றி நம்மிடமிருந்து   முழு மன நிறைவுடன் விடை பெறுகிறார்.  

 இவர் எழுதிய பதிவுகள்                         : 007

அறிமுகப் படுத்திய பதிவர்கள்             : 065
அறிமுகப் படுத்திய பதிவுகள்               : 065
பெற்ற மறுமொழிகள்                            : 168
வருகை தந்தவர்கள்                              : 1281

முனைவர் இரா.குணசீலன் பல் வேறு தலைப்புகளில் பதிவுகள் இட்டிருக்கிறார். பொதுவாக அனைத்துப் பதிவுகளிலும் - பதிவர்களை - ஊக்கப்படுத்தும் நோக்கத்துடன் அவர்களை அறிமுகப் படுத்துவதை தலையாய கடமையாகச் செய்திருக்கிறார்.   

முனைவர் இரா குணசீலன்   -    இவரது   கடும் உழைப்பினைப் பாராட்டி, வாழ்த்தி வழி அனுப்புவதில் பெரு மகிழ்ச்சி அடைகிறோம். 

நாளை முதல் துவங்கும் வாரத்திற்கு   கீத மஞ்சரி  என்னும் தளத்தில் எழுதிவரும் கீதா மதிவாணன்   ஆசிரியப் பொறுப்பினை ஏற்கிறார் (http://geethamanjari.blogspot.co.au/)

இவரது பெயர் கீதா மதிவாணன். பிறந்த ஊர் திருச்சி, இந்தியா.  கடந்த ஆறேழு வருடங்களாக ஆஸ்திரேலியாவில் குடும்பத்துடன் 
வசித்துவருகிறார்.. பள்ளிக் காலத்திலிருந்தே எழுத்தில் ஆர்வம் உண்டு. இவருடைய கீதமஞ்சரி என்னும் வலைத்தளத்தில் பல சிறுகதைகள், கவிதைகள், தொடர்கதைகள், கட்டுரைகள், இந்தி, ஆங்கில மொழிபெயர்ப்புக் கவிதைகள், மொழிபெயர்ப்புக் கதைகள் எழுதியுள்ளார்.. தினமலர் பெண்கள் மலர், மஞ்சரி போன்ற பத்திரிகைகளிலும் வல்லமை, அதீதம், நிலாச்சாரல், பதிவுகள் போன்ற இணையதளங்களிலும் இவரது  படைப்புகள் வெளியாகியுள்ளன.  

நாளைய வலைச்சர ஆசிரியப் பொறுப்பினை ஏற்கும்  கீதா மதிவாணனை -வருக வருக - ஆசிரியப் பொறுப்பேற்று ஒரு வார காலத்தில் சிறந்த பதிவர்களையும் அவர்களது சிறந்த பதிவுகளையும்  அறிமுகம் செய்யும் பதிவினைத்  தருக எனக் கூறுவதில் பெரு மகிழ்ச்சி அடைகிறேன்.

நல்வாழ்த்துகள்  குணசீலன் 

நல்வாழ்த்துகள் கீதா மதிவாணன்  

நட்புடன் சீனா