அன்பினால் - வலைச்சரம் - 3ஆம் நாள்

ஒருவனால் தனியாக வாழ முடியுமா ?. முடியாது என்றே தோன்றுகிறது. ஐந்தறிவு ஜீவராசிகளே, கூட்டத்தோடு வாழும் போது, மனிதனும், உறவினர்கள் மற்றும் நண்பர்கள் என்ற கூட்டத்தில் வாழ்வதே சாத்தியம். பல நேரங்களில் உறவுகள் அருகில் இருக்கும் போது அதன் அருமை தெரிவதில்லை. பிரிந்து சென்ற பிறகு, வருத்தம் மேலிட நினைவிலாழ்கிறோம். இதயம் கனக்கச் செய்யும் சில பதிவுகள் இங்கு. இன்னொரு புதிய நாளைத் தொடங்கும் உற்சாகத்துடன் படிக்கும் உங்களைக் கலங்கச்செய்வது என் நோக்கம் இல்லை. சற்றே, அருகில் இருக்கும் உறவுகளுக்கு இன்னும் முக்கியத்துவம் தர வேண்டும் என்ற விருப்பத்தை அதிகரிக்கவே இந்தப் பதிவு.

அன்பு என்ற வார்த்தைக்கு அடுத்து அடிக்கடி எழுதப்படும் வார்த்தை “அம்மா”. இவரின் காலம் சென்ற அம்மாவைப் பற்றிய நினைவு கூறல் இது. இவருடைய அம்மா யார் என்று தெரியாத ஒருவர், ஏன் இந்தப் பதிவினைப் படிக்கவேண்டும் ?. காரணம் ! இதைப் படிப்பவர்கள், அம்மா என்ற சொல் வரும் போது, தன் அம்மாவை நினைவுபடுத்திக்கொள்வதே என்று நினைக்கிறேன்.

வம்ச தெய்வமாய் அம்மா

மிகப் பிரபல பதிவரான ஜாக்கிசேகர், தன் அம்மாவை நினைவு கூர்ந்து எழுதிய பதிவு இது. மிக இயல்பான வரிகள் மற்றும் எதையும் மறைக்காமல் அவர், தன் அம்மாவை கோபத்தில் திட்டியது முதற்கொண்டு எழுதியதைப் படித்துப் பாருங்கள். கண்கள் கலங்குவது நிச்சயம்.

(அம்மாவுக்கு அஞ்சலி)ஒரு மகன் தன் அம்மாவிடம் சொல்லக்கூடாத வாக்கியம்.

மாமனார் மற்றும் மாமியாரை, மருமகள்கள், அப்பா, அம்மா என்று அழைக்கும் (நல்ல) பழக்கம் பரவி வருகிறது. இங்கு தன் மாமனாரைப் பற்றிய ஒரு பதிவு என் வானம் - அமுதாவிடமிருந்து. வாழ்ந்து மறைந்த ஒரு நல்லவருக்கு பெருமை சேர்க்கும் ஒரு அஞ்சலி.

மாமாவின் நினைவுகள்

எழுத்தாளர் சுஜாதா தன் அப்பாவைப் பற்றி எழுதிய கட்டுரை இது. படித்து பாருங்கள். மற்ற மூன்று பதிவுகளிலும் இருக்கும் அதே உணர்வு இந்தப் பதிவிலும். அப்பா, அம்மா பாச உணர்வுகள், பெரிய எழுத்தாளருக்கும் சாமான்யர்களுக்கு ஒரே சாயலிலேயே வெளிப்பட்டிருப்பது ஆச்சரியமூட்டும் உண்மை.

அப்பா-அன்புள்ள-அப்பா

சற்றே மனம் கனத்த இந்தப் பதிவை அடுத்து, நாளை ஜாலியான ஒரு பயணத்துக்கு கிளம்புவோம்.

நாளை சந்திப்போம் நண்பர்களே !!