தொடரும் பயணங்கள் - வலைச்சரம் - 4ஆம் நாள்

நண்பர்களே ! நேற்று சொன்னது போல, சுவாரசியமான பயணத்திற்கு தயாராகிவிட்டீர்கள் என்று நினைக்கிறேன். வழக்கம் போல, ரயிலில் டிக்கெட் கிடைக்கவில்லை. என்ன செய்வது ?. கவலை வேண்டாம். நமக்காக மற்றவர்கள் வரலாற்றுச் சிறப்பு வாய்ந்த இடங்களுக்குச் சென்று வந்திருக்கிறார்கள். நுணுக்கமான தகவல்கள்; அழகான புகைப்படங்கள்; ரசிக்கவைக்கும் வர்ணனைகள்; இவை தவிர வேறென்ன வேண்டும். வியர்வை சிந்தாமல் அனைத்து இடங்களுக்கும் சென்று வரலாம். வாருங்கள் !!!

ஒரு உவமை அல்லது வர்ணிப்புக் கிடைத்து விட்டால் உடனே அதை ஒரு கவிதை அல்லது புனைவுக் கதையாக்கி பதிவு போட்டு விடுவேன். ஆனால், இவர் எழுதும் ஒவ்வொரு வரியும், நாம் தினமும் பார்க்கும் ஒன்றைப் பற்றிய வர்ணனகள். பயணக்கட்டுரை எழுதுவது என்பது மிகக்கடினமான ஒன்று. காரணம், அதன் நீளம். பெரிய கட்டுரை எழுதினால் முதல் மற்றும் கடைசி பாராவை படித்துவிட்டு போய்விடுவோம். இந்தப் பயணக்கட்டுரையை வாசிக்கத் தொடங்கினால், முழுவதையும் படிக்காமல் இருக்க இயலாது.பஸ்ஸில் இவர் கூடவே பயணம் செய்த அனுபவத்தை தருகிறார் பாருங்கள்.

காவிரிக் கரையோரத்திலேயே...

ஒரு பயணக்கட்டுரையின் முக்கியமானது - புகைப்படங்கள். 10 வரிகள் சொல்லும் செய்தியை, ஒரு புகைப்படம் சொல்லிவிடும். ஆனால், இந்தப் பதிவினைப் படித்துப் பாருங்கள். படம் இல்லை. ஆனால், சென்னைக்கு அருகில் இப்படி ஒரு இடம் இருக்கிறதா ?. போகும் இடங்களை இப்படியும் விவரிக்க முடியுமா என்ற ஆச்சரியத்தை ஏற்படுத்தும். மிகப் பெரிய ஒரு பயணம் - காலம் மற்றும் தூரம் வகையில்.

ஆதிமனிதனின் வீட்டிற்கு ஒரு விசிட்

ஒரு படம் 10 வரிச் செய்தியைச் சொல்லிவிடும். ஆனால், இவரின் பயணக் கட்டுரைகளில், படங்கள் இடம் பெறாமல், வர்ணனைகளையே படமாக வாசகனின் கண்முன்னே நிறுத்துவார். கண்டிப்பாக படிக்க வேண்டிய ஒரு பயணக் கட்டுரை இது.

கல்லில் ஊரும் காலம்

(இந்த பதிவு திறக்க சற்றுக் கால தாமதமாகலாம்)

சித்தன்ன வாசல் ஓவியங்களைப் பார்ப்பதற்காக இவர் மேற்கொண்ட பயணப் பதிவு இது. அரிய தகவல்கள், புகைப்படங்கள் - அதுவும், அந்த மலைமேலே இருந்து, தொலைவில் கீழே தெரியும் ஊரை இவர் புகைப்படம் எடுத்திருக்கும் விதம் அருமை.

சித்தன்ன வாசல்

இன்றைய பதிவுகளை நீங்கள் ரசித்திருப்பீர்கள் என நம்புகிறேன். நாளை, பதிவுலக அர்ஜீனன்களைப் பார்ப்போம்.

சந்திப்போம் நண்பர்களே !!