ஆனந்தி பிரகாஷிடமிருந்து பொறுப்பேற்கிறார்

அன்பின் சக பதிவர்களே!

நேற்றுடன் முடிந்த வாரத்திற்குப் பொறுப்பேற்றிருந்த, மதுரையில் வசிக்கும் பிரகாஷ் குமார், தான் ஏற்ற பொறுப்பினை மிகக் கவனத்துடனும் ஆர்வத்துடனும் நிறைவேற்றி, மன மகிழ்வோடு பொறுப்பினை இன்று முதல் மதுரையில் வசிக்கும் ஆனந்தியிடம் ஒப்படைக்கிறார். பிரகாஷ் கடந்த வாரத்தில் ஏழு இடுகைகள் இட்டு, கிட்டத்தட்ட அறுபத்தைந்து பதிவர்களை அறிமுகம் செய்து, அவர்களது இடுகைகளில், இவருக்குப் பிடித்தவற்றில் ஏறத்தாழ இருநூறு இடுகைகளை சுட்டிக் காட்டி இருக்கிறார். அததனையும் அவர் படித்தவை தான் . இருப்பினும் பணிச்சுமை காரணமாக, அவரால், ஒவ்வொரு இடுகையின் சிறப்பினைப் பற்றியும் ஒரு சில வரிகள் எழுத இயலவில்லை.

இவரின் கடும் உழைப்பினையும் - இடுகைகளின் வடிவத்தினையும் பாராட்ட வேண்டும். அன்பர் பிரகாஷினை வாழ்த்தி வழி அனுப்ப்வதில் பெருமை அடைகிறேன்.

இன்று முதல் துவங்கும் வாரத்திற்கு ஆசிரியப் பொறுப்பேற்கும் ஆனந்தி, மதுரையில் வசிக்கிறார். மணமாகி, ஒரு பையனுக்குத் தாயாக, இல்லத்தரசியாக இருக்கிறார். இவர் ஹைக்கூ அதிர்வுகள் என்னும் பதிவினில் எழுதி வருகிறார். இல்லறத்தை நல்லறமாகப் போற்றும் இல்லத்தரசி. இவரை வருக வருக ! அறிமுகங்களை அள்ளித் தருக ! என்ற வரவேற்பு கலந்த வேண்டுகோளோடு, வரவேற்று வாழ்த்துவதில் பெரு மகிழ்ச்சி அடைகிறேன்.

நல்வாழ்த்துகள் பிரகாஷ்

நல்வாழ்த்துகள் ஆனந்தி

நட்புடன் சீனா