கலையழகு முத்துக்கள்

கலையழகு முத்துக்கள்

ஓவியம் எனக்கு சின்ன வயதிலேயே பழக்கமான ஒன்று. எந்தப்பயிற்சியும் இல்லாமல் ஆர்வத்திலேயே வந்த பழக்கம் இது. அந்தக் கால ஓவியர்கள் வினு, லதா, கோபுலு, நடராஜன்  போன்றவர்கள் என் ஓவிய தாகத்தை மேலும் மேலும் வளர்த்தார்கள். பின்னாளில் ஆனந்த விகடன், சாவி, தேவி என்று சில வார இதழ்களுக்கு சில வருடங்கள் வரைந்து கொண்டிருந்தேன். கை விரலில் ஏற்பட்ட விபத்தொன்றினால் வரைவது எல்லாம் சில வருடங்களுக்கு நின்று போயின். பலரும் பாராட்டியிருந்தாலும், காலஞ்சென்ற எழுத்தாளர் சாவி அவர்கள் இங்கே ஷார்ஜாவிற்கு என் இல்லத்துக்கு சாப்பிட வந்த போது, என் ஒவியங்களை மற்ற ஓவியர்களுடன் ஒப்பிட்டு பாராட்டியது என்றைக்குமே என்னால் மறக்க இயலாத நிகழ்வாக அமைந்து விட்டது. என் ஓவியம் ஒன்றை மீள் பதிவாக இங்கே பதித்திருக்கிறேன். மிகவும் பிரபலமான இந்த ஓவியம் ‘ சாவி ’ அட்டைப்படத்தில் அப்போது வெளியாகியிருந்தது. அந்தக் கண்ணீர் மனதைப் பிசைய, அன்றே இந்த ஓவியத்தை வரைந்து முடித்தேன். 

  

ஓவியம், புகைப்படக்கலை, கைவினைக்கலை இம்மூன்றும் இங்கே கலையழகு முத்துக்களில் இடம் பெறுகின்றன!

1. http://priyasinterest.blogspot.com/2011/08/blog-post_15.html

[RASIKKA RUSIKKA]

இந்த வலைப்பூவின் உரிமையாளர் ப்ரியாவின் கை வண்ணம் இது. எம்போஸிங் முறையில் வண்ணம் தீட்டியிருக்கும் அழகிய ஓவியம் இந்த எம்போஸிங் பெயின்டிங்! 

2. http://thamizhparavai.blogspot.com/2011/07/blog-post_22.html

[ வானம் வசப்படும் ]

அருமையான ஓவியரான பரணியின் பென்சில் ஓவியங்கள் மயக்க வைக்கின்றன. மெல்லிய கோடுகளும் அடர்ந்த கோடுகளும் நரையைத் தெளிவாய்க் காண்பிக்கும் மெல்லிய வெள்ளைக் கோடுகளும் அற்புதம்!

3. http://artrightportrait.blogspot.com/2010/02/nilam_01.html

கோவையைச் சேர்ந்த ஓவியர் மார்ட்டின் வரைந்த இந்த ஓவியம் மனதை நெக்குருக வைக்கும். ஈழத் தமிழர்களின் அவல நிலையையும் அத்தனை துயரத்தையும், இந்தக் குழந்தையின் முகத்திலிருக்கும் வலியிலும் விழியோரத்திலிருந்து வழியும் கண்ணீரிலும் காண்பித்து விட்டார் இவர்.

4. http://chenaitamilulaa.bigforumpro.com/t16812p22-topic

[சேனைத்தமிழ் உலா]

கத்தாரைச் சேர்ந்த ‘சம்ஸ்’ அவர்களது ஓவியங்கள் இவை. இவையும் பென்சில் ஓவியம் தான் என்றாலும் மெல்லிய கோடுகளும் அடர்த்தியான ஷேட்ஸ்-ம் நம்மை அசர வைக்கின்றன! முக்கியமாய் அந்த பிஞ்சுக்குழந்தைகளின் பாவங்களும் மெத்தென்ற கைகளும் எத்துணை அழகு!

5. http://puthur-vns.blogspot.com/2010/12/12.html

இந்த கோட்டு ஓவியங்களுக்குச் சொந்தக்காரர் திரு.நடன சபாபதி. முழுமையாக ஓவியப் பயிற்சி இல்லாமலேயே இவரது ஓவியங்கள் அழகாக உள்ளன. முக்கியமாக கேலிச்சித்திரங்கள் மிக அழகு. 

6. http://senthilathiban.blogspot.com/2010/04/blog-post_28.html

 இங்கே ஓவியர் செந்தில்நாதனின் பென்சில் ஓவியங்கள் சற்றே அழுத்தமான, தெளிவான கோடுகளைக்கொண்டவை. எளிமையான ஓவியங்களை மிக அழகாக வரைந்திருக்கிறார்.

7. http://aarellen.blogspot.com/2010/12/blog-post.html [எல்லென்]

இங்கே சகோதரர் லஷ்மி நாராயணன் மகாத்மா காந்தியடிளைஈ எத்தனை அழகாக வரைந்திருக்கிறார்!

8. http://enmanadhilirundhu.blogspot.com/2009/11/blog-post_17.html

[என் மனதில் இருந்து]

ப்ரியா ஒரு அருமையான ஓவியர். அவரின் வண்ணக்கலவைகள் இங்கே!

9.  http://kathampamtamil.blogspot.com/2009/05/blog-post_05.html

 [கதம்பம்]

டிஷ்யூ பேப்பர் பூ முதல் பல வகை ஓவியங்கள் வரையும் முறைகள் அனைத்தும் ஹர்ஷிணி அம்மா இங்கு சொல்லித் தருகிறார்.

10. http://photography-in-tamil.blogspot.com/

இந்த தளத்தில் புகைப்படக்கலை அருமையாகச் சொல்லிக்கொடுக்கப்படுகின்றது. கூடவே புகைப்படங்களுக்கான போட்டிகளும் உண்டு!

11.  http://imaasworld.blogspot.com/2010/04/blog-post_15.html

 [இது இமாவின் உலகம்]

விருந்தினர் வந்தால்தான் மேஜை அலங்காரமா என்று கேட்கிறார் இமா! திராட்சைப்பழங்களில் அழகிய பூங்கொத்து செய்திருக்கிறார் இங்கு!