முதல்நிலை மாடம்!!

அன்புநிறைந்த சான்றோர் சபையினில் இன்று ஆசிரியர் பொறுப்பேற்கும் அளவுக்கு என்னை விளைவித்த எனைப் பெற்ற என் தெய்வத்திற்கு முதற்கண் என் மனமார்ந்த அஞ்சலி....

வாகை மாலை சூடி வான்வென்ற மன்னவன் போல் என் மனதில் ஒரு உற்சாகம் குடியேறி இருக்கிறது. பதிவுலகில் இன்னும் மாணவனாம் எனை வலைச்சரத்திற்கு ஆசிரியர் பதவியை ஏற்றுக்கொள்ள அழைத்த வலைச்சர குழுமத்தின் பொறுப்பாசிரியர் அன்புநிறை சீனா ஐயா அவர்களை நான் இன்று பெற்ற இந்த இன்பம் உன்னால் தானன்றோ!! எனக்கூறி  என் சிரம் தாழ்ந்த நன்றிகளையும் பணிவான வணக்கங்களையும் சமர்ப்பிக்கிறேன்.

எனக்கு முன்னர் ஆசிரியராய் இருந்த எமதருமை நண்பர் மாயவுலகம் ராஜேஷ் அவர்கள் சிறப்புற பணியாற்றிருக்கக் கண்டேன், அவரை நன்றியுடன் வழியனுப்புதல் செய்து என் பணி துவங்குகிறேன்....

உப்பின் பிறப்பிடமாம் தூத்துக்குடியில் வாசம் செய்யும் என் மனதில் கருவாகிய மணம்நிறைந்த வலைப்பூவாம் வசந்தமண்டபம் பிறப்பெடுத்த நாள் தமிழ்ப் புத்தாண்டு தினமான 14 -04 -2011 வியாழக்கிழமை. மனதில் இருந்ததை கொட்டினேன். இதோ 5 மாதங்கள் முடிந்துவிட்டன, 67 பதிவுகள் அரங்கேறிவிட்டன. என்னையும் என் எழுத்தையும் மதித்து 89  நண்பர்கள் தங்கள் பொற்பாதங்களை வைத்து வசந்தமண்டபத்தில் நுழைந்திருக்கிறார்கள். இன்று இக்கணம் வரை எனக்கு ஆதரவு கொடுத்துவரும் அத்தனை உள்ளங்களுக்கும் என் மனமார்ந்த நன்றிகள்.

வலைப்பூக்களில் கருத்துக்கள் மட்டுமே சொல்லி வந்த என்னை, நீங்கள் ஏன் தனி வலைப்பூ ஆரம்பிக்கக் கூடாது என்று என்னை தட்டிகொடுத்து நம்பிக்கை ஊற்றிய தோழி அனுவை இங்கு முதற்கண் நினைக்கின்றேன்.
என் எழுத்துக்களின் பிரதிபிம்பமாய், என் மூளையைத் தூண்டிவிடும்
தூண்டுகோலாய் என் அருகிருந்து என்னை ஊக்குவிக்கும் என் மனைவிக்கு இங்கு நான் மரியாதை செய்கிறேன்.

நாட்டுப்புறக் கலைகள் மீது தணியாத அன்பு கொண்டதால் என் கவிதைகள் சாரம் சற்று நாட்டுப்புற மனம் தூக்கலாகவே இருக்கும்.
எனக்குப் பிடித்த என்னுடைய நாட்டுப்புறக் கவிதைகள் சில உங்கள் பார்வைக்கு .......

ஒருகாணி நிலமிருக்கா??!!
ஏலேலங்கும்மி ஏலேலோ!!
அப்போதே அழிச்சிருப்பேன்!!
மனசு கனக்குதய்யா!!
எட்டுச்சோ தெரியலியே???!!!
கலைகள் காக்க வேணுமைய்யா!!

கவிஞர்களுக்கு தமிழ் மீது காதல் என்பது நிதர்சனமான ஒன்றே, அப்படி எனக்கும் தமிழ்க் காதல் வந்ததில் தவறில்லை......
அதில் சில ......

என்னுயிரில் கலந்துவிடு!!!
பூக்களின் ஒன்பது நிலைகள்!!
பதினொன் ஆடற்கலைகள்!!
ஏற்பது யாது?!!'ங' ப்போல் வாழ்ந்திடு!!

இன்று என் எழுத்துக்களை அங்கீகாரப்படுத்தும் எத்தனையோ நண்பர்கள் என் வலையில் வலம் வருகிறார்கள்..
அடுத்து வரும் படைப்புகளில் அவர்களையும், அவர்களின் படைப்புகளையும் உங்கள் கண்களுக்கு விருந்தாக்குகிறேன்..

வாழ்த்துங்கள் ..
வளர்கிறேன்...
வழங்குங்கள் உங்களின் கருத்துக்களை
எனக்கு அணிவிக்கும்
வரவேற்பு மாலையாய்.


அன்பன்
மகேந்திரன்