போஜனம் செய்ய வாருங்கள்!

மதுரையில் குடிகொண்டிருக்கும் மீனாட்சி சுந்தரேஸ்வரர் கல்யாணம் எப்படி நடந்தது, அந்த திருக்கல்யாணத்தில் சாப்பிட என்னன்ன கொடுத்தார்கள் என்பதற்கு ஒரு பாட்டு இருக்கிறது.  பாம்பே சகோதரிகள் பாடிய அந்த ”போஜனம் செய்ய வாருங்கள்…” பாடலைக் கேளுங்கள்…

Bhojanam Seyya Vaarungal | Online Karaoke

என்ன பாடலைக் கேட்டீர்களா? பாடலில் வரும் அத்தனை வகை உணவுகளையும் இப்போது சமைக்க யாராவது இருக்கிறார்களா என்பது  தெரியவில்லை.  இன்றைய வலைச்சரத்தில் சமையல் குறிப்புகள் எழுதும் சில பதிவர்களின் பக்கங்களை உங்களுக்கு அறிமுகம் செய்ய இருக்கிறேன்.

 

”உண்டி கொடுத்தோர் உயிர் கொடுத்தோரே” என்று தனது பக்கத்தின் தலைப்பில் எழுதி வைத்திருக்கும் சகோதரி கமலா தனது அடுப்பங்கரை பக்கத்தில் வித்தியாசமாக பப்பாளிப் பழ கேசரி என்ற இனிப்பினை நம்முடன் பகிர்ந்து இருக்கிறார்.  படத்தைப் பார்த்த உடனேயே சாப்பிட வேண்டும் போல தோன்றுகிறது.  நீங்களும் செய்து அசத்துங்களேன்.

  

சாதாரணமா குடைமிளகாயை சாம்பார்ல போடுவோம்.  ஆனா குடை மிளகாய் வைத்து பொரியல் கூட செய்யலாம் என்பதை சொல்லிக் கொடுக்கிறார் மழை மேகம்  சகோ சுந்தரா.  அந்தப் பக்கத்தில போட்டு இருக்கிற பச்சைப்பசேல் குடை மிளகாயைப் பார்த்தாலே செய்து சாப்பிடணும்னு  ஆசையா இருக்கு! என்ன பொரியல் செய்தபிறகு எப்படி இருக்கும்னுதான் படம் போடல.  அதுனால என்ன, இன்னிக்கு சமைச்சுப் பார்த்துட்டா போச்சு என்கிறீங்களா? அதுவும் சரிதான்.

சில சமையல் குறிப்புகள் ஆங்கில நாளிதழ்களிலோ அல்லது புத்தகங்களிலோ வரும்போது அவற்றைப் பார்க்கும்போது நன்றாக இருக்கும்.  செய்து பார்க்கலாம் என்றால் அவற்றில் தேவையான பொருட்கள் என்று ஆங்கிலத்தில் போட்டிருப்பது தமிழில் என்ன பொருள் என்று தெரியாது.  அந்தப் பிரச்சனை உங்களுக்கு இருக்கிறதா?  கவலைப் படேல்.  உங்களுக்கு உதவ இங்கே  சென்று பாருங்கள். தீர்ந்ததா உங்கள் பிரச்சனை?

மீனா.கே. என்கிற சகோதரி “அம்மாவின் சமையல்” என்ற வலைப்பூ வைத்திருக்கிறார்.  செட்டி நாடு சமையல் என்றால் சுவையாக இருக்கும் அதே நேரத்தில் ஆரோக்கியமான உணவாகவும் இருக்கும் என்று சொல்லும் இவர் செய்திருக்கும் வெள்ளைப் பணியாரம் எப்படி இருக்குன்னு இங்கே பாருங்க. 

மங்கையர் உலகம் என்ற பெயரில் வலைப்பூ வைத்திருக்கும் சகோதரி அனிதா சமையல் குறிப்புகள் என்ற பதிவில் நிறைய குறிப்புகளை எழுதி இருக்கிறார்.  மேலும் மருத்துவக் குறிப்புகள், நவராத்திரி பற்றிய பதிவுகள் என பல விஷயங்களில் பதிவுகள் வெளியிட்டிருக்கிறார். 

இந்த மாதத்தில் தீபாவளி வரப்போகிறது.  முன்பெல்லாம் நிறைய வீடுகளில் தீபாவளி மருந்து கிளறுவார்கள். இப்போது அதை எப்படிச் செய்வது என்றே பலருக்குத் தெரியாது. அப்படிப்பட்டவர்களுக்காகவே சகோதரி ஜெயஸ்ரீ கோவிந்தராஜன் ”தீபாவளி மருந்து” செய்வது பற்றி எழுதி இருக்கிறார் இங்கே. 

இன்றைய வலைச்சரத்தில் ஸ்வீட், காரம், மருந்து எல்லாம் பார்த்தாச்சு..  இனி நாளை வெள்ளிக்கிழமை என்ன என்று கேட்பவர்களுக்கு, “நாளை காலை தெரிந்துவிடும்! அதுவரை காத்திருங்கள்!

 

நாளை சந்திப்போம்…..

நட்புடன்

ஆதி வெங்கட்.