ராஜி விடைபெறுகிறார் - ஆமீனா பொறுப்பேற்கிறார்

அன்பின் நண்பர்களே !

நேற்றுடன் முடிந்த வாரத்திற்குப் பொறுப்பேற்ற சகோதரி ராஜி வெங்கட், தான் ஏற்ற பொறுப்பினை, மிகுந்த கவனத்துடனும், ஈடுபாட்டுடனும் நிறைவேற்றி நம்மிடம் இருந்து மன நிறைவுடன் விடை பெறுகிறார்.

இவர் வலைச்சரத்தில் இடுகை இடுவதில் ஒரு புதுமையைப் புகுத்தி - இசைத்துறைக்கு அதிக முக்கியத்துவம் கொடுத்து - ஒவ்வொரு இடுகையிலும், ஒரு புகைப்படம், அதனைப் பற்றிய குறிப்பு, பதிவர்கள் அறிமுகம், பின்பு ஒரு காணொளி என சிறப்பாகச் செய்திருக்கிறார். இவரது உழைப்பும் திறமையும் பாராட்டத் தக்கது.

இவர் ஏறத்தாழ எண்பதற்கும் மேலான இடுகைகளை அறிமுகப் படுத்தி இருக்கிறார். அத்தனையையும் படித்து, மகிழ்ந்து , இங்கு அறிமுகம் செய்து இருக்கிறார். நல்லதொரு பணி.

சகோதரி ராஜி வெங்கட்டினை வாழ்த்தி வழி அனுப்புவதில் மிகப் பெருமை அடைகிறேன்.

இன்று துவங்கும் வாரத்திற்குப் பொறுப்பேற்க அன்புடன் இசைந்துள்ளார் சகோதரி ஆமீனா. இவர்

குட்டி சுவர்க்கம் என்னும் தளத்தின் மூலம் தன் சிந்தனையில் தோன்றும் விஷயங்களை பகிர்ந்து கொள்கிறார். புதிதாக ஆரம்பித்த சமையல் எக்ஸ்ப்ரஸ் என்னும் வலைத்தளத்தின் மூலம் தெரிந்த சில சமையல் குறிப்புகளை பகிர்ந்து வருகிறார்

பொருளாதாரம் தொடர்பான இளங்கலை படிப்பு. கணவரின் பணிநிமித்தம் சென்னையிலும் லக்னோவிலும் சில வருடங்கள் வசித்து தற்போது சொந்த ஊரில் மகனின் படிப்புக்காக நிறைவான சொந்தங்களோட மகிழ்ச்சியான வாழ்க்கை வாழ்கிறார்.

கதை,கவிதை,கைவினையில் ஆர்வம் இருந்தாலும் தன்னை சுற்றி நடக்கும் விஷயங்களை கட்டுரையாக்குவதில் அதிக ஆர்வம் காட்டுகிறார்.

சகோதரி குட்டி சுவர்க்கம் ஆமீனாவினை வருக வருக - என வரவேற்று அறிமுகங்களை அள்ளித் தருக எனக் கேட்டு, வாழ்த்தி வரவேற்பதில் பெரு மகிழ்ச்சி அடைகிறேன்.

நல்வாழ்த்துகள் ராஜி வெங்கட்

நல்வாழ்த்துகள் ஆமினா

நட்புடன் சீனா