திருமதி பி.எஸ்.ஸ்ரீதர் பொறுப்பேற்கிறார்

அன்பின் சக பதிவர்களே !

இன்றுடன் முடியும் வாரத்திற்கு ஆசிரியப் பொறுப்பேற்ற சகோதரி மிடில் கிளாஸ் மாதவி, ஏழுஇடுகைகளில் 50 பதிவர்களையும் 93 இடுகைளையும் அறிமுகப்படுத்தியும் - சுய அறிமுகத்தில் தன்னுடைய 19 இடுகைகளையும் அறிமுகப்படித்தியும் - முன்னூறுக்கும் மேலாக மறுமொழிகள் பெற்றுமிருக்கிறார்.

இவர் ஒவ்வொரு அறிமுக இடுகையிலும் ஒரு அழகான முன்னுரையும் - அதற்கேற்ற படமும் இட்டு பின்னர்தான் அறிமுகங்களைத் துவங்கி இருக்கிறார். அறிமுகப் படுத்தப்பட்ட இடுகைகள் புதியவை. இவ்வாறாக தான் ஏற்ற பொறுப்பினை - சரி வர நிறைவேற்றி, மன நிறைவுடனும் மகிழ்ச்சியுடனும் நம்மிடமிருந்து விடை பெறுகிறார்.இவருக்கு நன்றி கலந்த நல்வாழ்த்துகள் கூறி, வழி அனுப்புவதில் பெருமை அடைகிறேன்.

நாளை துவங்கும் வாரத்திற்கு ஆசிரியப் பொறுப்பேற்க அன்புடன் இசைந்துள்ளார் சகோதரி திருமதி பி.எஸ்.ஸ்ரீதர்.

இவரது இயற்பெயரை விடுத்து - இவரது பெற்றோர் இவரை ஆச்சி என்றே அழைப்பதால், அவர்கள் அழைப்பது போல எண்ணி ஆச்சி ஆச்சி என்று இவரது பதிவிற்கு தலைப்பும் வைத்துக் கொண்டிருக்கிறார். இவர் நாகப்பட்டினம் மாவட்டத்தில் சிக்கல் என்ற ஊராட்சியை சேர்ந்தவர். டிப்ளமோ இன் எலக்ட்ரானிக்ஸ் படித்தவர்.திருமணத்திற்கு பின் ஹரியானா மாநிலத்தில் கணவர் மற்றும் நாலரை வயது மகளுடன் வசிக்கின்றார்.தற்போழுது ஹரியானா வந்து ஆறுவருடங்களாகிறது.குடும்பத் தலைவியாக இருக்கும் இவர் கிடைக்கும் நேரங்களில் பதிவுகள் எழுதியும் மற்றவர்கள் பதிவுகளை படித்தும் வருகின்றார்.

சகோதரி திருமதி பி.எஸ்.ஸ்ரீதரை வருக ! வருக என வரவேற்று அறிமுகங்களைத் தருக ! தருக ! என வேண்டி - வாழ்த்துவதில் பெரு மகிழ்ச்சி அடைகிறேன்.

நல்வாழ்த்துகள் மிடில் கிளாஸ் மாதவி

நல்வாழ்த்துகள் திருமதி பி.எஸ்.ஸ்ரீதர்

நட்புடன் சீனா