வித்தியாசமாய்

வா சின்ன பொண்ணு. ஏன் பொலம்பிட்டே வார்ர??

முன்னலாம்  நாங்க பேரு வைக்கிறதா இருந்தா நாலுபேருகிட்ட விஷாரிச்சு நல்ல பேரா எடுத்து காதுல 3 தடவ சொல்லி பேர வச்சுடுவோம். ஆனா இந்த காலத்துல அப்படியா கெடக்கு? இன்னைக்கு காய்கறி வாங்கிட்டு இருந்த பையன்கிட்ட உன் பேரு என்னடான்னு கேட்டேன். சின்னப்பயலாம்.

ஹா…..ஹா….ஹா…. இவ்ளவ் தானா? அவுக சொன்ன ஒரு குரல்ன்னு மனசாட்சி  பேசுற மாதிரி கதை  நல்லா இருந்துச்சு சின்ன பொண்ணு. கேட்டீயா?

வாஸ்த்தவந்தேன். ஆனா இப்படியா பேரு வைப்பாக??? கந்தசாமி, மொக்கைசாமின்னு ஒலகத்துல எவ்ளவ் நல்ல பேருலாம் கெடக்கு?  என்னமோ போ……..

இதுக்கே இப்படி சளிச்சுக்குறீயே??!!. இன்னும் கெடக்கு!!!. மழைக்கால விடியல் பத்தி சொன்னாகளே அவுக பேரு நாய்குட்டி மனசு.

அம்மாடி

அப்பறம் வரலாற்று நாயகர்கள் பத்தி சொல்லிட்டிருப்பாகளே ? அவுக பேரு மாணவன்

 ஆத்தி………… இப்ப கொஞ்ச நாளைக்கு முன்னாடி கூட டீவி பொட்டி  உருவான வரலாற  சொன்னாகள??

ம் ஆமா அவுகளேதேன். அப்றோம் வேலைக்கார பொண்ணு வள்ளி பத்தி சொன்னாகளே அவுக பேரு கும்மாச்சி

ஆத்தாடி. போன வாரம் கொல சாமி கோயிலுக்கு சாமி கும்புட போயிருந்தப்ப பத்தாவது படிக்கிற பையன் பேரு ஆளுங்க! வேண்டா வெறுப்பா சாமி கும்புடுட்டிருந்துச்சு. ஆனா தங்கச்சிகாரி  பயபக்தியா வேண்டிட்டு இருந்துச்சு. என்னம்மா வேண்டிக்கிட்ட அப்படின்னு அவுக அப்பா கேட்ட்துக்கு சக்திமான எப்படியாவது காப்பாத்திடுன்னு வேண்டுச்சாம். காலக்கொடும!

அப்றோம்…… வெளங்காதவன் ஊர்ல அம்மனுக்கு மொளகா அரச்சு பூசுறாகளாம்ல தெரியுமா உனக்கு?

அம்மோய்ய்ய்ய்ய்……… எனக்கு தெரியாதே விஷாரிக்கேன்!

சரி நீ ஓட்டு போட போயிருந்தீயா ??

ம் போனேன் போனேன். அவர்கள் உண்மைகள் பத்திரிக்கை மாதிரி;-) வச்சு நடத்துதாகளே. அவுக கூட உள்ளாச்சி எலக்‌ஷனுக்கு ஓட்டு போட போறீகளான்னு கேட்டாக. ஆமாண்டேன்

வெளியூர்க்காரன்  சைந்தவி,சிபி பீச்சுல அழுதுட்டு இருந்தத பத்தி சொல்லிட்டிருந்தாக கேள்விபட்டேனே உண்மையா?………

ஹும்…..ஆமா………………. அத ஏன் கேக்குற………. சிரிக்கிறதா அழுகுரதான்னு தெரியல.  பொறவு தலகீழா தொங்குமே வௌவ்வாலு……….. அவுகளும் இன்னார் இன்னார் இன்ன படத்துல நடிக்கலாம்னு பட்டியல் போட்டு காமிச்சு சிரிப்ப வரவழச்சாக……. சிரிச்சு மாளல ஹா…..ஹா…..ஹா……

நானும் கேட்டேன் சின்னபொண்ணு.  நல்லா  ச்சொல்லியிருந்தாவ!

அப்பறம் வர்ர வழிலதேன் பவுடர் ஸ்டார் ஐடியா மணி. வீடு இருக்கு. உங்களுக்கு தமிழ் தெரியுமான்னு கேட்டு  சாகடிச்சாக. கோபம்னாலும் பயங்கர கோபம்.

ஏன்? எதுனால?

 

பின்ன இருக்காதா??? நா என்ன இப்ப இங்கிலீஸுலையா பேசுதேன்?

அது அப்டி இல்ல பொண்ணு. உன்னுடையது கொலதமிழ்………. அதுனால  தமிழ் பெருமைலாம் கத்து கொடுக்க போறாகளாம்.

என் கொலசாமி தமிழ் இல்லையே…. ஆரு அவ்களுக்கு தப்பா தகவல் சொன்னாக?

ஹா….ஹா…ஹா,,,, உனக்கு புரிய வைக்க எனக்கு ஜீவேன் இல்ல….. என் மவேன் கத்துறான் டீவி போடச்சொல்லி. இரு வார்ரேன்.

ஸ்டைல் நாராயணன் சொன்னத கேட்டீயா நீ? கொழந்தைங்க டீவி பாக்குறதுனால வர பிரச்சனைய பத்தி சொன்னாகளே…….. கட்டுக்குள்ள வச்சுக்கோ புள்ள. புள்ளை புடிக்கிற காட்டான் கூட கோழி புடிக்குறாராம். கவனமா இருந்துக்கோ.

ம் ச்சேரி ச்சேரி. வேற என்ன சேதி?

பறவை காய்ச்சல் மாதிரி  ஊர் முழுக்க ஒரே பேச்சா இருக்கு

என்னவாம்?

யார் அந்த ஏமார்ர மன்னன்னு!

கருத்து கந்தசாமிய சொல்றீயா? அது ஏமாருற மன்னன்னும் இல்ல. ஏமாத்துற மன்னன்னும் இல்ல.ஏமரா மன்னன் :-) எவ்வளவு அடிச்சாலும் தாங்கிக்குவாக ஹி...ஹி...ஹி.......

அதுவேறையா :-(   வெறும்பய தெரியுமா உனக்கு?

ம் தெரியுமே என்னவாம்?

6 மாசத்துல 30 எட்த்துல வேல பாத்து கின்னஸ் சாதன படைச்சது தான் அவுகளோட வாழ்நாள் சாதனையாம்

அடப்பாவமே………… சரி ராக்கெட் ராஜா அதிசயபடங்கள காமிக்க போறதா சொன்னாக. நீ போயி பார்த்துட்டு வந்துடு!!!

போற வழியில தான் இர்க்கு. பாத்துட்டு போறேன்.  கொஞ்சம் ஐஸு தண்ணி கொண்டா. குடிச்சுட்டு கெளம்ப!

காலைல வெள்ளனமா வந்துடு. வாரச்ச கொம்பம்பாவக்கா பறிச்சுட்டு வந்துடு!

பாக்குறேன் ஆத்தா….. வர்ட்டுமா

*******************************************************

அடுத்த பதிவு- சமைக்க தெரியலன்னா??!!

அனைவருக்கும் என் இனிய தீபாவளி நல்வாழ்த்துக்கள்.  பாதுகாப்பான தீபாவளியாய் அனைவருக்கும் அமைந்திட பிரார்த்திக்கிறேன்.

உங்கள் சகோதரி

ஆமினா