சமைக்க தெரியலைன்னா...!!!!!

என்னைக்கு பொழுதே போகல….  அடிக்கடி கரண்ட் கட் வேற. இப்படி பண்ணா எப்படி தான் பொழுது போகுமாம்? இந்த சின்ன பொண்ணு கூட இன்னும் வரல. ச்ச

என்ன சளிச்சுக்குற? கொம்பம் பாவக்கா தானே…. உனக்காக  மறக்காம எடுத்தாந்துட்டேன் பாரு!

அட போ பொண்ணு.

ஏன் என்ன ஆச்சு ஒனக்கு?

பின்ன என்ன பின்ன. ஒரே மாதிரி சமைக்குறேனாம். எதாச்சும் வித்தியாசமா செய்யுன்னு வீட்ல சத்தம் போடுதாக

ஹும்ஹும் வெளங்கிடும். மொதல்ல  பெட்டகம் போயி சமையல் அரிச்சுவடிய கத்துக்கோ. எல்லா விதமான தீப்பெட்டியும் அதுல இருக்கு.

ரொம்ப லொள்ளா போச்சு உன்னோட, சண்டைக்கு வந்துட போறாக. அது பேரு டிப்ஸு!

ஒன்னு ரெண்டு பெசகுறதுதேன். சரி நீ ஜலீலாக்கா வீட்டு பக்கம் போவீயா என்ன? அந்தக்காதேன் டஸ்ஸு புஸ்ஸுன்னு பேரு வச்சு டிஸ்ஸு செஞ்ஜாகலாம்ல

ஓ அதுவா? டஸ்ஸு புஸ்ஸு இல்ல. வெங்காய கொட மிளகாய் பிஸ்ஸா பிரெட் டோஸ்ட்.

ஹும்ஹும்…… இப்படி பெரிய பேர வச்சா எப்படி தான் வாய்க்குள்ள நுழையுமாம். சரி அத செஞ்சு குடு, எல்லாரும் நல்லாயிருக்குன்னு சொல்லுதாக. பிரியா கிச்சன்க்கு போயிருந்தேன். பாட்சா செஞ்சுச்சு பாரு. அவ்வளவு ஈசியா!!!!!

அட நல்லா இருந்துருவ!!!! அது பாதுஷா,,,,,,,,,,

அய்யே……..அப்டியா?? ஹி…ஹி…ஹி…. என்கிட்ட தப்பா சொல்லிருக்கு பாரேன் ;-)

நீ சொல்றது சாயங்காலம் செய்றதுக்கு. காலைல என்ன செஞ்சு கொடுக்க?

தளிகா புள்ள இருக்கே,…. அது சொன்னபடி கோழிகறிய போட்டு சிக்கன் பிரட் பண்ணு. அழகா பின்னல் பின்னலா போட்ட அழக பார்த்தே சாப்பிடலாம்.

ப்ச்…….. அதெல்லாம் பொழுது சாய்ற நேரம் செஞ்சுகுடுக்குறது!  சரி உன்கிட்ட இப்படி கேட்டா சரிவராது, மத்தியானம் அசத்துற மாதிரி சொல்லி கொடு!

என்ன இப்படி வெவரங்கெட்ட தனமா இருக்க?.  அய்யம்மாள் இருக்குல? அந்தபுள்ள பொள்ளாச்சி பிரியாணி சொல்லி கொடுத்துச்சு. அது செய்புள்ள!!! கடப்பாரையோ கடப்பாவோ ரேகா சொன்ன அன்னைக்கு சொல்லிட்டு போச்சே…. அது செய்! ஒரு நாள் அப்சரா செய்யுற மேத்தி தால் மங்குனி செய்யி.

யே அது மங்குனி இல்ல. மக்கனி

இதுக்குதேன் எனக்கு ஒத்துவார பேர வைக்க சொல்றது. பாத்தீயா எதாவது நிம்மதியா சொல்ல முடியுதா??

சரி கோச்சுக்காத. நீ என்ன செய்வ?. அடுத்து என்ன பண்ணலாம்?

ஜிம்பிளா தக்காளி சட்னி செய். ஆனா அன்னு பாதியிலேயே போட்டோ எடுக்காம விட்ட மாதிரி நீயும் பாதியிலேயே முடிச்சுடாத.

ஜோக்கு காட்டாத சின்ன பொண்ணு. மேல சொல்லு

அட யாருடி இவ. சொல்ல மாட்டாவளா? ஞாபகம் வர வர சொல்லிக்குறேன் கப்புன்னு புடிச்சுக்கோ.

ம்ம் சொல்லு

யாராச்சும் விருந்தாளி வந்தா ஒரே மாதிரியா பாயாசம் வைக்காம மேனகா வச்சாப்ல சௌசௌ பாயாசம் வைய்யி. கீதா ஆச்சல் சொன்ன தலப்பாகட்டு பிரியாணி வை.  சாயங்காலத்துக்கு  மிரா செய்யுற கர்நாடகா போண்டா செய்யி.

ஓ இவ்வளவு செய்யலாமா?

பின்ன? ஜிஜி பொண்ணு இருக்குல? அதுகூட அசோக்குமார் அல்வா செஞ்சுட்டு கேட்டுபாரேன் எப்படின்னு?

(வெளங்குன மாரிதேன்) அசோகா அல்வா சொல்றீயா? எனக்கும் செய்ய தெரியும். ஆனா என்னன்ன பொருள் போடணும்னு தெரியாது ;-) கேட்டுபாக்குறேன்! ம். சரி சின்ன பொண்ணு.  நீ காரசட்னி எப்படி வைப்ப?

எனக்கு என்ன தெரியும்? எல்லாம் ராதாராணி சொன்னாப்ல காரசட்னி பண்ணுவேன். டேச்டா இருக்கும். அதுகூட திவ்யாம்மா சொல்லி கொடுத்த கடாய் தோச செஞ்சு குடுத்தேன் பார்ரு…… அட அட….. அப்படிக்கா அய்லேசா சொல்லி கொடுத்த பிஷ் மஞ்சூரியன் செஞ்சு பாரு

ஆசியா காதுல விழுந்தா அவ்வளுவுதேன். அய்லேசா இல்ல. ஆசியா ;-)

ஆத்தி…….. சரி சொல்லிபுடாத…..  

ஹா...ஹா....ஹா.....

 அப்பறம் தக்காளி சூப் செஞ்சு கோப்பைல கொடுத்து தக்காளி சூப்புன்னு சொல்லு. சாதத்துல ஊத்தி குழம்புன்னு சொல்லு. அதான் பாசமலர் சொல்லி கொடுத்த தக்காளி சூப் குழம்பு

ம் நல்ல ஐடியா சின்ன பொண்ணு. வேலையும் மிச்சம் இல்லையா? உன்னால தான் நா பாராட்டு வாங்க போறேன். இனி ஜமாய்ச்சுடுவேனாக்கும்.

மகி புள்ள சொல்லி கொடுத்த சாம்பார் இட்லியையும் ஒருக்கா மறக்காம செஞ்சுடு. நல்லா இருந்துச்சு.

அப்படியா. ஓக்கே செஞ்சு பார்த்துடுதேன்

சரி பாவக்கா பழுத்துடும். இப்ப போயி வெங்காயம் போட்டு செஞ்சுட்டு அதோட மின்மினி சொல்லி கொடுத்த தக்காளி ரசம் ரொம்ப ஜூப்பரா இருக்காம். அத ஒருக்கா செய்யி. ஜோலி கெடக்கு. சீக்கிரமா கஞ்சி காய்ச்சி கொடுக்கணும். நாளைக்கு வாரேன். சரியா? இதுக்கு போயி மூலைய உர்க்காருவாகளா யாராச்சும்? ஹும்

அதானே….  நீ இருக்க என்ன பயம்? :-)

உங்க வீட்டுக்காரவுக வெளியூர்ல தானே இருப்பாக? அப்பன்னா யோகேஷ் சொல்லி கொடுக்குற சமையல்ல செய்ய சொல்லு. எல்லாமே பேச்சுலர்ஸ் சமையல் தான்

ரொம்ப தேங்க்ஸ் பொண்ணு!

பாத்தீயா இப்ப தான் ஞாபகம் வருது. சந்தேகம் வந்தா எங்கிட்ட கேளு! இல்ல மத்தவங்க கிட்ட கேளு! ஜெய்லானி கிட்ட மட்டும் கேட்டுடாத. ஆஹா சமையல்ன்னு வாசகர் சந்தேகத்த தீர்த்து வைக்கிறதா சொல்லி ஊர்ல எல்லாரையும் சுடுதண்ணி போடுறத கூட மறக்க வச்ச மவராசேன்!!

நல்ல வேள சொன்ன. வித்தியாசமா எப்படி இட்லி பண்ணனும்னு கேக்கலாம்னு நெனச்சேன் அவ்வ்வ்வ்வ்வ்

சரி சின்ன பொண்ணு இன்னைக்கு சமையல்லையே போயிடுச்சு. நாளைக்கு ஊர் நெலவரத்தையெல்லாம் சொல்லு. இல்லைன்னா தல வெடிச்சுடும்.

அது சரி.......... சரி வாரேன்…………

*******************

அடுத்த பதிவு- பார்த்ததும் ரசித்தேன் :-)