ஒன்பதாவது திசை, பத்தாவது கிரகம்!

விஷ்ணு, விவேக்கைப் பார்ப்பதற்காக ஒரு மாலை நேரத்தில் வீட்டுக்குப் போனபோது ரூபலா வரவேற்பறை சோஃபாவில் உட்கார்ந்து ‘பெமினா’வைப் புரட்டிக் கொண்டிருந்தாள். விஷ்ணுவைப் பார்த்துதும், ப்ராக்கெட் குறி ‌போன்ற தன் அழகிய புருவங்களை உயர்த்தினாள். உதடுகளை ஒரு கேலிப் புன்னகையோடு விரித்தாள்.

‘‘என்னடா..? திடீர் விஜயம்? இது டிபன் சாப்பிடற நேரமும் இல்லை... காஃபி டயமும் கிராஸ் ஆயிடுச்சு. இப்ப எதுக்கு வந்திருக்கே?’’

விஷ்ணு தன் இடுப்பில் இரண்டு கைகளையும் வைத்துக் கொண்டு ரூபலாவை முறைத்தான். ‘‘மேடம்! திஸ் ஈஸ் டூ மச்...! என்னை இன்சல்ட் பண்றதுக்கும் ஒரு அளவு இருககு. பாஸ் இன்னி்க்கு நைட் டிபன் உங்க வீட்ல சாப்பிடச் சொன்னார். நீங்க என்னை ரொம்ப ‌இன்சல்ட் பண்ணிட்டதால... நான் இன்னிக்கு...’’

‘‘‌இன்னிக்கு..?’’

‘‘நைட் டிஃபனை எட்டே எட்டு சப்பாத்தியோட நிறுத்திககப் ‌போறேன் மேடம்..!’’

ரூபலா சுற்றும் முற்றும் பார்த்தாள். ‘‘என்ன தேடறீங்க மேடம்?’’

‘‘உன்னை எதால சாத்தலாம்னு பாக்கறேன்...’’ ரூபலா தன் அரிசிப் பற்களைக் கடிக்க, உள்ளேயிருந்து வந்த விவேக், ‘‘வாடா, தடியா... இரு, அஞ்சு நிமிஷத்துல ட்ரெஸ் பண்ணிட்டு ரெடியாகி வந்துடறேன்...’’ என்று விட்டு மீண்டும் உள்ளே ‌போனான்.

விஷ்ணு, ரூபலாவை ஏறிட்டான். ‘‘மேடம்! நான் ஒரு விடுகதை சொல்றேன். ரெண்டு நிமிஷத்துக்குள்ள அதுக்கு விடை சொல்லணும். அப்படிச் சொல்லலைன்னா நாளைக்கு மூணு வேளையும் உங்க வீட்லதான் எனக்கு ப்ரேக்ஃபாஸ்ட், லஞ்ச், டின்னர்...’’

‘‘நான் விடையச் சொல்லிட்டா..?’’

‘‘நீங்க சொல்ற ஹோடடலுக்கு உங்களையும் பாஸையயும் கூட்டிக்கிட்டுப் போய் என்னோட செலவுல இன்னிக்கு ராத்திரி டின்னர்...’’

‘‘ஓ.கே. நீ விடுகதையைச் சொல்லு...’’

‘‘ஒரு டப்பா நிறைய மோகினிப் பிசாசுகள். அது என்ன?’’ ரூபலா விழித்தாள். ‘‘ஏதாவது க்ளூ கொடுடா...’’

‘‘நோ க்ளூ...’’ என்றான் விஷ்ணு. நிமிடங்கள் கரைய... ரூபலா, ‘‘சரி, நாளைக்கு மூணு வேளையும் கொட்டிக்க வந்துடு. விடையச் சொல்லு...’’ என்றாள்.

‘‘ஒரு டப்பா நிறைய மோகினிப் பிசாசுகள். வேற ஒண்ணுமில்ல மேடம்... லேடீஸ் ஸ்பெஷல் பஸ்தான்!’’ ரூபலா தீப்பார்வையோடு விஷ்ணுவை அடிக்க வர, வெளியே வந்த விவேக் தடுத்தான். ‘‘டேக் இட் ஈஸி ரூபி... விஷ்ணு ஒரு ப்ளேபாய்ன்னு தெரிஞ்சதுதானே...? கிளம்பலாமாடா விஷ்ணு’’

‘‘ஒரு அஞ்சு நிமிஷம் இருஙக பாஸ்...’’ என்ற விஷ்ணு தன் லேப்டாப்பை மடியில் வைத்து உயிர்ப்பித்தான். ‘‘மேடம்... மூணு‌ வேளைக்கும் மெனு லிஸ்ட் இங்க இருக்கு பாருங்க...’’ என்றான். ரூபலா ஆர்வமாய் அருகில் வந்தாள். ‘‘மார்னிங் டிபனுக்கு ‌கமலாவின் அடுப்பங்கரைல சொல்லியிருக்கற சோள ரவா இட்லி, தொட்டுக்க கோவை 2 தில்லி சொல்லியிருககற புளியில்லா சாம்பார், கீதா சொல்லியிருககிற கோவைக்காய் சட்னி, கூடவே தெய்வசுகந்தி சொல்லியிருககற எளியமுறை கார்ன் சாலட்...’’

‘‘அட தடியா! மெனு சூப்பராச் சொல்‌றியே... மதியச் சாப்பாட்டுக்கு என்னன்னு ப்ளான் பண்ணி வெச்சிருப்பியே..?’’ சிரித்தான் விவேக்.

‘‘ஆமாம் பாஸ்! முதல்ல மிராவின் கிச்சன்ல சொல்லியிருக்கற அகத்திக் கீரை சூப், அப்புறம் மாதேவி சொல்லியிருக்கற காரட் வெங்காய பிரியாணி, அப்புறம் ஆசியா ஓமர் சொல்லியிருக்கிற முருங்கைப் பூ முட்டை சாதம், இதுக்குத் தொட்டுக்க புதுகைத் தென்றல் சொல்லியிருககிற ஹோட்டல் க்ரேவியும், ஜலீலா கமல் சொல்லியிருக்கிற செளராஷ்ட்ரிய சிக்கன் க்ரேவியும் பண்ணிடலாம் பாஸ்’’

ரூபலா மூககில் விரலை வைத்தாள். ‘‘மெனு லிஸ்ட் இவ்வளவுதானா விஷ்ணு..? இன்னும் இருக்கா?’’

‘‘இருக்கு மேடம். சாயங்காலம் நாலு மணிக்கு எனக்கு சத்யாஸ் கிச்சன்ல சொல்லியிருககற வெஙகாய சமோசாவும், ஸஷிகா சொல்லியிருக்கிற பேக்ட் வெண்டைககாய் பகோடாவும் சிம்பிளா ரெடி பண்ணிடுங்க மேடம்...!’’

‘‘இது சிம்பிளா உனக்கு?’’ என்று விஷ்ணுவின் தலையில் தட்டினாள் ரூபலா. ‘‘நைட்டுககு என்னங்கறதையும் கையோட சொல்லிடு’’

‘‘அதுவா மேடம்...? நைட்டுக்கு... தூயாவோட அடுப்பங் கரைல ‌சொல்லியிருக்கற வெஜிடேரியன் நூடுல்ஸ், அதோட ஜோடி சேத்துக்க தமிழ்ச் சமையல்ல சொல்ற கத்தரிக்காய் க்ரேவி, அப்புறம் லக்ஷ்மிம்மா சொல்லியிருக்கற புல்கா ரொட்டி, அதுக்கு துணையா பாசமலர் சொல்லியிருக்கிற பாசிப்பருப்பு இட்லி சாம்பார் பண்ணிடுங்க மேடம்...’’

‘‘ஹப்பா... ஒரு வழியா முடிச்சியே...’’

‘‘இன்னும் முடிக்கலை மேடம். நான் சொன்ன ஐட்டங்களுக்கப்புறம் சாப்பிட ஸவிதா ‌சொல்லியிருக்கற குக்கர் கேக்கும, சாப்பிட்டதும் குடிக்க அமைதிச்சாரல் சொல்லியிருககற புளிககும் காயில் இனிக்கும் சர்பத்தும் ப்ரிப்பேர் பண்ணிடுங்க மேடம்!’’

ரூபலா பிரமிப்புடன் விஷ்ணுவைப் பார்க்க, விவேக் சிரித்தான். ‘‘டேய், நீ சொன்ன இத்தனை ஐட்டத்தையும் செஞ்சு சாப்பிட்டா ஒரே நாள்ல நீ குண்டாயிடுவ. ரெடி பணணினதுல ரூபி ஒரேநாள்ல ஒல்லியாயிடுவா. அதுககுப் பதிலா... நாளைக்கு நாம மூணு பேருக்கும் ஸ்டார் ஹோட்டல்ல என் செலவுல ட்ரீட்... புறப்படுடா...’’

‘‘ஓ.கே. பாஸ்! மேடம், நாளைக்கு அப்ப சமையலறைப பக்கம் போக வேண்டாம் நீங்க. சமையலறைய எப்படி சுத்தமா வெச்சுக்கறதுங்கறதை ராஜி சொன்ன உன் சமையலறையில் நீ சமர்த்தாங்கறதைப் படிச்சுத் தெரிஞ்சுக்கங்க... நான் புறப்படறேன்...’’ ரூபலா இன்னும் பிரமிப்பு விலகாமல் நிற்க, விவேக்குடன் கிளம்பிச் சென்றான் விஷ்ணு.

=================================================
பின்குறிப்பு: ஃப்ரெண்ட்ஸ்! ஒண்ணு கவனிச்சீங்களா? இந்த விஷ்ணு இவ்வளவு மெனு ‌சொன்னாரே... 100 சதம் லேடீஸ் ஸ்பெஷலாக்கிட்டார். ஏன் வலையுலகில ஒரு நளனோ, ஒரு பீமனோ கிடையாதா? -பா.கணேஷ்.

=================================================