காற்றுக்கு ஒரு அரண்மனையா! (HAWA MAHAL)

சரம் - மூன்று! மலர் - ஆறு!

மறுநாள் காலை தயாராகி நாங்கள் தங்கியிருந்த கெஸ்ட் ஹவுஸிலேயே உள்ள உணவகத்தில் ஆலு பராட்டா என்று சொல்லப்படுகிற உருளைக்கிழங்கு ஸ்டஃப் செய்த சப்பாத்தியும் ஊறுகாய், தயிருடன் சுவைத்தோம். வட மாநிலங்களுக்கு சுற்றுலா செல்பவர்கள் அங்கு கிடைக்கும் அந்த ஊரின் உணவை உண்பதே சிறந்தது. அங்கு போய் இட்லியும், தோசையும் எதிர்பார்த்தால் விளைவு மிகவும் மோசமானதாக இருக்கும்….:)

பயணத்திட்டத்தின் அடுத்த கட்டமாக ஜெய்ப்பூர் நகரின் மத்தியில் இருக்கும் HAWA MAHALக்கு சென்றோம். ஹவா என்றால் காற்று. நான்கு அடுக்குகளைக் கொண்டு கம்பீரமாக நிற்கிறது ஹவா மஹல். ராஜா சவாய் பிரதாப் சிங் காலத்தில் கிபி. 1799ல் கட்டப்பட்ட இந்த ஹவா மஹலில் 953 ஜன்னல்கள் உள்ளதாக சரித்திரம் சொல்கிறது. வெயில் காலத்திலும் உள்ளே குளிர்ச்சியாக இருந்தது. பலவித வண்ணங்கள் கொண்ட கண்ணாடிகளால் உள்ளே வடிவமைக்கப்பட்டிருந்தது சிறப்பாக இருந்தது.

JANTAR MANTAR ஒரு பார்வை!

அரச வம்சத்து பெண்கள் தங்களை யாரும் பார்த்து விடக்கூடாது என்று ஒவ்வொரு தளத்திலும் அமைக்கப்பட்டிருக்கும் இந்த குட்டி குட்டி ஜன்னல் வழியாக தான் நகரினையும், அங்கு நடக்கும் விழாக்களையும் பார்ப்பார்களாம்.

ஆமேர் கோட்டையைப் போன்றே இங்கும் பலதரப்பட்ட அறைகள் காணப்பட்டன. சுற்றுலாத் துறையினரால் AUDIO GUIDE வசதி இங்கேயும் ஏற்பாடு செய்யப்பட்டிருந்ததால் வரிசையாக ஒவ்வொரு எண்களை அழுத்தி அதற்கான இடத்தில் சென்று நின்று கொண்டால் அந்த இடத்தின் சிறப்புகளை பற்றித் தெரிந்து கொள்ளலாம். நாங்களும் அப்படித் தான் செய்தோம். 

CITY PALACE தெரிகிறதே!

நாங்கள் சென்ற போது இந்த ஹவா மஹலின் மேல் தளம் வரை சென்று ஜெய்ப்பூர் நகரின் அழகினை கண்டு ரசித்தோம். அங்கிருந்து JANTAR MANTAR, CITY PALACE ஆகியவற்றையும் பார்க்க முடியும். இப்போது பராமரிப்பு காரணங்களால் யாரையும் உள்ளே அனுமதிப்பதில்லை என்று தெரிய வந்தது.

நண்பர்களே இது என்ன? தெரிந்தவர்கள் சொல்லலாம். நாளை இது பற்றிய ஆச்சரியத் தகவல்கள்.....:)

சரி! வாங்க! இன்றைய அறிமுகங்களைக் காணலாம்...

இளையநிலா எனும் பெயரில் வலைத்தளம் வைத்திருக்கும் தோழி இளமதி அவர்களின் அறுசீர் விருத்தத்தில் ஒரு கவிதையை வாசித்துப் பாருங்களேன்!

உண்மையானவன் வலைப்பூவில் எழுதும் சகோ சொக்கன் அவர்களின் சைவ சித்தாந்தச் செல்வர் சொக்கலிங்க ஐயா குறித்த பிரசங்கத்தை இங்கே வாசித்து மகிழுங்கள்.

மனதிற்கு புத்துணர்வையும், நம்பிக்கையும் தரும் பாசிட்டிவ் செய்திகளை வாரந்தோறும் தொகுத்து தந்துகொண்டிருக்கும் எங்கள் ப்ளாக்கின் பகிர்வு இதோ!

என். கணேசன் அவர்களின் ருத்ராட்சத்தின் மகிமைகள் பகிர்வு இதோ!

கரந்தை ஜெயக்குமார் ஐயா அவர்களின் வீர மங்கை வேலு நாச்சியார் குறித்த தொடரை வாசித்து அறியாத தகவல்களை தெரிந்து கொள்ளுங்கள்.

வலைச்சர வாரத்தின் இறுதி நாளான நாளை வேறு சில பதிவர்களின் பக்கங்களையும் ஜெய்ப்பூர் அரண்மனை குறித்த தகவல்களையும் பார்க்கலாம்!

மீண்டும் சந்திப்போம்,

ஆதி வெங்கட்

திருவரங்கம்.