வழியனுப்புதலும் வரவேற்பும்

ஒரு வார காலமாக நண்பர் சிவமுருகன் ஏழு அருமையான பதிவுகள் இட்டு வலைச்சரத்தைச் சிறப்பித்தார். ஆசிரியர் பொறுப்பினை செவ்வனே நிறைவேற்றி விடை பெற்றிருக்கிறார். புதுமையாக டீக்கடை பெஞ்சு பாணியில் பதிவுகள் இட்டது பாராட்டத் தக்கது. பட விமர்சனங்களைக் குறித்த பதிவுகளின் சுட்டிகளை உள்ளடக்கிய பதிவு இட்டதும் புதுமையாக இருந்தது. அதிக பதிவர்களைப் பற்றி எழுதியதும் நன்று.

நன்றி கூறி விடை அளிக்க வேண்டிய நேரமிது.

நண்பர் சிவமுருகனுக்கு வலைச்சரத்தின் சார்பில் நன்றியினைத் தெரிவித்துக் கொள்கிறோம்.

-----------------------------------------------------------------------------------------------

நாளை 09.06.2008 திங்கள் முதல் அருமை நண்பர் ஆயில்யன் ஆசிரியராகப் பொறுப்பேற்கிறார். கடகம் என்றொரு வலைப்பதிவின் உரிமையாளர். 2008ல் மட்டுமே 160 நாட்களில் 134 பதிவுகளை இட்டிருக்கிறார். இணையமே கதியாய்க் கிடப்பார் போலத் தெரிகிறது.

ஒரு வார வலைச்சர ஆசிரியர் பொறுப்பினில் இதுவரை சாதனையாக உள்ள 18 பதிவுகளை ( மங்களூர் சிவா) மிஞ்சுவதற்கு நல்வாழ்த்துகள்.

வருக வருக ஆயில்யன் - அதிகப் பதிவுகளைத் தருக

சீனா (Cheena )

பொறுப்பாசிரியர்

---------------------------------