வலைச்சரத்தில் திங்கள்.

வணக்கம்

வலைச்சரத்தில் என்னை ஆசிரியர் பணிக்கு அழைத்த திரு சீனா ஐயா அவர்களுக்கும், என்னை பரிந்துரை செய்த திரு கோபாலகிருஷ்ணன் ஐயா அவர்களுக்கும் என் மனமார்ந்த நன்றியை தெரிவித்துக்கொள்கிறேன்.

எனக்கு வலைச்சரத்தில் ஆசிரியராக பணியாற்ற கொடுக்கப்பட்டுள்ள நாட்கள் ஏழு. 7--.இந்த எண் நம் வாழ்க்கையில் பின்னிப்பிணைந்துள்ள ஒன்று. ஆம், நம் கண்களுக்கு விருந்தளிக்கும் வானவில்லின் நிறங்கள் ஏழு, காதுகளுக்கு விருந்தளிக்கும் சங்கீத ஸ்வரங்களும் ஏழு, மனதிற்கு மகிழ்ச்சியை கொடுக்கும் உலக அதிசயங்களும் ஏழு தான். அதுபோலவே நாம் காலத்தை எளிதாக கணக்கிட ஏற்படுத்தபட்டுள்ள வாரத்திற்கும் நாட்கள் ஏழு.

திங்கள்.

வாரத்தின் முதல் நாள். திங்கள் என்பது சந்திரனை குறிக்கும். சந்திரன் நமது பூமியை சுற்றிவரும் இயற்கை கோள். இது பூமியிலிருந்து சுமார் 3 இலட்சத்து 85 ஆயிரம் கிலோமீட்டர் தொலைவில் உள்ளது. இதன் ஈர்ப்புவிசை பூமியின் ஈர்ப்பு விசையினைவிட சுமார் 6 மடங்கு குறைவு. மனிதன் முதலில் காலடி பதித்த வேற்று கிரகம் இதுதான். இந்த அறிவியல் தகவல்களை ஒதுக்கிவிட்டு பார்த்தோமானால், சந்திரன் அல்லது நிலா என்றவுடன் நமக்கு நினைவுக்கும் வருவது அது தரும் குளிர்ச்சிதான். இரவு நேரத்தில் வானத்தில் கம்பீரமாக உலாவரும் இந்த அழகிய வெண்ணிலவை பாடாத கவிஞர்களே கிடையாது எனலாம்.

அப்படிப்பட்ட நிலவைக் குறிக்கும் திங்களன்று சுய அறிமுகம்.

எனக்கு எழுதுவதைவிட படிப்பது மிகப்பிடிக்கும். படிப்பது என்பது சுவாசிப்பது மாதிரி. எப்படிப்பட்ட புத்தகம் என்பது இல்லை, கையில் கிடைக்கும் நல்ல விஷயம் யாவற்றையும் படித்துவிடுவேன். அப்படி மற்றவர்களின் பதிவுகளை படித்துப்பார்த்த பொழுது நாமும் ஒரு பதிவு ஆரம்பித்து நம்முடைய எண்ணங்களையும், அனுபவங்களையும் பகிர்ந்து கொள்ளவேண்டும் என்று தோன்றவே நான் ஆரம்பித்த பதிவுதான் மதுரகவி. இதன் பெயர் காரணத்தினை இங்கே குறிப்பிட்டு உள்ளேன்.

அப்படி நான் எழுதிய பதிவுகளில் எனக்கு பிடித்த பதிவுகள் சில:

இப்பதிவை எழுதிவிட்டு படித்து பார்த்தபொழுது எனக்கே அதிர்ச்சியாக இருந்தது, என்னாலும் 10 வரிகள் தொடர்ச்சியாக எழுத முடியுமா என்று.அது,--

   ஆறு..அதிர்ச்சி...

 ஆறு..அதிர்ச்சி..(நிறைவு)

சொந்த ஊரைப்பற்றி யாராவது கேட்டால் எல்லோருக்குமே சந்தோஷமான உணர்வு வரும். ஊரில் உள்ள குறைகள்,கஷ்டங்கள் ஆகியவற்றை பெரிது படுத்தாமல் நம் ஊரைப்பற்றி பெருமை அடித்துக்கொள்வோம். அப்படி நாம் பெருமை பேசிய ஊர் பற்றிய பதிவு.---

எங்க ஊர்..

கிரிகெட்டுக்கு தரும் ஆதீத முக்கியத்தினை குறைத்து மற்ற விளையாட்டுகளுக்கும் முக்கியத்துவம் தர வேண்டும் என்று என் ஆதங்கத்தினை வெளிபடுத்த எழுதிய பதிவு—
விளையாட்டு..

அண்டை மாநிலமான கர்நாடக மக்கள் தமிழர்களை பற்றி என்ன நினைக்கிறார்கள் என்பதினை என் அனுபவத்தில் உணர்ந்து நான் இட்ட பதிவு—
தமிழன் என்று சொல்லடா....

சிறு வயதில் பண்டிகை என்றால் எவ்வளவு சந்தோஷம் என்றும், எப்படி கொண்டாடுவோம் என்றும், என் சிறு வயது பண்டிகை நினைவுகளை பகிர்ந்த பதிவு--
கோகுலாஷ்டமி/கிருஷ்ணஜயந்தி.

கையில் எழுதுவது குறைந்து விட்டது என்று நான் வருத்தப்பட்டு எழுதிய பதிவு—
கையெழுத்து..

நல்ல எண்ணங்களே நல்ல செயல்களாகும் என்பதினை அறிவுறுத்தி நான் எழுதிய பதிவு.—
எண்ணம்..செயல்...

என்னுடைய பதிவுகளில் எனக்கு மிகப் பிடித்த ஆன்மீக பதிவு—

சுந்தர காண்டம்..

என்னுடைய முதல் கதை, நான் சவால் சிறுகதை 2011க்காக எழுதிய--

மகன் தந்தைக்கு ஆற்றும் உதவி..

என்னுடைய சுய புராணத்தை இத்துடன் முடித்துக்கொண்டு நாளை சந்திக்கிறேன்.

நன்றி.

ரமாரவி.