வலைச்சரத்தில் தமிழ்பேரண்ட்ஸ்

வணக்கம் அன்பிற்கினிய பதிவுலக உறவுகளே..இந்தவார வலைச்சர ஆசிரிய பணியை முதல் பதிவாய் சுய அறிமுகத்துடன் தொடங்குகின்றேன்.இந்த வாய்ப்பினை நல்கிய பின்னூட்டப் பிதாமகன் சீனா ஐயா அவர்களுக்கு மிக்க நன்றி.என்னை அவரிடம் அறிமுகம் செய்து வைத்த பதிவுலக நண்பர் தமிழ்வாசி பிரகாஷ் மற்றும் நிர்வாகி தமிழ்ப்பிரியன் அவர்களுக்கும் மிக்க நன்றி.

நான் சம்பத்குமார் .சொந்த ஊர் தேனி மாவட்டம் கம்பம்.தற்சமயம் கோவையில் தனியார் ஆட்டோமொபைல் ஒர்க்ஷாப்பில் ஸ்பேர் பார்ட்ஸ் மேனேஜராக பணிபுரிந்து வருகின்றேன்.பணிச்சுமை போக கிடைக்கின்ற நேரங்களில் நான் கற்றதையும் பெற்றதையும் வாழும் தலைமுறைக்கும் வருங்கால தலைமுறைக்கும் பகிர்ந்து விட்டுச் செல்ல தமிழ் வலையுலகில் எனது கவிதை கிறுக்கல்களோடு பகிர்ந்து வருகின்றேன்.கடந்த ஜூலையில் பதிவுலகில் தமிழ்பேரன்ட்ஸ் வலைத்தளம் ஆரம்பித்து இன்று வரை சுமார் 130 பதிவுகளை கடந்து இன்னும் பயணித்துக் கொண்டிருக்கின்றேன்.சென்ற செப்டம்பர் முதல் CUTEPARENTS என ஆங்கிலத்தளமும் ஆரம்பித்து அதிலும் பதிவுகளை தொடர்ந்து கொண்டுள்ளேன்.பதிவுகளில் பெரும்பாலும் குடும்ப உறவுகளில், பெற்றோர்கள் குழந்தைகளை வளர்ப்பதில் உள்ள விஷயங்களை பதிவாக பகிர்ந்து கொண்டிருக்கின்றேன்.

மழலை சமுதாயம் கோலோச்சுகின்ற சமயம் தொலைக்காட்சிகளிலும் ஊடகங்களிலும் அவர்களின் பங்கேற்பு அபரிமிதமாகவே உள்ளது.விளையாட்டு மற்றும் ஏனைய துறைகளிலும் கூட அவர்களின் திறமைகள் மற்றும் ஆர்வங்கள் எல்லாமே வியப்பைத்தருகின்றன.எனினும் நமது நாட்டில் எந்த அளவிற்க்கு மழலை சமுதாயம் முன்னேற்றம் கண்டுள்ளதோ அந்த அளவிற்க்கு பின்னடைவும் கண்டுவருகின்றது என்பது மறுக்க முடியாத உண்மை.இதனை அதிகரித்து வரும் குழந்தைகள் கடத்தல்,நரபலி,ஆசிரியர் மாணவர் உறவு முறிவு போன்றவற்றில் இருந்து நன்கு உணரமுடியும்.தவறான உறவுகளில் பிறக்கும் குழந்தைகளிலிருந்து பெண் சிசு கொலைகள் வரை இன்று சர்வ சாதரணமாகவே சமுதாயத்தில் நிகழ்ந்து கொண்டிருக்கும் அல்லது கேட்டுக் கொண்டிருக்கும் அன்றாடச் செய்திகளாகிவிட்டன.குழந்தைகளின் வாழ்க்கை ஆரம்பத்திலிருந்தே நெருக்கடிகளுக்கும் பயமுறுத்தல்களுக்கும் ஒடுங்கி வாழும்நிலைக்கு தள்ளப்பட்டு விடுவதால் அவர்களின் வளர்ச்சியில் தீவிரவாதமும் வன்முறையும் கூடவே வளர்ந்துவிடுகிறது.

குழந்தைகளின் வளர்ப்புமுறை சரியில்லையென்றால் அவர்களின் பாதை தவறாகப் போய்விடுகிறது.அதே சமயத்தில் அவர்களின் வழிகாட்டல் சரியாக இருந்தால் சாதனைகளாக மாறிவிடுகின்றன.

இனி பதிவுகளின் பூச்சரம் 

படிப்பு ஒருவரை முழு மனிதனாக்குகிறது. கலந்துரையாடல் ஒரு மனிதனை தயார்படுத்துகிறது.ஆனால் எழுதுதல்தான் ஒரு மனிதனை ஒரு நுட்பமான, சரியான மனிதனாக்குகிறது.குழந்தைகளின் எழுத்தாற்றல் திறனை மேம்படுத்துவது எப்படி ? என்ற பதிவில் காணலாம் 

குழந்தையை ஈன்றெடுத்து வளர்ப்பதில் பெற்றோகளின் மனப்போங்கை வைத்து ஐந்து வகைகளாக பிரிக்கலாம் அவர்களை பார்த்துவிட்டு வாங்களேன்.

பள்ளியிறுதித் தேர்வு நெருங்கிவிட்டது.வாழ்க்கையில் சாதனை புரிய அடித்தளமாய் விளங்கப் போகும் இந்த தேர்வு நேரத்தில் குழந்தைகள் படிப்பதற்காக பெற்றோர்கள் செய்யவேண்டியவை. 

வளரும் குழந்தைகளின் எதிர்காலத்திற்காக நாம் தர வேண்டிய மிகப்பெரிய சொத்து தான் என்ன ? இங்கு சென்று பார்த்து விட்டு வரலாமே 

குழந்தைகளை இயல்பாக வாழவிடுங்கள். இயந்திரமாக அல்ல. சுதந்திரமாக வாழவிடுங்கள். அடிமையாக அல்ல. பாசத்தையும், பந்தத்தையும் புறம்தள்ளும் குதிரைப் பந்தயம் இனி நமக்கு வேண்டவே வேண்டாம்.மொத்தத்தில் அவர்கள் என்ன பந்தயக்குதிரைகளா ? 

பல பெற்றோர்கள் வீட்டில் அப்பா அம்மாவாக இருப்பதில்லை. டீச்சராக மாறி எப்போதும் எதைப்பற்றியாவது பாடம் நடத்திக் கொண்டே இருக்கிறார்கள். எப்போது பார்த்தாலும் எதையாவது கற்றுக்கொடுத்துக்கொண்டே இருக்காதீர்கள். குழந்தைகளுக்கு ஒவ்வொன்றையும் கற்றுத் தரும்போதும் அதை அவர்களாக கற்பதிலிருந்து நாம் தடை செய்கிறோம் என்பதை மறந்துவிடாதீர்கள்.வேண்டாமே இந்த ஆசிரியர்ப்பணி 

நம் குடும்பத்தில் ஒன்றிற்க்கு மேற்பட்ட குழந்தைகள் இருந்தால் போதும்.விடியற்காலையில் எழுவதிலிருந்து இரவு தூங்கப்போகும் வரை வீட்டையே அமர்கள்ப்படுத்திவிடுவார்கள்.இது மாதிரி சண்டையிடும் குழந்தைகளை சாமளிக்கும் வழிகள்

வரைந்ததில் கவர்ந்த கவி வரிகள் சில : 

தூங்க நினைத்து முகம் புதைக்கும் போது 

எஞ்சின் தடதடப்பில் கனவு மறந்து போயிருக்கும்....!

இன்றைய குழந்தைத் தொழிலாளியின் நிலை 

வாழைத் தோட்டங்கள் விழித்திருந்தன

புலர்ந்த போதுவெளிரிய நிலா

வயல் நீரில் தேய்ந்துபோனது..!

மறக்க முடியாத என் தீபாவளிப்பயணம்

தீர்க்கமாய்த் தீர்மானித்தேன்…வாழ்க்கையைத்
தருகிற கொடி ஒன்று வரும்வரை

கொடிகள் தைப்பதைத் தள்ளி வைக்கலாமென்று….

ஆண்டாண்டு காலமாய் பரிதவிக்கும் கொடி தைப்பவரின் நிலை

அம்மாவின் அணைப்பிலிருந்து நீங்கிய நினைவில்
அழுதும் வந்தவுடனே தூங்கியும்

கனிவாய்க் குறுகுறுப்பாய் நோக்கியும் ...

திரும்பக் கிடைக்குமா அந்த இனிமையான மழலைநாட்கள்

என் தாய் கொடுக்கத் தவறிய முத்தங்களையும்…!

என் மனைவியிடம் அரைமனதுடன் பெற்ற

அந்தரங்க முத்தங்களையும்…! விட...

இந்த முத்தத்திற்க்கு ஈடு இணை ஏதும் உண்டா ?

இவ்வளவு போதும் என்று நினைக்கின்றேன்.எனது படைப்புகளை தவறவிடாமல் வாசித்து தளத்தில் உறுப்பினராக உள்ள அனைத்து நல் இதயங்களுக்கும் இந்த நேரத்தில் நன்றியை தெரிவிக்கின்றேன்.புதிய உறுப்பினர்களை வருக வருக என அன்போடு அழைக்கின்றேன்

தமிழ் தளத்திற்க்குச் செல்ல : தமிழ் பேரன்ட்ஸ்

ஆங்கிலத் தளத்திற்க்கு செல்ல : Cute Parents

நன்றி நண்பர்களே ! நாளைய தினம் பதிவுலகில் பதிவெழுத வரும் ஒவ்வொருவருக்கும் கண்டிப்பாய் உதவப்போகும் பதிவிகளின் வழியே உங்களை சந்திக்க வருகின்றேன்.

நட்புடன் நலம் நாடும்

சம்பத்குமார்