சினிமாவும்...பதிவுலகமும்...

வணக்கம்! வலைச்சரத்தினை காண வந்திருக்கும் அனைத்து மக்களுக்கும், சினிமா பார்க்காமல் யாராவது இருக்கிறீர்களா? எனக்கு சினிமா பிடிக்காது என்பவர்களிடம் நான் கேக்கும் முதல் கேள்வி ஒரு படம் கூட பார்த்ததில்லையா? எனக் கேட்பேன், முதியவர்களாக இருந்தால் சிவாஜி, எம்ஜிஆர் படத்தைச் சொல்லுவார்கள், நடுத்தரம் என்றால், ரஜினி, கமல், இளைஞர்களுக்கு விஜய்,அஜித் அல்லது நன்றாக ஓடிய படத்தைப் பற்றி கூறுவார்கள்.

அதனால் சினிமாவை வாழ்வில் ஒருமுறையாவது ருசிக்காமல் இருப்பவர்கள் யாராவது இருப்பார்களா? இருந்தால் ஆச்சர்யம்தான்! என் பாட்டி பார்த்த தியாகராஜபாகவதர் நடித்த 50 பாட்டுள்ள படத்தை விடியவிடிய டூரிங்டாக்கீஸ்ல பார்த்த அனுவத்தை இன்னும் தன் பசுமையான நினைவுகளில் வைத்திருக்கிறார்கள்,அப்பொழுது இடைவேளையின் போது திரைச்சீலைக்கு பின்னால் சென்று நடிகர்கள் உள்ளே இருக்கிறார்களா என்று பார்ப்பார்களாம்,இப்படியிருக்கும் போது நம் மாநிலத்தின் தலைமையை திரைத்துறையை சார்ந்தவர்களே ஆண்டிருக்கிறார்கள், ஆண்டுகொண்டும் இருக்கிறார்கள், அதனால் சினிமா அதிக மக்களை கவர்ந்தது ஒன்று என்றால் மிகையில்லை, இது பதிவுலகையும் விட்டுவிடுமா என்ன? சினிமாவை நேசிப்பவர்கள் அதை எப்படி விமர்சிக்கிறார்கள் என பார்ப்போம்...

1.ஜீ அவர்களின் பூங்காற்று திரும்புமா..?மலேசியாவாசுதேவனின் அவர்களின் பாடல்கள் சிவாஜி அவர்களுக்கு எப்படி பொருந்துகிறது காணொளியுடன்..

2.சினிமா உலகம் என்னும் வலையில் ஈசன் படத்தின் விமர்சனம் சிறப்பான கண்ணோட்டம்

3. ரெவரியின் மெமரியில் இருக்கின்ற படங்கள் ஏராளம், அதில் Soul surfer-மிகச்சிறந்த படத்தினை அறிமுகப்படுத்தியுள்ளார், கண்டிப்பாக பார்க்க வேண்டிய தன்னம்பிக்கையை ஊட்டுகின்ற திரைப்படம்.


4. அடங்காத கொலைவெறி...பாடலுக்கு நமது வேர்களைத்தேடி முனைவரின் கருத்து எச்சரிக்கையாக இருக்கவேண்டியது தமிழன் அல்ல ஆங்கிலேயன்தான்...!! அது எப்படி என்று கேட்காதிர்கள் படித்து பாருங்கள்.


5.தம்பி குமரன் 18 வயதுதான் ஆகின்றது என்கிறார், ஆனால் தீராத சினிமா காதல், பல திரைப்படங்களை அறிமுகப்படுத்துகிறார், ஆங்கிலத்தில் உள்ள குடும்ப படங்களை அறிமுகப்படுத்துகிறார், ஓய்வு நேரத்தை கழிக்க இவரின் வலைதளம் சென்றால் போதும் தளமெங்கும் ஹாலிவுட் படங்கள் இறைந்து கிடக்கின்றன.


6.ஹாலிவுட் ரசிகன் 50/50 திரைப்படத்தினை விரிவாக அலசுகிறார் அதில் (கான்சர்னு சொல்லேன்யா?)நக்கல் வேறு படிக்க மிக சுவாரஸ்மான பதிவு...
ஓய்வு நேரத்தை கழிக்க இவர் தளத்திலும் நிறைய படங்களின் விரிவான விமர்சனம் உள்ளது....நம் கணினியில் படங்களை ஒழுங்கு படுத்த ஒரு சிறப்பான தொடரை
எழுதிவருகிறார்...


7.24வயது இளைஞன் இவர்! நடிகர்திலகம்சிவாஜிகணேசன் அவர்களைப்பற்றி அவரை தான் ரசித்த விதங்களைப்பற்றி ஒரு 60 வயது உள்ளவர்களால்
கூட இப்படி கூற முடியாது சிவாஜி இன்னும் வாழ்கிறார்.......


8.180 திரைபடத்தைப் பற்றிய தெளிவான விமர்சனம் எழுதியுள்ளார், அனைத்து மொழித் திரைபடங்களையும் ஒரு கை பார்க்கிறார் தெளிவான எழுத்து நடை
ரசிக்கும் படியான கமெண்ட்கள்,


9. INCEPTION(2010) திரைப்படத்தை நண்பர் கொடுத்தார், மிகச்சிறப்பான திரைப்படம், இவர் விமர்சனம் அந்த படத்தை பற்றிய அதிக புரிதலோடு உள்ளது, படம் எனக்கு கொஞ்சம் புரியலை....இவர் விமர்சனம் படித்து புரிந்து கொண்டேன், பிறமொழிப்படங்கள்....தமிழில்...ஜெய் நிறைய படங்களைப்
பற்றிய இவருடைய பார்வைகள் துல்லியம்.


10. விமர்சனம் எழுதுவதில் தனிஇடத்தை பிடித்தவர் நண்பேன்டா ஓனர் சிவக்குமார்காரு, பிசினஸ்மேன் விமர்சனத்தை மகேஸ்பாபு படிச்சா கூட சிரிச்சு..சிரிச்சு நொந்து போவார்...கலக்கல்.

மேலே படத்தில் உள்ளவர் நடராசமுதலியார், இவர்தான் முதல் தமிழ் திரைப்படத்தை தயாரித்தவர், ஏன் முதல் இயக்குனரை போட வேண்டியதுதானே? என கேட்கிறீர்களா அதற்கும் அர்த்தம் உள்ளது நமது நண்பர்களின் விமர்சனத்தினை படித்து விட்டுத்தான் படம் பார்க்க செல்பவர்கள் அதிகம், படம் சரியில்லையென்று விமர்சனம் மூலம் தெரிந்து கொண்டால் பாதிக்கப்படுவது பயன் பெறுவதும் அதிகம் தயாரிப்பாளர்கள்தான்...,என்ன நான் சொல்றது சரிதானே?