சம்பத் குமார் விடை பெறுகிறார் - தென்காசித் தமிழ்ப் பைங்கிளி பொறுப்பேற்கிறார்.

அன்பின் சக பதிவர்களே !

அனைவருக்கும் வணக்கம்.

இன்றுடன் முடியும் வாரத்திற்கு ஆசிரியப் பொறுப்பேற்ற நண்பர் சம்பத் குமார் - தான் ஏற்ற பொறுப்பினை நிறைவேற்றுவதற்காக, கடுமையாக உழைத்து, பலப்ப்ல பதிவர்களையும் அவர்களது பதிவுகளையும் தேடித்தேடி - கண்டு பிடித்து - அறிமுகப்படுத்திய விதம் நன்று. புதுப் பதிவர்களையும் அறிமுகப் படுத்துவதை ஒரு குறிக்கோளாகக் கொண்டு பலரையும் அறிமுகப் படுத்தி இருக்கிறார். அறிமுகப் படுத்தப் பட்ட பதிவுகளில் எல்லாம், அறிமுகப்படுத்திய விபரத்தினை மறுமொழியாகவும் இட்ட நல்ல செயலினையும் புரிந்திருக்கிறார்.

அறிமுகப்படுத்துவதற்கு எடுத்துக் கொண்ட தலைப்புகள் தேர்ந்தெடுக்கப்பட்ட தலைப்புகள். அததனையும் அருமை. பிளாக்கர் டிப்ஸ், மனம் கவர்ந்த பதிவுகள், கவிதைச் சரம், பெண் சிற்பிகள், பல்சுவைப் பதிவர்கள், ஃபேஸ்புக் மற்றும் கூகுள்+ டிப்ஸ் எனக் கலக்கி விட்டார். அத்தனையும் அருமையான அறிமுகங்கள்.

அறிமுகப்படுத்தப்பட்ட பதிவர்களும் பதிவுகளும் : 146

தான் எழுதியதில் அறிமுகப்படுத்தப்பட்ட பதிவுகள் : 16

பெற்ற மறு மொழிகள் :445

நாளை முதல் துவங்கும் வாரத்திற்குப் பொறுப்பேற்க வருகிறார் தென்காசியினைச் சார்ந்த தமிழ்ப் பைங்கிளி. இவர் நெல்லை மாவட்டத்தில் உள்ள தென்காசியினைச் சார்ந்த இடைக்கால் கிராமத்தினை சொந்த ஊராகக் கொண்டவர். தமிழ் இலக்கியத்தில் முதுகலைப் பட்டம் பெற்று - தற்போது பொதிகைத் தொலைக் காட்சியில் தமிழ்ச் செய்தி வாசிப்பாளராகப் பணி புரிகிறார்.

14 வயதிலேயே தன்னுடைய கவிதைப் பயணத்தினைத் துவக்கியவர்.முதல் கவிதைக்கு, இவர் வளர்த்த கிளியின பெயரினையே - இவரது தந்தை - கவிதை எழுதியவருக்குப் புனைப் பெயராக - தென்காசித் தமிழ்ப் பைங்கிளி - சூட்டி விட்டார்.

சம்பத் குமாரினை நன்றியுடன் வாழ்த்தி வழி அனுப்புவதில் பெருமை அடைகிறேன். தென்காசித் தமிழ்ப் பைங்கிளியினை வருக ! வருக ! என வரவேற்று வாழ்த்துவதில் பெரு மகிழ்ச்சி அடைகிறேன்.

நல்வாழ்த்துகள் சம்பத் குமார்

நல்வாழ்த்துகள் தென்காசித் தமிஅழ்ப் பைங்கிளி

நட்புடன் சீனா