மூன்றாவது பூ மலர்கிறது

வணக்கம்
இரண்டுநாட்கள் இந்த வலையில் விழுந்ததில் நிறைய வலை உலக தோழர்கள் தோழிகளின் அன்பு வலையிலும் விழுந்திருக்கிறேன் என்று அறிந்து,அந்த மகிழ்ச்சியோடு தொடர்கிறேன் .
இவ்வலைச்சரம் எனும் பூங்கொத்தை என் கரங்களில் கொடுத்து மேலும் அழகூட்டச் சொன்னார்கள்.மணமுள்ள வண்ணமலர்கள் இடை இடையே சேர்த்திருக்கிறேன்.
[என்ன இன்னும் நேசக்கரம் ஜமால்,அன்புமணி மூன்றாம் பிறைக்கு வாழ்த்துச் சொல்ல வரவில்லையே!]தண்ணீர் எடுக்கச் சொல்ல மாட்டேன் .தயங்காமல் வாருங்கள்.
இன்று என் பார்வை சிறுகதைகள் மீது.
உள்ளத்து வெளிப்பாட்டுக்கு, அழகான உருவம் கொடுப்பது கவிதையும் கதைகளும்.

கதை கவிதை எழுதவேண்டும் என்ற தூண்டுதல் எப்படி வருகிறது?நம் மட்டில்லா மகிழ்ச்சியும்,மனப்போராட்டமும் கடைந்து தள்ளும் வெண்ணைப்பந்துகள்தான் அவை.
ஒரு சின்ன நடை நடந்து சென்று வெண்ணை பந்துகளை[அவை சென்னை வெயிலில் உருகுமுன் ] அள்ளி வந்து உங்களுக்கு அளிக்கிறேன்.