கும்மாச்சி தொடுக்கும் மலர்ச்சரம்---ஆம்பல், அனிச்சம்,குவளை, குறிஞ்சி

முதல் மலர்ச்சரத்தை காண இங்கே  

வலைச்சரத்தின் இந்த வார ஆசிரியராக பொறுப்பேற்ற இரண்டாவது நாளில் தொடுக்கும் மலர்ச்சரம்.

முதலில் நகைச்சுவை பதிவு ஒன்றைப் பார்ப்போம். எனது கருத்தில் நகைச்சுவைக்கு சிறந்த வலைப்பூ சேட்டைக்காரன். பதிவுலகில் மூத்தவர். சிறந்த நகைச்சுவை நடைக்கு சேட்டை சேட்டைதான். கையில காசு வாயில தோசை படித்தால் சிரித்து சிரித்து வயிறு புண்ணாவது உறுதி. கவிதை காய்ச்சல் என்று கவிதையிலும் நகைச்சுவை நையாண்டி செய்வார் சேட்டை. அரசியல் நகைச்சுவைக்கு ஒரு பானை சோற்றில் ஒரு சோறு நாங்க புதுசா கட்டிகிட்ட சோடிதானுங்க. ராஜா என்பார் மந்திரி என்பார் என்று கிரிக்கெட் நகைச்சுவை பாட்டு.

இன்னும் நகைச்சுவை முத்துக்கள் அவரது தளத்தில் ஏராளம். மிஷ்டிதோயும் ரசகுல்லாவும் படிக்க அவரது புத்தகம் "மொட்டைத்தலையும் முழங்காலும்" ஆன்லைனில் வாங்கி படிக்கலாம். மொத்தத்தில் சேட்டை நகைச்சுவை எழுத்தில் மன்னர் என்பதில் எனக்கு எந்த மாற்றுக்கருத்தும் இல்லை.

பல்சுவை கொடுப்பதில்  வலையுலக அரசி ராஜி "காணாமல் போன கனவுகள்" . ராஜியின் கிச்சன்கார்னர் மிகவும் பிரசித்தம். நான் சென்னையில் வசித்த பொழுது வடகறி என்று நாயர் டீக்கடைகளில் ஒரு சைடு டிஷ் கிடைக்கும் என்று பேசிக்கொள்வார்கள். இட்லி, தோசைக்கு நன்றாக இருக்கும் என்று சொல்வார்கள். அதன் செய்முறையை இவரது தளத்தில் பார்த்தபின் இப்பொழுது அடிக்கடி வீட்டில் வடைகறி தான்.

புண்ணியம் தேடி ஒரு பயணம் ராஜியின் சிறப்பு பகுதிகளில் ஒன்று, குலதெய்வ வழிபாடு என்று புகைப்படங்களுடன் நமக்கு நேரில் காணும் அனுபவத்தை ஏற்படுத்துவார்.குழந்தைகளை கைவினைப் பொருட்கள் செய்ய ஊக்குவித்து அதை பதிவிடவும் செய்வார்.

மொத்தத்தில் பல்சுவைக்கு "காணாமல் போன கனவுகள்" ஒரு நல்ல வலைப்பூ.

சினிமா விமர்சனங்களாகட்டும் இல்லை வேறு எந்த தலைப்பை எடுத்துக்கொண்டாலும் மிக ஆழ்ந்த கருத்துக்களுடன் பதிவிடுவது ஹாரியின் தனிச்சிறப்பு. இந்த பதிவரும் நானும் கிட்டத்தட்ட ஒத்த கருத்துடையவர்கள் என்பதை அவரது பதிவுகளில் இருந்து நான் தெரிந்துகொண்டேன். பதிவுகளின் ஊடே ஓடும் மெல்லிய நகைச்சுவை இவரது தனித்தன்மை.

உள்ளூரு சினிமா உலக சினிமா என்று நக்கலடிக்கும் பதிவு இது. எனது அபிமான எழுத்தாளர் சுஜாதா பற்றிய  அவருடைய இடுகை. ஹாரியின் நகைச்சுவை நடைக்கு தம்புடியும் நல்லாவும்.

புக்கு  சேலு அவரது ஊரில் நடக்கும் பொழுது எப்படி இருக்கும் என்ற பதிவு.

சினிமா விமர்சனத்திற்கு ஹாரியின் பொம்மை படம் பம்பர் ஹிட் ஆன கதை. 2012ல் தமிழ் பட கதாநாயகிகள் என்று விரிவான அலசல் படங்களுடன். 2012ல் டாப் 20 ப்ளாகர்ஸ்.

லவ் லெட்டரு எழுத ஆசைப்பட்டேன் நகைச்சுவை பதிவு ஹாரியின் ட்ரேட் மார்க்.

தொழில்நுட்ப பதிவர்களில் வந்தேமாதரம் சசிகுமாரை அறியாதவர்கள் இருக்க முடியாது. இவருடைய தளத்தை என்னுடைய வலைப்பூவில் சூப்பர் ஸ்டார் பதிவர்கள் என்ற தொடரில் அறிமுகப்படுத்தி உள்ளேன், அவரை மீண்டும் அறிமுகம் செய்வதில்  பெருமையடைகிறேன். ஆரம்ப காலத்தில் எனது வலைப்பூவை வடிவமைப்பதில் இவரது தளத்தின் பங்கு அளப்பரியது. இப்பொழுதும் வலைதளத்தில் பிரச்சினை என்றால் இவரது தளத்தை அணுகினால் பிரச்சினைக்கு தீர்வு எளிதாக கிடைக்கும்.

ப்ளாகரில் கஸ்டம் URL வசதி  அனைவருக்கும் உபயோககரமான பதிவு.

ப்ளாகரில் இனி புதிய போட்டோ அல்லது விடியோக்களை வெப்கேம் மூலமாக இணைக்கலாம் மற்றுமொரு தொழில்நுட்பம்.

இன்னும் சில மலர்களை அடுத்த பதிவில் தொடுக்கிறேன்.

அதுவரை
என்றென்றும் அன்புடன்
கும்மாச்சி