புத்தக அறிமுகங்கள்

வலைச்சர வாசகர்களுக்கு அன்பு வணக்கங்கள்!

எங்கள் வீட்டில் தோட்டமும் நூலகமும் அமைக்க வேண்டும் என்பது எங்கள் வருங்கால கனவு. நூலகம் அமைக்க ஒன்று இரண்டாக நூல்களைச் சேர்க்க ஆரம்பித்து இருக்கிறோம். நூல்களை வாங்கும் முன்பு யாராவது படித்தவர்கள் அந்த நூலைப் பற்றி எழுதியிருக்கிறார்களா என்று பார்ப்பது எங்கள் வழக்கம். படித்த புத்தகங்களைப் பற்றி பகிர்ந்து கொள்ளும் சில தளங்கள் உங்கள் பார்வைக்கு :

தளத்தின் பெயரே புத்தகம் தான். கிமு.கிபி, வெயில் மற்றும் மழை, பதேர் பாஞ்சாலி - நிதர்சனத்தின் பதிவுகள், நடந்து செல்லும் நீரூற்று, அடியாள், தூங்காமல் தூங்கி போன்ற கட்டுரைகள் நூல்களை வாங்க வேண்டும் என்ற ஆர்வத்தைத் தூண்டுகின்றன.

புத்தக விமர்சங்கள் என்ற தளத்தில் சரியாக முடிவெடுக்க, வேலை விதிகள், மெட்ராஸ்‍-சென்னை, என் ஜன்னலுக்கு வெளியே, ராமகியன் போன்ற புத்தக விமர்சனக் கட்டுரைகள் என்னை மிகவும் கவர்ந்தன. இரண்டு வருடங்களாக தளம் புதுப்பிக்கப் படவில்லை. தொடர்ந்து எழுத வேண்டும் என்பது எங்கள் விருப்பம்.

புத்தக அலமாரி எனும் தளத்தை கேவசமணி எழுதி வருகிறார். அவரின் தளத்தில் புத்தக விமர்சனங்கள் மட்டுமில்லாது சில சிறுகதைகளும் வாசிக்கக் கிடைக்கின்றன. நிமித்தம், யாமம், அப்பாவின் துப்பாக்கி, எட்டுத் திக்கும் மதயானை, ஒரு புளியமரத்தின் கதை போன்றவற்றை படித்துப் பாருங்கள். அவர் தளத்தை வாசித்தவுடன்  உங்கள் வாங்க வேண்டிய புத்தக லிஸ்ட்  கண்டிப்பாக மாறும்.

தமிழ் பேப்பர் எனும் இணைய இதழில்  வெளியாகியுள்ள வேல ராம்மூர்த்தி கதைகள், சுஜாதாவின் ஸ்ரீரங்கத்து தேவதைகள், சரஸ்வதி: ஒரு நதியின் மறைவு, காவல் கோட்டம், துருவ நட்சத்திரம் பற்றிய கட்டுரைகள் அந்தப் புத்தகங்களுக்கான‌ நல்ல அறிமுகம்.

ஆம்னிபஸ் தளம் சில வருடங்களாக நாங்கள் வாசித்து வரும் தளம்.  எழுத்தாளர் பெயரில் க்ளிக் செய்தால் அவர்களின் புத்தக விமர்சனம் வருவது போல் வடிவமைப்பு உள்ள அவர்கள் மெனு எனக்கு மிகவும் பிடிக்கும். சிறுவர்கள் கதை மேல் ஆர்வமுள்ள எனக்கு அவர்களின் தேக்கடி ராஜாவைப் பற்றிய அறிமுகம் கவர்ந்தது எனச் சொல்லத் தேவையில்லை. கண் பேசும் வார்த்தைகள், அம்மா வந்தாள், பாரதியார் சரித்திரம் போன்ற புத்தகங்களை படிக்க வேண்டும் என்ற ஆர்வத்தைத் தூண்டியது அவர்கள் அறிமுகங்கள் தான். யாமம் பற்றி இன்னொரு கட்டுரை. ஒரே புத்தகத்திற்கு இரு வேறு கருத்துளைப் படித்துப் பார்க்கும் வாய்ப்பு நமக்கு.  நாம் முன்பே படித்திருக்கும் புத்தகத்திற்கு என்ன மாதிரி அறிமுகம் கிடைத்திருக்கிறது என்று ஆர்வம் பொங்க தியாக பூமி படித்தேன்.

கடந்த ஜனவரியில் ஆரம்பித்த வாசகர் தளத்தில்,  கர்ணனின் கவசம், குற்றப்பரம்பரை - பேரன்பும் பெருங்கோபமும், கோபல்ல கிராமம்- இனிமையான மனிதர்களின் இருப்பிடம், சுபாவின் விறு விறு த்ரில்லர்கள், ராஜீவ்காந்தி சாலை - விநாயக முருகனுக்கு ஒரு வாசகனின் கடிதம், தூப்புக்காரி என்று பலவித வடிவங்களில் நூல் அறிமுகங்கள் இருக்கின்றன. 

என்ன நண்பர்களே, அறிமுகமான இடுகைகள் உங்களுக்குப் பிடித்திருக்கிறதா? நாளை மீண்டும் சந்திப்போம்.