உன்னையறிந்தால்..

உன்னையறிந்தால் நீ உன்னையறிந்தால்

உலகத்தில் போராடலாம்
உயர்ந்தாலும் தாழ்ந்தாலும் தலை வணங்காமல் நீ வாழலாம்.. என்பார் கவிஞர் கண்ணதாசன் அவர்கள்.

தன்னையுணர்தல் என்பது எல்லோராலும் இயலாத ஒன்று.

நல்ல நூல்,

நல்ல குரு,

நல்ல நண்பன்,

நல்ல வழிகாட்டி,

இந்த வரிசையில் நல்ல சிந்தனையும் நம்மை நமக்கு உணர்த்தும்.

தம் எழுத்துக்களின் வழியாக நம்மை நமக்கு உணர்த்தி நம்மனதில் நம்பிக்கை விதைகளை விதைத்துச் செல்லும் பதிவர்களை இன்று காணவிருக்கிறோம்..

51. அன்பு நண்பர் திண்டுக்கல் தனபாலன் அவர்கள் பள்ளிக்குழந்தைகளின் படைப்பாக்கத் திறனை முயற்சி+ பயிற்சி=வெற்றி என்று பதிவாக்கம் செய்துள்ளார். ஒவ்வொரு படைப்பும் சிந்திக்கவைப்பதாக உள்ளது.

52. அ.முத்துக்குமார் அவர்களின் நம் திறமையை வளர்ப்பது எப்படி? என்ற பதிவு வெற்றிக்கான வழிகாட்டும் நெறிமுறைகளாக அமைகிறது.

53. நாவலன் தீவு என்ற வலைப்பதிவில் இடம்பெற்ற மனதில் உறுதிவேண்டும் என்ற பதிவு கதைவழியே மனதில் உறுதியை ஏற்படுத்துகிறது.

54. நண்பர் செந்தில்குமார் அவர்களின் சுயமுன்னேற்றம் என்ற வலைப்பதிவில் இடம்பெற்ற நம்பிக்கை மேற்கோள்கள் பயனுள்ள தொகுப்பாக உள்ளன.

55. மழைக்காகிதம் என்ற வலைப்பதிவில் இடம்பெற்றுள்ள உன்னால் முடியும் என்ற பதிவு நம்மாலும் முடியும் என நம்மை நம்பவைக்கிறது.

56. நண்பர் சி.கிருஷ்ணன் அவர்கள் தம் வலைப்பதிவில் உங்கள் குறிக்கோளில் வெற்றியடைவது எப்படி என்று தியானம் வழியே தீர்வுசொல்கிறார்.

57. வாழ்க்கை விளக்கம் என்ற வலைப்பதிவில் இடம்பெற்ற தன்னையறிதல் என்ற பதிவானது உணர்வுகளின் வழியே எவ்வாறு தன்னையறிவது என்பதை உணர்த்திச்செல்கிறது.

58. நண்பர் செந்தில்குமார் அவர்களின் தன்னையறிதல் என்ற பதிவானது மனதின் மகத்துவத்தை அழகுபட எடுத்துரைக்கிறது.

59. வாழ்வில் அமைதி கிடைக்க தன்னையறிதலே முதல் படி என்பதைக் கலையரசியின் கவிதை பகர்கிறது.

60. மனம் என்ற வலைப்பதிவில் இடம்பெற்றுள்ள நினைப்பதெல்லாம் நடந்துவிடும் என்ற தொடர் நம்மை நமக்குள் தேடவைப்பதாக அமைகிறது.