முதுமை என்பதொரு வரம்!

அன்பான தமிழ் உறவுகளே வணக்கம்.

வலைச்சரம் வழியாக உங்களை மீண்டும் சந்திப்பதில் பெருமகிழ்ச்சி அடைகிறேன். இந்த நல்ல வாய்ப்பை வழங்கிய மதிப்புக்குரிய சீனா ஐயா அவர்களுக்கும், அன்புக்குரிய நண்பர் தமிழ்வாசி பிரகாசு அவர்களுக்கும் என் மனம் நிறைந்த நன்றிகளை முதலில் தெரிவித்துக்கொள்கிறேன்.

வேர்களைத்தேடி என்ற வலைப்பதிவு வழியாக கடந்த 7 ஆண்டுகளாக எழுதி வருகிறேன். தொடர்ந்து நான் எழுதும் ஆற்றலை எனக்கு நல்கியது பல்வேறு நாடுகளிலும் தமிழ் உறவுகளே.. மறுமொழி வாயிலாக ஊக்கமளித்து வரும் அன்புள்ளங்களுக்கு நன்றிகலந்த வணக்கத்தை உரித்தாக்கிக்கொள்கிறேன்.

தமிழின் சிறப்பு அதன் தொன்மையில் மட்டும் இல்லை அதன் தொடர்ச்சியில் உண்டு என்று பெருமிதம் கொள்வதுண்டு. அதுபோல ஒரு வலைப்பதிவின் சிறப்பு அதன் தொன்மையில் மட்டும் இல்லை அதன் தொடர்ச்சியிலும் உண்டு.

நாளொரு தொழில்நுட்பங்கள் வந்து மக்களை தன்வயப்படுத்திக்கொள்ளும் இக்காலகட்டத்தில் வலைப்பதிவை தொடர்ந்து நடத்துவது என்பதே ஒரு பெரிய இலக்காகும். அதிலும் பயனுள்ள சிந்தனைகளுடன் அவ்வலைப்பதிவை நடத்துவதும் எழுதிய செய்திகளை நிறைய பார்வையாளர்களிடம் கொண்டு சேர்ப்பதும் அனுபவமிக்கவர்களாக இருந்தால் மட்டுமே முடியும். இந்த வலைச்சரம் புதிய பதிவர்களை அறிமுகம் செய்வதுடன். மூத்த பதிவர்களின் அனுபவங்களையும் பகிர்ந்துகொள்ளும் வாய்ப்பளிக்கிறது. அதனால் புதிய பதிவர்களுக்கு அடிப்படைத்தேவையான அனுபவமும், வழிமுறைகளும் கிடைக்கின்றன.

இன்றைய பதிவர் அறிமுகத்தில் நாம் முதுமை என்பது ஒரு வரம் என முதுமையைக் கொண்டாடும் பதிவர்களைக் கொண்டாட இருக்கிறோம்.

“வயதாகிறதே என வருத்தப்படாதீர்கள்

அந்த வாய்ப்பு எல்லோருக்கும் கிடைப்பதில்லை“

“இளமை செலவு செய்ததையெல்லாம்

முதுமை எண்ணி எண்ணிக் கணக்குப் பாரக்கிறது.”

என முதுமையைச் சொல்வதுண்டு..

முதுமை வரமா? சாபமா?

வாழ்க்கை எவ்வளவு தூரம்…?

கருவறையிலிருந்து இறங்கி கல்லறை செல்லும் தூரம் தான்..!

இந்த வாழ்க்கை ஆற்றுநீர்போன்றது சில நொடிகளுக்கு முன் இருந்த நீர் 

அடுத்த நொடி அங்கு நில்லாது ஓடும் அது போல இளமை நிலையில்லாதது.

இளமைக்காலத்தில் யாருடைய அறிவுரையையும் கேட்பதில்லை மனது.

இளமைக்காலத்தில் செய்வதெல்லாம் சரியென்றே சொல்லும் மனது எதற்கும் அஞ்சுவதில்லை.

வயது முதிர்ந்தபோது இளமைக்கால நிகழ்வுகளெல்லாம் வந்து வந்து வந்து போகும்.

மாடு அசைபோடுவது போல இங்கு ஒரு முதியவர் தன் இளமைக்கால அனுபவங்களை அசைபோட்டுப்பார்க்கிறார்.

தொடித்தலை விழுத்தண்டினார். 

1.  முதுமையின் இரகசியங்களை எடுத்துரைக்கிறார் இரஞ்சனி நாரயணன் அவர்கள்.  

     2.   முதுமை வரவேண்டும் முதிர்ந்துபோன வாழ்க்கையை நினைத்துப்பார்க்க என்கிறார் அசரப் அலி..

3. முதுமை என்பதொரு குழந்தைப் பருவம் என்பதை அழகுபட உணர்த்தியுள்ளார் அதிரை முகமது.

4. முதுமைஅவர்களுக்கல்ல என்கிறார் சு.பொ.அகத்தியலிங்கம் அவர்கள்.

5. முதுமை ஒரு சுமையா? என்று கேட்கிறார் மனநல மருத்துவர் பாலசுப்ரமணியம் அவர்கள்.

6.  முதுமை வந்தால் மூளை மந்தமாகுமா? என்று அறிவியல் விளக்கம் தருகிறார் நண்பர் வே.நடனசாபபதி அவர்கள்.

7. முதுமையெனச் சோர்ந்து விடாதீர்கள் தாத்தா பாட்டிகளே

என்கிறார் டாக்டர் எம்.கே.முருகானந்தம் அவர்கள்.

8. கோகிலா மகேந்திரன் அவர்கள் முதுமையின் சவால்களை அழகாக  பகர்கிறார்.

9. ஜிஎம் பாலசுப்ரமணியம் அவர்களின் முதுமையின் பரிசு நம்மை சிந்திக்கவைக்கிறது.

10.  முதுமை வந்தால் எனக்கென்ன என்கிறார் நண்பர் பட்டாபிராமன்.                                     

அன்பான தமிழ் உறவுகளே முதுமையைக் கொண்டாடும் இந்தப் பதிவர்களைக் கொண்டாடுவது நம் கடமையல்லவா..

வாருங்கள் இவர்களை ஊக்குவிப்போம்..