சாப்பிடலாம் வாங்க

மனுஷன் ஓடி ஆடி வியர்வை சிந்தி உழைக்கறதெல்லாம் எதுக்காக இந்த அரை சான் வயித்துக்குதானேன்னு என் மாமா சொல்லுவாரு. பழைய சாதம் பச்சை வெங்காயமா இருந்தாலும் சரி பப்பரப்பா என பரப்பி வைத்திருக்கும் பஃபேவாக இருந்தாலும் சரி உணவை ரசித்து உண்பது எனக்குப் பிடிக்கும். இன்று உணவகங்களை அறிமுகப்படுத்தும் பதிவுகள் சிலவற்றையும், ருசியான, அதே சமயம் சிம்பிளான உணவுக்குறிப்புகள் தரும் பதிவுகள் சிலவற்றையும் பார்ப்போம்.

தலைநகரத்தில் வசிக்கும் விக்னேஷ்வரி எப்போவாவது சில உணவகங்களைப் பற்றி பதிவிடுகிறார். சைனீஸ் உணவகத்தைப் பற்றி பஞ்சாபியின் கவரேஜ்.

சென்னையிலிருக்கும் மெஸ்கள், குறிப்பிட்ட ஏரியாவாசிகளுக்கும் மட்டுமே பரிச்சயமான பல நல்ல ஹோட்டல்களை அறிமுகப்படுத்துகிறார் கேபிள் சங்கர். சாம்பிளுக்கு சைதாப்பேட்டை வடைகறியை சுவையுங்கள்.

எங்கே போனால் என்ன சாப்பிடலாம் என்று ஒரு டேட்டாபேஸ் வைத்திருக்கிறார் சரவணக்குமரன். இந்தப் பதிவில் இந்தியாவில் எந்தெந்த மாநிலங்களில் என்னென்ன ஸ்பெஷல் என்ற தகவலிருக்கிறது.

எங்க வீட்டு சமையல் என்ற பெயரில் சமையல் குறிப்புகளையும் கொடுக்கிறார் கவிதா. இந்த நீர் உருண்டையும் எண்ணைய் கத்திரிக்காய் குழம்பு பார்க்கும்போதே டக்கராக இருக்கிறது.

நோயற்ற வாழ்வே குறையற்ற செல்வம் என்று விளக்கும் சங்கரி மேடத்தின் காளான் சாப்ஸ். முயற்சித்து பார்த்தேன். நன்றாக வந்திருந்தது.

இவர்களோடு என் பங்கிற்கு சென்னையில் நான் ரசித்த உணவகங்களைப் பற்றி என் தளத்தில் பகிர்ந்துகொள்கிறேன்.

அதோடு கையேந்திபவன்கள் பற்றிய ஒரு ஆராய்ச்சிக் கட்டுரை இங்கே.