ஹோட்டல் எமவிலாஸ் - சைவம்

அன்பார்ந்த வலையுலக நண்பர்களுக்கும், வலைச்சர வாசகர்களுக்கும் வணக்கம்

இன்று முட்டை இல்லா வெஜ் ஆம்லெட் செய்வது எப்படின்னு சொல்லி  தரப்போறேன்

தேவையான பொருட்கள்

1. சோளமாவு - 2 தேக்கரண்டி
2. அரிசிமாவு - 2 தேக்கரண்டி
3. வெங்காயம் - 1 பெரியது பொடியாக நறுக்கி கொள்ளவும்
4. தூள் பெருங்காயம் - தேவையான அளவு
5. உப்பு - தேவையான அளவு
6. பச்சை மிளகாய் - 2 நீளமானது பொடியாக நறுக்கி கொள்ளுங்கள் (மூலம் இருப்பவர்கள் தவிர்ப்பது நல்லது அல்லது மிளகு தூள் சேர்த்துக்கொள்ளுங்கள்)

செய்முறை

சோளமாவு, அரிசிமாவு இரண்டையும் தேவையான அளவு தண்ணீர் ஊற்றி கெட்டியாக இல்லாமலும் ரொம்ப தண்ணீராக இல்லாமல் கரைத்துக்கொள்ளுங்கள்.

இந்த சோளமாவு கரைசலில் வெட்டி வைத்துள்ள வெங்காயம், பச்சை மிளகாய் பெருங்காயம், உப்பு எல்லாவற்றையும் சேர்த்து நன்றாக கலக்கிக்கொள்ளுங்கள்.

தோசை கல்லை அடுப்பில் வைக்கவும், நன்கு சூடேறிய பிறகு சிறிது எண்ணை ஊற்றி தோசை கல் முழுவதும் தேய்த்துக்கொளுங்கள். ஒரு கரண்டியில் கரைத்த மாவை எடுத்து ஆம்லெட் சைஸ்க்கு ஊற்றுங்கள்,

நன்கு சிவந்து வந்ததும் திருப்பி போடுங்கள். சூடாய் பரிமாறுங்கள்

டிஸ்கி 1 : சமைத்து மட்டும் பாருங்கள், சாப்பிடுவதற்க்கு நான் கியாரண்டி இல்லை.

டிஸ்கி 2 : மேலே வைத்த தலைப்புக்கும் கீழே சொல்லப்பட்டுள்ள பதிவர்களுக்கும் எந்த சமந்தமும் இல்லை, சும்மா தமாசுக்கு தலைப்பு அப்பிடி. யாரேனும் தவறாக இருக்கிறது என்று நினைத்தால் மன்னியுங்கள்.

இனி வலை உலகில் எனக்கு பிடித்த சிலர்

1. வித விதமாய் சமையல் செய்வது எப்படி என்று சொல்லிதரும் அழகான வலைப்பூ இவருடையது. பயணிக்கும் பாதை என்று தலைப்பிட்டு இஸ்லாம் / சமையல்/கைவினை/செய்திகள்/மருத்துவம்/டிப்ஸ் என்று பல சுவாரஸ்ய குறிப்புகளை தருகிறார், சமீபத்தில் இவர் பதிவிட்ட நண்டு முருங்கைக்காய் குருமா பதிவில் பல சுவாரசியமான செய்திகளையும் தருகிறார்..


2. அடுத்த சமையல் ராஜா இவர், பல உபயோகமான குறிப்புகளும் தருகிறார். இந்த பதிவு ஒரு சாம்பிள் இவர் எப்பிடி அல்வா கிண்டுறார்ன்னு தெரிஞ்சுக்க


3. அடுத்து பார்க்கபோறதும் சமையல் சொல்லி தர்றவங்க தான், காரட் ஃப்ரை எப்பிடி பண்ணியிருக்காங்க பாருங்க. கொஞ்சம் கஷ்டம் என்ன தெரியுமா, எல்லாம் இங்கிலீஷ்-ல இருக்கு அப்புறம் ஆந்திரா ஸ்டைல் மாதிரி தெரியுது

அன்புடன்
ஜ.ரா.ரமேஷ் பாபு