ஆசியா உமர் ஆசிரியப் பொறுப்பினை ராம்குமாரிடம் இருந்து பெறுகிறார்.

அன்பின் சக பதிவர்களே !

இன்றுடன் முடியும் வாரத்திற்கு ஆசிரியப் பொறுப்பேற்ற - சிவகாசியில் வசிக்கும் நண்பர் ராம்குமார் - தான் ஏற்ற பொறுப்பினை கடும் பணிச்சுமையின் இடையேயும் மிகுந்த கவனத்துடனும் ஈடுபாட்டுடனும் நிறைவேற்றி மன நிறைவுடன் நம்மிடமிருந்து விடை பெறுகிறார். 

இவர் எழுதிய பதிவுகள்              : 06
அறிமுகப் படுத்திய பதிவர்கள் : 16
அறிமுகப்படுத்திய பதிவுகள்     : 71
பெற்ற மறுமொழிகள்                   : 95

நண்பர் ராம்குமாரினை வாழ்த்தி வழிஅனுப்புவதில் பெருமகிழ்ச்சி அடைகிறோம்.

நாளை துவங்கும் வாரத்திற்கு ஆசிரியப் பொறுப்பேற்க ஆர்வத்துடன் வருகிறார் ஆசியா உமர்.  இவர் 13.02.2010ல் வலைப்பதிவு துவங்கி இன்று வரை 500 பதிவுகள் எழுதி இருக்கிறார். 

வேளாண் துறையில் பட்டம் பெற்ற இவர் மகிழ்ச்சியான குடும்பத் தலைவி, சொந்த ஊர் திருநெல்வேலி, தற்சமயம் வசிப்பது அல்-ஐன், ஐக்கிய அரபு அமீரகம்,பொழுது போக்காக வலைப்பூ தொடங்கி பலருக்கும் பயனாகும் வகையில் சமையல் குறிப்புக்கள்,மற்றபடி கதை,கவிதை,அனுபவம், பலசுவையான விஷயங்களையும் பகிர்ந்து வருகிறார். 

ஆசியா உமரை வருக ! வருக ! என வரவேற்று ஆசிரியப் பொறுப்பில் அமர்த்துவதில் பெருமை அடைகிறோம்.

நல்வாழ்த்துகள் ராம்குமார்

நல்வாழ்த்துகள் ஆசியா உமர்

நட்புடன் சீனா