செல்விருந்தோம்பி வருவிருந்து காத்திருத்தல்

அன்பின் சக பதிவர்களே 

இன்றுடன் முடியும் வாரத்திற்கு ஆசிரியப் பொறுப்பேற்ற சகோதரி அம்பாளடியாள் தான் ஏற்ற பொறுப்பினை சரிவர நிறைவேற்றி மன நிறைவுடன் நம்மிடமிருந்து விடை பெறுகிறார்.

இவர் எழுதிய பதிவுகள்                                            : 0008
அறிமுகப் படுத்திய பதிவர்கள்                             : 0073
அறிமுகப் படுத்திய பதிவுகள்                                : 0087
பெற்ற மறுமொழிகள்                                                 : 0331
இவரது பதிவுகளைப் பார்வை இட்டவர்கள்  : 1215

இவர் முத்துகளின் அணிவகுப்பு என்ற பொதுத் தலைப்பில் பல்சுவை விருந்து, சமையல் கலை, புதுக் கவிதை என்ற உப தலைப்புகளில் பதிவுகள் எழுதி உள்ளார். 

அறிமுகப் படுத்துவதிலும் புதுமையாக,  கவிஞர்களை அறிமுகப்படுத்தும் போது கவிதையினால்  அறிமுகப் படுத்தி இருக்கிறார்.  பல்சுவை விருந்தில் ஆண்களைத்  தனியாகவும் பெண்களைத் தனியாகவும் வெவ்வேறு பதிவுகளில் அறிமுகப் படுத்தி இருக்கிறார்.

சகோதரி அம்பாளடியாளை வாழ்த்தி வழி அனுப்புவதில் வலைச்சரக் குழுவினர் பெரு மகிழ்ச்சி அடைகின்றோம்.

நாளை துவங்கும் வாரத்திற்கு வலைச்சர ஆசிரியராகப் பொறுப்பேற்க அன்புடனும் ஆர்வத்துடனும் இசைந்துள்ளார் காயத்ரி வைத்ய நாதன்.  இவர் டில்லியில் வசிக்கிறார். தமிழ்க் குடில் என்னும் அறக் கட்டளையில் அறங்காவலராக இருக்கிறார்.  தூரிகைச் சிதறல் என்னும் தளத்தினில் இரண்டு ஆண்டுகளாக எழுதி வருகிறார். 

இவர் கவிதை,  சிதறல்கள், கட்டுரை, கதை, உரையாடல் என்றூ  பல்வேறு தலைப்புக்ளில்  213 பதிவுகள் எழுதி இருக்கிறார்.  சூரிய கதிர் என்கிற இதழில் சிறுகதைகள் எழுதி வருகிறார். 

காயத்ரி வைத்ய நாதனை வருக வருக ! அறிமுகங்களை அள்ளித் தருக !என வரவேற்று வாழ்த்துவதில் வலைச்சரக் குழுவினர் பெருமை அடைகிறோம். 

நல்வாழ்த்துகள் அம்பாளடியாள்

நல்வாழ்த்துகள் காயத்ரி வைத்ய நாதன் 

நட்புடன் சீனா