பதிவுலக கவிஞர்கள் – பாகம் 2

(கவிஞர்கள் அறிமுகம் – 02)

வணக்கம் மக்களே...

நேற்றைய தொடர்ச்சியாக இன்றும் சில கவி பாடும் பதிவர்களை காண்போம்.

1. தேஜூ உஜ்ஜைன் http://tejuujjain.blogspot.com/

ட்விட்டரில் நண்பர் ஒருவர் மூலமாக இவரது தளத்திற்கு அறிமுகம் கிடைத்தது. காதல் கவிதைகள் எழுதுவதில் ஸ்பெஷலிஸ்ட். காதல் தேவதை என்னும் இடுகையில் தனது காதலியைப் பற்றி சிலாகித்திருக்கிறார் பாருங்கள். ஃபீனிக்ஸ் ஜாதி என்னும் கவிதையில் காதல் ஒரு பீனிக்ஸ் பறவையைப் போன்றது என்று கூறுகிறார். ஆனால் மற்றொரு கவிதையில் காதல் ஒரு குறைப் பிரசவக்குழந்தை என்று குறிப்பிடுகிறார்.

2. கவிதை பூக்கள் http://nankirukkiyavai.blogspot.com/

ஆறு வலைப்பூ வைத்திருப்பவர் என்றெண்ணும்போது ஆச்சர்யமாக இருக்கிறது. அவற்றில் கவிதைக்காக அர்ப்பணிக்கப்பட்டது இந்த வலைப்பூ. இவரும் முன்னவரைப் போல தன் கனவு நாயகி குறித்து ஒரு கவிதை வடித்திருக்கிறார். சிகரெட், விலைமாதர் போன்றவற்றைப் பற்றி இவர் என்ன சொல்கிறார் என்று கேளுங்கள். மேலும் ஒரு வரிக்கவிதைகள் என்ற தலைப்பின் கீழ் எழுதியிருக்கும் புதுக்கவிதைகள் கலக்கல்.

3. படத்துடன் கவிதைகள் http://vithu9.blogspot.com/

இவருக்கு அறிமுகம் தேவையில்லை. றோஜாக்கள், தகவல் தொழில்நுட்ப செய்திகள் ஆகிய வலைப்பூக்களின் உரிமையாளர் தோழி பிரஷாவின் மற்றொரு வலைப்பூ இது. படங்களுடன் கூடிய கவிதைகள் இந்த வலைப்பூவின் ஸ்பெஷாலிடி. நட்பின் பெருமையையும், ஒருதலைக்காதலின் மகத்துவத்தையும் கவிதையாய் சொல்லியிருக்கிறார் பாருங்கள். மேலும், மறுமணம் பற்றிய தனது எண்ணத்தை மூன்றே வரிகளில் நச்சென்று சொல்லியிருக்கிறார்.

4. பறத்தல் - பறத்தல் நிமித்தம் http://nilaamagal.blogspot.com/

இவரும் ஒரு பெண் கவிஞர். கவிதைகள் மட்டுமல்லாமல் சிறுகதைகள் கூட எழுதுகிறார். பருவம் தப்பிய மழை என்ற விவசாயிகள் குறித்த கவிதை நெகிழ்ச்சி. குறுங்கவிதைகள் என்ற பெயரில் எழுதியிருக்கும் ஹைக்கூ கவிதைகள் ரசிக்க வைக்கின்றன. கடவுளும் காருன்யமும் என்ற கவிதையில் மிகவும் சீரியஸாக ஒரு மேட்டர் சொல்லியிருக்கிறார். அது என்னவென்று பாருங்களேன்.

5. பென்சில் http://asuda5.blogspot.com/

பெரும்பாலும் காதல் கவிதைகள். அவ்வப்போது சிறுகதைகளும் எழுதுகிறார். இவர் எழுதிய காதல் கவிதைகளில் மழையனப் பெய்தாய் நீ…! என்னும் கவிதையை நான் அதிகம் ரசித்த கவிதை என்று சொல்லுவேன். விசித்திரி என்னும் இடுகையில் தலைப்பிற்கேற்றார்போல வித்தியாசமாக ஒரு மரபுக்கவிதை எழுதியிருக்கிறார். மீன் தொட்டி – மூன்று கவிதைகள் என்ற இடுகையும் ரசிக்க வைக்கின்றன.

6. மௌனத்தின் மறுபக்கம்... http://other-side-of-silence.blogspot.com/

இவர் பதிவுலகிற்கு புதியவர் இல்லை. கிட்டத்தட்ட நான்காண்டுகளாக கவிபாடி வருகிறார். ஆனால் நிறைய பேருக்கு பரிட்சயமில்லாதவர். இவர் தோழிக்காக எழுதிய கவிதை பிரமாதப்படுத்துகிறது. மேலும் தனக்கு கடவுளை பிடிக்க என்ன காரணம் என்னவென்று இங்கே கொஞ்சம் சீரியஸாக விவரித்திருக்கிறார். ஐம்புலம் சிலிர்க்கும் ஐந்தடி உயர அழகிய கவிதை... எனும் இடுகையில் உலகிலேயே சிறிய கவிதையை எழுதி சிலிர்க்க வைக்கிறார்.

7. வளவன் http://thisaikalyettum.blogspot.com/

இயற்கை, காதல், சமூகம் என்று வகை வகையாக கவிதைகள் வடிக்கிறார். இவரது கவிதைகளுக்கு இணையாக அதற்கேற்ப இணைக்கும் படங்களும் ரசிக்க வைக்கின்றன. புத்தக வழி உறக்கம் என்னும் கவிதை தலைப்பைப் போலவே இதமாக இருக்கிறது. தேவதை என்னும் கவிதையில் தோழியைப் பற்றியும் கறிகடையின் விளிம்பில் என்னும் கவிதையில் கோழியைப் பற்றியும் எழுதியிருக்கிறார் பாருங்கள்.

8. கவிக்களம் http://kavikklam.blogspot.com/

பதிவுலகிற்கு மிகவும் புதியவர் என்று சொல்லலாம். இன்னும் ஒருமாதம் கூட முழுமையாக நிறைவடையவில்லை. இவர் எழுதியுள்ள கவிதைகளில் காதல் வியாபாரம் என்னுடைய பேவரிட். நட்பு என்னும் சொல்லுக்கு நான்கே வரிகளில் விளக்கம் கொடுத்திருக்கிறார் பாருங்கள். யாரை இவர் சர்வாதிகாரி என்று சொல்கிறார் தெரிந்துக்கொள்ள இந்தக் கவிதையை படியுங்கள்.

9. தாடகை பெருநிலத்தான் http://jegadeeswara.blogspot.com/

அனல் பறக்கும் சமூக அக்கறை கொண்ட கவிதைகளுக்கு சொந்தக்காரர். மீனவர்களுக்காக பிரிவுகள் வாழ்வை பலப்படுத்தட்டும்...!! என்ற இந்தக்கவிதையை தொடுத்திருக்கிறார் பாருங்கள். அதுமட்டுமில்லாமல் வளைகுடா நாடுகளில் வாடும் கடைநிலை தமிழர்களுக்காக...!! ஒரு கவிதை எழுதியிருக்கிறார், அமீரக பதிவர்கள் ஒவ்வொருவரும் படித்தே தீரவேண்டிய இடுகை இது. கவிதைகள் மட்டுமல்லாமல் கட்டுரைகளும் எழுதியிருக்கிறார். அவற்றுள் குறிப்பிடத்தக்கது நவீன சேகுவேரா விக்கி லீக்ஸ்...!

10. முத்து http://muthtu.blogspot.com/

இவரும் இந்த மாதமே பதிவுலகிற்கு வந்திருக்கிறார். ஆனாலும் வந்த வேகத்தில் 37 கவிதைகள் எழுதி அசர வைக்கிறார். தமிழா! கடந்து வந்த பாதையை திரும்பிப் பாரடா என்னும் கவிதையில் நமக்கு என்ன அட்வைஸ் சொல்கிறார் என்று கேளுங்களேன். மேலும் அன்னையர் தினம் பற்றி நெகிழ வைக்கும் கவிதையொன்றை வடித்திருக்கிறார். சுற்றுப்புறச்சூழல் மாசு பற்றிய விழிப்புணர்வு கவிதையும் வியக்க வைக்கிறது.

போனஸ்: http://tamilgana.blogspot.com/

நேற்றைய போனஸ் பகுதியில் பார்த்த அதே பதிவரின் மற்றுமொரு வலைப்பூ. தமிழில் கானா பாடல்களுக்காக அர்பணிக்கப்பட்ட ஒரு வலைப்பூ. மத்தியான வெயிலு இங்க மண்டையத்தான் பொளக்குது...! என்று தான் வாழவந்த ஊரான சென்னையைப் பற்றி கானா பாடுகிறார். காதலர் தின சிறப்பு கானாவாக வேலம்மா கூட நானு வேலண்டைன் டே கொண்டாடினேன்...! என்னும் இடுகையை எழுதியிருக்கிறார். இவரும் அமீரக பதிவர்கள் கட்டாயம் படிக்க வேண்டிய வகையில் துபாய் போன மச்சான் பேரு கபாலி...! என்றொரு கானா பாடல் எழுதியிருக்கிறார்.

கவிஞர்கள் அறிமுகம் இந்த இடுகையோடு நிறைவடைகிறது. சீனியர் பதிவர்கள் என்பதாலும் நமது நண்பர்கள்தானே என்பதாலும் சிலரை தெரிந்தே தவறவிட்டேன். அவர்கள் மன்னித்தருள வேண்டுகிறேன்.

என்றும் அன்புடன்,

N.R.PRABHAKARAN