மழலைப்பேச்சு முதல் குட்டிப்பையன் வரை

(அறிமுகங்கள் 03)

வணக்கம் மக்களே...

இன்றைக்கும் இரண்டாவது இடுகையை வெளியிடுவதில் பெருமகிழ்ச்சி அடைகிறேன். வழமை போல இன்று மாலையும் பத்து முத்தான பதிவர்களுடன் வருகை தந்திருக்கிறேன்.

1. மழலைபேச்சு: http://malalaipechu.blogspot.com/

உண்மையிலேயே இவர் ஒரு பதிவுலக மழலைதான். ஒருமாதம் கூட நிறைவடையவில்லை. இதுவரை ஆறு இடுகைகள் மட்டுமே எழுதியிருக்கிறார். என்னதான் மழலையாக இருந்தாலும் பெண்களின் மனது பற்றி தெளிவாக ஆராய்ந்திருக்கிறார். பின்னர், பெண்கள் பற்றி வஞ்சப்புகழ்ச்சி. இந்த இரண்டு பதிவுகளையும் படித்து கோபப்படும் பெண்களை தவிப்பும் சகிப்பும் என்று கவிதை எழுதி சாந்தப்படுத்துகிறார்.

2. ரேடியோ மோகன்: http://radiomohan.blogspot.com/

கவிதை, இலக்கியம், நகைச்சுவை என்று பல்சுவையும் இந்த ரேடியோவில் ஒலிபரப்பப்படுகிறது. அவளுக்கு பேர் அடைமழை என்றோருத்தியை சிலாகித்திருக்கிறார் பாருங்கள். அப்படியே கொஞ்சம் புதுமையாக பாரதிதாசன் எழுதிய பிக்னிக் பாடல், ஒளவையாரின் காதல் கடிதம் என்று கலக்கியிருக்கிறார். இவரது இடுகைகளை விட சைடுபார் சுவாரஸ்யமாக இருக்கிறது. கருத்துக்கணிப்புகள், புலம்பல்ஸ்காந்த் என்று செம சைட் டிஷ் ரகம்.

3. வட்டங்களில் சுழலுது வாழ்க்கை: http://sibhikumar.blogspot.com/

தத்துவார்த்தமான தலைப்பை எதிர்பார்த்து உள்ளே நுழைந்தால் முற்றிலும் புதியதொரு அனுபவம் கிடைக்கிறது. இது முழுக்க முழுக்க கார்களுக்காகவும் பைக்குகளுக்காகவும் அர்பணிக்கப்பட்ட ஒரு வலைப்பூ. திரையுலக பிரபலங்கள் வைத்திருக்கும் கார்கள் பற்றி இங்கே விவரித்திருக்கிறார். மேலும் கார்களுக்காக இவரது வலைப்பூவில் விருதுகள் கூட வழங்கியிருக்கிறார். கார் என்றால் எப்படி இருக்க வேண்டும் என்ற இவரது எதிர்பார்ப்பை கொஞ்சம் பாருங்கள்.

4. வாங்க பழகலாம்: http://silviaselvan.blogspot.com/

சத்தியமங்கலம் காட்டுக்குள் இருந்துக்கொண்டு நம்மை வாங்க பழகலாம் என்று கூலாக கூப்பிடுகிறார். கண்மூடித்தனமாக யாரையும் பின்பற்றக்கூடாது என்று அறிவுரைக்கிறார். ஆபிசில் பிஸியாக இருப்பது போல் காட்டிக்கொள்வது எப்படி...? என்றும் கற்றுக்கொடுக்கிறார். இதையெல்லாம் விட முக்கியமாக எந்திரனா...? அவதாரா...?, ரஜினிகாந்தா...? அமிதாப்பா...? என்று நீயா நானா கோபிநாத் ரேஞ்சுக்கு பஞ்சாயத்து பண்ணியிருக்கிறார் பாருங்களேன்.

5. விக்கி உலகம்: http://vikkiulagam.blogspot.com/

அறிமுகம் தேவைப்படாது என்றேண்ணுகிறேன். வியட்நாமில் வாழ்ந்துவரும் வருங்கால இந்திய அரசியல்வாதி. நடிகர்கள் பற்றிய இவரது எண்ணத்தை பளிச்சென்று சொல்லியிருக்கிறார் பாருங்கள். காதலியும் மனைவியும் சந்தித்துக்கொண்டதால் என்ன நடந்தது என்ற அனுபவத்தை நம்மோடு பகிர்ந்திருக்கிறார். குமுதம் ஸ்டைலில் இவர் எழுதிய தமிழ்த்தலைவன் பயோடேட்டா சூப்பர். தனது மானிட்டர் பக்கங்கள் மூலம் தமிழக அரசியலை ராவாக அடித்துவருபவர்.

6. விண்ணோடும் முகிலோடும்: http://vinmukil.blogspot.com/

வகை வகையான கதைகளையும் கவிதைகளையும் தனது சொந்த அனுபவங்களையும் நம்மோடு பகிர்ந்திருக்கிறார். ஜன்னல் வழியாக தண்ணிபிடிக்கும் இடத்தில் நடந்த சண்டையைப் பார்த்துவிட்டு குழாயடி குங்பூ என்று எழுதியிருக்கிறார். பார்ட்டி கதைகள் என்ற பெயரில் எழுதிய சோஜூவும் வாத்துக்கறியும் அருமை. முதல் முதலாக அலுவலகம் சென்ற அனுபவத்தையும் கொஞ்சம் கேளுங்கள்.

7. வெளங்காதவன்: http://velangaathavan.blogspot.com/

வெளங்காதவன் என்று பெயரை வைத்துக்கொண்டு வெளங்காத நம்மூர் அரசியலை வெளுத்து வாங்குகிறார். எல்லாருக்கும் கடிதம் எழுதும் கலைஞருக்கு இவர் கடிதம் எழுதியிருக்கிறார் என்றால் பார்த்துக்கொள்ளுங்கள். சரக்கு... சரக்கு... என்று முழுபோதையில் இருக்கும்போது கூட என்னா தெளிவா எழுதியிருக்கிறார் பாருங்கள். உண்மை கசக்கும்ன்னு ரொம்ப சீரியஸா ஒரு மேட்டர் வச்சிருக்கிறார் என்னன்னு கேளுங்க.

8. ஹீரோ: http://realhero123.blogspot.com/

இவர் ஒரு ஹீரோ. ஹீரோ என்றால் காதல் இருக்கும்தானே. இவரது கல்லூரி காதல் அனுபவத்தை கேளுங்கள். வீரம் இல்லாத ஹீரோவா...? எப்படி எங்க வீரம் என்று எக்காளமிட்டு கேட்கிறார். மனைவி கணவனை குத்துவிட நினைக்கும் பத்து தருணங்கள் என்று ஒரு ஆராய்ச்சி செய்திருக்கிறார் பாருங்கள். (ரொம்ப அடி வாங்கியிருப்பார் போல...) அப்புறம், கொஞ்சம் சீரியஸாக கனிமொழியிடம் சில கேள்விகளை முன்வைக்கிறார்.

9. அந்நியன் 2: http://naattamain.blogspot.com/

சீரியஸ், காமெடி என்று ஸ்ப்லிட் பர்சனாலிட்டி காட்டும் அந்நியன். சீரியஸாக மூன்றறிவு படைத்த தமிழன் என்று திட்டித்தீர்க்கிறார். பிறிதொரு நாளில் அடுத்தவரை தொந்தரவு செய்யாமல் சிரிக்கவும் என்ற எச்சரிக்கையுடன் ஜோக்ஸ் சொல்கிறார். நம்மூர் இளைஞர்கள் வெள்ளையாகும் ஆசையில் பேர் அண்ட் லவ்லி பூசிக்கொள்கிறார்களே அவர்களுக்கு வெள்ளை நீக்ரோ என்ற இந்த இடுகையின் மூலம் அறிவுரை சொல்கிறார் கேளுங்கள்.

10. குட்டிப்பையன்: http://kutipaiya.blogspot.com/

இந்த குட்டிப்பையனுக்குள் இருக்கும் சமூக அக்கறை வியக்க வைக்கிறது. சயாம் மரண ரயில் குறித்து இவர் எழுதிய பதிவு ஒவ்வொரு தமிழனும் கண்டிப்பாக படிக்க வேண்டியது. பாஸ்... நீங்க ஒரு வில்லேஜ் விஞ்ஞானி பாஸ்... என்று யாரை புகழ்கிறார் என்று பாருங்கள். மேலும் புதுமையான முறையில் ஆறே வார்த்தைகளில் கதைகள் எழுதியிருக்கிறார்.

போனஸ்: http://tamilfuser.blogspot.com/

இவர் அறிமுகம் அல்ல. கிட்டத்தட்ட ஐந்தாண்டு காலமாக பதிவுலகில் இருப்பவர். இருப்பினும் நிறைய பேருக்கு அதிகம் பரிட்சயம் இல்லாமல் இருக்கலாம். ஏனெனில் ஓட்டரசியலில் அதிகம் சிக்காதவர். பொருளாதாரம் குறித்த தொடர்கள் இவரது ஸ்பெஷாலிடி. அவற்றில் கிழக்கிந்திய கம்பெனி இந்தியாவை சுரண்டிய கதை, டாலர் அரசியல் போன்ற தொடர்கள் பிரமாதமாக இருக்கின்றன. சீனா, அமெரிக்கா ஆடும் பொருளாதார சதுரங்கம், கம்யூனிசத்துக்கு சமாதி கட்டும் கியூபா? போன்ற தனிக்கட்டுரைகளும் நெத்தியடியாக இருக்கின்றன. இன்னும் ஏராளமான இடுகைகள் தோண்டத் தோண்ட புதையலாக வந்துக்கொண்டிருக்கின்றன. இவருடைய ஒட்டுமொத்த வலைப்பூவுமே ஒரு பொக்கிஷம் என்று சொல்லலாம்.

வழமையிலிருந்து மாறுபட்டு நாளை மாலை குறிப்பிட்ட வகையறா பதிவர்கள் பத்து பேருடன் களமிறங்குகிறேன்.

என்றும் அன்புடன்,

N.R.PRABHAKARAN