சென்று வருக கோபி - பொறுப்பேற்க வருக ராம்வி.

அன்பின் சக பதிவர்களே !

நேற்றுடன் ( 13.11.2011 ) முடியும் வாரத்திற்கு ஆசிரியப் பொறுபேற்ற கோபி - தான் ஏற்ற பொறுப்பினைச் சரிவர நிறைவேற்றி, மன நிறைவுடன் நம்மிடமிருந்து விடை பெறுகிறார்.

இவர் ஏழு பதிவுகள் இட்டு அய்ம்பதற்கும் மேலாக மறுமொழிகள் பெற்றுள்ளார். அறிமுகப்படுத்தப்பட்ட பதிவர்கள் : 48 ; அறிமுகப்படுத்தப்பட்ட பதிவுகளோ 51. சுய அறிமுகப் பதிவில் இவரது ஆறு பதிவுகளையும் - பின் மற்றவர்களை அறிமுகப் படுத்தும் போது அங்கொன்றும் இங்கொன்றுமாக ஆறு பதிவுகளையும் ஆக இவருடைய பதிவுகளில் 12 பதிவுகளை அறிமுகப் படுத்தி உள்ளார்.

தான் ஏற்ற பொறுப்பினை முழு ஈடுபாட்டுடனும், கவனத்துடனும் நிறைவேற்றிய மன நிறைவுடன் நம்மிடம் இருந்து விடை பெறுகிறார். இவரை வாழ்த்தி வழி அனுப்புவதில் பெருமை அடைகிறேன்.

அடுத்து இன்று ( 14.11.2011 ) துவங்கிய வாரத்திற்குப் பொறுப்பேற்க அன்புடன் இசைந்துள்ளர் சகோ ராம்வி அவர்கள். சென்னையில் பிறந்து வளர்ந்து தற்போது பெங்களூரில் வசித்து வருகிறார். பொருளாதாரத்தில் முதுகலைப் பட்டம் பெற்ற இவர் வாசிப்பதில் அதிக ஆர்வம் உடையவர். இவர் மதுரகவி என்ற வலைப்பூவினில் எழுதி வருகிறார். எது நடந்தாலும் நல்லதற்குத் தான் என எண்ணும் பண்புடையவர். சகோ ராம்வியினை வருக வருக ! அறிமுகங்களை அள்ளித் தருக ! என வாழ்த்தி வரவேற்பதில் பெரு மகிழ்ச்சி அடைகிறேன்.

நல்வாழ்த்துகள் கோபி

நல்வாழ்த்துகள் ராம்வி

நட்புடன் சீனா