நன்றி மாலை!

   ஒரு வார காலம் வலைச்சர ஆசிரியர் பணியாற்றியதில் மிக்க மகிழ்ச்சி அடைகிறேன். அப்பணியை ஓரளவிற்காவது சரியாகச் செய்தேன் என்று நம்புகிறேன். இது ஒருவித்தியாசமான அனுபவம் பிறருடைய பல்வேறு பதிவுகளை நான் ஏற்கனவே படித்திருந்தாலும் தொகுப்பிற்காக படிக்கும்போது அதிக கவனம் செலுத்த வேண்டி இருந்தது. இந்த நேரத்தில் எதிர்பாரா விதமாக கூடுதல் அலுவலகப் பணிகள் இருந்ததால் தொகுப்பதில் கொஞ்சம் சிரமம் இருந்தது. இதுபோல் பதிவர்களை அறிமுகப் படுத்துவது எளிதான பணி அல்ல என்பதை உணர முடிந்தது. ஒருவாரம் எனது வலைப்பதிவில் நான் எந்தப் பதிவும் இடுவதற்கு இயலவில்லை 

  முதல் பதிவை எளிதாக முடித்துவிட்டேன். அடுத்த நாள் பதிவின்போது எதிர்பாரா சிக்கல் ஒன்று ஏற்பட்டது. அடித்து முடித்ததை சேமித்து டிராஃப்ட் ஆக சேமிக்க முற்பட்டபோது Your blog has been Removed என்ற பிழைச் செய்தி தோன்றியது. என்ன செய்வது என்று அறியாமல் திகைத்தேன். வைரஸ்களின் வேலையாக இருக்குமோ? என்று பயந்தேன். Restart செய்து பார்த்தபோது எனது மின்னஞ்சல் முகவரியிலும் நுழைய முடியாதபடி பிழைச் செய்து வந்து அச்சுறுத்தியது.

   சீனா அவர்களுக்கு தொலைபேசியில் சொல்லிவிடலாமா என்று நினைத்தேன். ரெகவரி செய்ய முற்பட்டபோது முகவரியை உறுதிப்படுத்த verfication செய்ய கைபேசி எண்ணை அனுப்புமாறு கூறியது. கைபேசி எண்ணை பதிவு செய்ய Verfification Code குறுஞ்செய்தியாக வந்தது. அதை உள்ளீடு செய்ததும் ஈமெயில் கணக்கு மீண்டு உயிர் பெற்று விட்டது. வலைப்பதிவிலும் உள்நுழைய முடிந்ததால் நிம்மதி ஏற்பட்டது. ஏற்கனவே பதிவில் பாதியை நான் வேர்டில் சேமித்திருந்தாதால் விடுபட்ட பகுதியை மீண்டும் தட்டச்சு செய்து பின்னர் பதிவை வெளியிட்டேன்.

   இந்த அருமையான  வாய்ப்பை வழங்கிய சீனா அவர்களுக்கும் வலைச்சர ஆசிரியர் குழுவினருக்கும் என் மனமார்ந்த நன்றியை தெரிவித்துக் கொள்கிறேன்.

   தினந்தோறும் பின்னூட்டங்கள் இட்டு ஊக்கப் படுத்திய அத்துணை பேருக்கும் உளமார்ந்த நன்றி செலுத்துகிறேன்.

  இத்தனைக்கும் மேலாக பல்வேறு பதிவர்களைப் பற்றி நிறைய விஷயங்களை நான்  தெரிந்துகொள்ள அவர்களுடைய படைப்புகள் உதவியது. சிறப்பான படைப்புகளை வழங்கிய பதிவர்களுக்கும் என் நெஞ்சார்ந்த நன்றிகூறி விடை பெறுகிறேன்.

 நன்றி! வணக்கம்!.

***************************************************************************