நன்றி அன்புமதி - வருக வருக குடுகுடுப்பை

அன்பின் சக பதிவர்களே

கடந்த ஒரு வார காலமாக அருமைத் தம்பி சிவகாசியினைச் சார்ந்த அன்பு மதி ஆசிரியப் பொறுப்பேற்று - கடமையினைச் சரிவரச் செய்து - மன நிறைவுடன் விடை பெறுகிறார். அவரும் ஐந்து இடுகைகள் இட்டு ஏறத்தாழ அறுபத்தைந்து மறுமொழிகள் பெற்று - பல பதிவர்களை அறிமுகம் செய்து வைத்து - அன்புடன் விடைபெறுகிறார்.

அவரையும் வலைச்சரம் சார்பினில் நன்றி கலந்த நல்வாழ்த்துகளுடன் வழி அனுப்புகிறோம்

அடுத்து 12ம் நாள் துவங்கும் இவ்வாரத்திற்கு ஆசிரியப்பொறுப்பேற்க வருகிறார் நமது நண்பர் குடுகுடுப்பை அவர்கள்.

இவர் தஞ்சைக்கருகில் ஒரு குக்கிராமத்தில் பிறந்து , எந்திரவியல் பட்டம் பெற்று சிறிது காலம் கல்பாக்கத்தில் வேலை, மென்பொருளாளர் ஆக சென்னையில் சிறிது காலம் எனப் பணியாற்றி தற்சமயம் டெக்ஸாஸ் மாகாணத்தில் மென்பொருளாளராக பணி புரிகிறார்.

பொழுதுபோக்காக கு.ஜ.மு.க மற்றும் வருங்காலமுதல்வர் வலைப்பதிவில் அனுபவம் சார்ந்த பதிவுகள் எழுதுகிறார்.

இவரை வருக வருக என் வலைச்சரம் சார்பினில் வரவேற்பதில் பெருமை அடைகிறேன்.

சீனா