ஒரு பிரமாண்டமான வலைத்தேடல்; இம்முறை உலக அளவில்... சுற்றுலா சனி

புதிய வானம்.....வானம்...வானம்....

புதிய பூமி....பூமி...பூமி.....

ஹலோ

யாரப்பா கூப்பிட்டது.

இங்க சகாக்கள் ,சகோக்கள் எல்லாம் வெய்டிங். நீ என்னடான்னா எம்.ஜி.யார் ஸ்டைல பாட்டு பாடிக்கிட்டிருக்க ?

 அட! விமானம் பிடிச்சு வெளிநாடு போகத்தான் பயமா இருக்கு. எவனாவது நடுவானத்தில போகும்போது சுட்டுட்டான்னா. அதனால வம்பில்லாம இந்த நண்பர்களை கேட்டு உலகத்தை தெரிந்துக்கலாம்னு பார்க்கிறேன். திரைகடல் ஒடி திரவியம் தேடு அப்படினு சொல்லுவாங்கல்ல (யாரு சொல்லுவா? அட! தெரிஞ்சவங்க சொல்லுங்கப்பா) அப்படி திரைகடல் ஒடி நம் வலை உலகுக்கு திரவியம் தந்துகொண்டிருக்கும் பதிவர்கள் தான் இன்னிக்கு நம்ம  டார்கெட்!!

படங்களில், வண்ணங்களில் தொடங்கி ஒவ்வொரு பதிவுக்கு இவர் எடுத்துக்கொள்ளும் சிரத்தை இருக்கே அப்பப்பா! படிக்கும்போதே இவர் பின்னூட்டத்தில் ஒரு சிரிப்பு சத்தம் கேட்கும். அவ்ளோ ஜாலி பட்டாசு இந்த

அமெரிக்காவாழ் காவியகவி.  இனியா அவர்களின் தந்தையர் தினக்கவிதை

சுகமான பாடல்கள், சொந்த ஊர் தேடல்கள், ஓய்வுப் பொழுதில் பார்த்த சினிமா என கலவையாய் இருக்கும் இவர் பதிவுகள். அபுதாபி வாழ் மனசு சே.குமார் அண்ணாவின் நட்புப்பகிர்வு

ஆர்வகோளாறு என சொல்லிக்கொள்கிறார் இவர். ஆனா பல திறமைகள் கொண்டவர்.  இவர் நடித்த தலைவா பட அனுபவ பகிர்வுகள், மற்றும் அவரது குட்டி தேவதைகளின் பள்ளி அனுவபங்கள் என சுவாரஸ்யமான இருக்கும் அண்ணனின் வலைப்பூ. ஆஸ்திரேலியா வாழ் உண்மையானவன் சொக்கன் சுப்பரமணியன் சகோவின் செல்ல மகளின்பள்ளிஅனுபவங்கள் 

பிரஞ்சுக்காதலிக்காக உருகி உருகி கவிதை பாடும் இவர் பதிவுகள் மனதை தொடும். பிரான்ஸ் வாழ் தனிமரம் நேசன் சகோ  வைரமுத்துவிற்கு எழுதிய பிறந்தநாள் வாழ்த்துக்கவிதை

கதை, மரபுக்கவிதை, புதுக்கவிதை என எல்லா துறையிலும் கலக்கும்

மற்றொரு பிரான்ஸ் வாழ் சகோதரி அருணா செல்வம். அவ்வவ்வபோது பிரான்ஸ் நகர் விவரிக்கும் இவரது அனுபவப்பதிவுகள் மிகமிக அருமையாக இருக்கும். அவர்களின் ஒன்று  குட்டிக்கதை  இதோ

இமா, படிக்கும்போதே உற்சாகம் தொற்றிக்கொள்ளும். அப்படி ஒரு உயிரோட்டமான நடை. நியூசிலாந்துவாழ் இமாக்ரிஸ் அவர்களின் வித்யாசமான கேக் அலங்காரம் ஒன்றை பாருங்க.

ஒன்னுபோக, வலைச்சரம்னு இன்னொன்னை ஒருவாரம் நடத்தவே நாக்கு தள்ளுது எனக்கு ! இவங்க என்னடா ஐந்து வலைப்பூக்கள் நடத்துறாங்க. மற்றொரு நியூசிலாந்துவாழ் பதிவர் துளசிகோபால் அவர்களின்  முற்றிலும் புதிய ஆல்பம்

முகில் ஆங்கிலத்தில் ஒன்னு, தமிழில் ஒன்னு என்று ரெண்டு வலைப்பூ நடத்துறாங்க. கிராப்ட் ல கலக்குற U.S வாழ் தமிழ் முகலின் உண்மைக்கு நெருக்கமான கதை ஒன்னு படிச்சுப்பாருங்க!

நம்ம பக்கத்து வீட்டு அண்ணன் போலவே பேசும் ஈர மனிதர். சும்மா மீசை வைத்து பயமுறுத்துவாரே தவிர குழந்தை மனசு கொண்ட அண்ணா(அண்ணா சரியா சொல்லிட்டேனா, ரைட்டு அப்ப சோடா சொல்லுங்க:) துபைவாழ் கில்லர்ஜி அண்ணாவின் ஒரு நகைச்சுவை கலந்துரையாடல்

ஆளுக்கொரு துறையில், கலையில் தங்கள் திறமையைக்காட்ட இவரோ பல திறமைகள் கொண்டவர். தன் திறமைகளில் ஒன்ற  தோட்டக்கலையையும் பதிவா போட்டு அசத்துவார். U.K வாழ்ஏஞ்சலின்  அவர்களின் தோட்டத்தில் என்னவிளைந்தது? . வாங்க பார்க்கலாம்.

பொதுவா பெண்கள் கவிதை (புதுக்கவிதை )எழுதினால் அதில் கூர்மை கம்மியா இருக்கும் என்கிற மனோபாவத்தை தகர்க்க இவங்க கவிதை போதும். இவங்க சொல்லும் சமையல்குறிப்பை  நான் செய்தாகூட நல்லா இருக்குன்னா பார்த்துக்கோங்களேன். குவைத் வாழ் மஞ்சுபாஷிணி அக்காவின் டச்சிங் கவிதை.

கலகலப்பான இவரது பின்னூட்டத்தை பார்த்து இவர் பதிவிற்கு போனால் அது அதற்கு மேல் காமெடியை இருக்கிறது. இயல்பான நடையில் அவரது மண் வாசம் தெரிகிறது. பக்ரைன் வாழ் நாஞ்சில் மனோ அவர்களின் மண் மணக்கும் பதிவு.

இந்த பதிவர் எடுத்துக்கொண்டிருக்கும் கலை, புகைப்படக்கலை. விதவிதமான பின்னணிகள், ஒளி நுட்பம் என பிரெஷ்ஷா இருக்கு சிங்கபூர் வாழ் ப்ரியமுடன் பிரபுவின்  கவிதையாய் சில புகைப்படங்கள். நீங்களும் பாருங்க.

பட்டிமன்றங்களில் அல்ரெடி பட்டையை கிளப்பும் Alfi அண்ணா பதிவுகள் அவரது அனுபவம் மற்றும் வாழ்க்கைமுறைக்கு மிக அருகில் இருக்கிறது.

அமெரிக்கா வாழ் (இது அவரா கொடுத்துக்கிட்ட பேருங்க, நான் ஒன்னும் சொல்லல) பரதேசி ஆல்பி அண்ணா வின் சுவையான ஒரு பகிர்வு.

ஆன்மிகம், மரபுக்கவிதை, புதுக்கவிதை என கலக்கும் இனிய தோழி. எடுத்துக்கொள்ளும் தலைப்பை சுவைபடச்சொல்லும் திறமைக்காரர். அம்பாள் அடியாள் என்கிற தோழி  ரூபிகாவிற்கு   பிறந்தநாள் வாழ்த்து சொல்லலாமா?

க்வெல்லிங், கோயர் சாங், போட்டோக் கலை என கலவையாய் இருக்கிறது இவரது தளம். பார்த்தவுடன் புன்னகைக்க வைக்கும் ஒரு இன்னொசென்ட் அழகு இருக்கும் இவங்க தளத்தில். ஜெர்மனி வாழ் தோழி ப்ரியசகியின் ஊர் திருவிழாவிற்கு போய்வரலாமா?

ரொம்ப நேரமா  ஊர் சுத்தினது டயர்டா இருக்கு. நெக்ஸ்டு ரெஸ்ட்டு. இன்னும் என்ன பார்த்துக்கிட்டு இருக்கீங்க. நீங்க போய் சட்டுபுட்டுனு கமென்ட  போடுங்கப்பா.