நான் தனி ஆள் இல்லை ......அது .....( கலக்கல் செவ்வாய்)

கல்விக்கண் திறந்த காமராஜர் பிறந்த  தினம் இன்று .

                                   2012 ஆம் ஆண்டு தொடங்கிய வலைப்பூவில் ஆடிக்கு ஒன்னு , ஆமாவசைக்கு ஒன்னு என்று எங்க ஊர்ல சொல்வதுபோல் பதிவு போட்ட காலத்தில், நாமும் மத்தவங்களுக்கு பின்னூட்டம் போடலாம்னு ஒவ்வொரு வலைப்பூவா போவேன். புதுசா காலேஜ்ல நுழைந்த ஜூனியர், ஒரு சீனியர் வகுப்பில் நுழைந்தது போல் ஒரு உணர்வில், சைலண்டா படிச்சுட்டு எஸ் ஆகிடுவேன். 

அப்போ எங்க மாவட்ட முதன்மைக்கல்வி அதிகாரி அய்யா அருள்முருகன் அவர்கள்  புதுகையில் உள்ள தமிழ் ஆசிரியர்களுக்கு ஒரு வலைப்பூ பயிற்சிப் பட்டறை ஏற்பாடு செய்தார் ( நாலு வாத்தியார்களை ஒண்ணா பார்த்தாலே, lesson பிளான் எங்கே? இந்தவருடம் எவ்ளோ பேர் உங்க subject ல பாஸ் என வறுத்தெடுக்கும் அதிகாரிகள் மத்தியில், அவர் வேற மாதிரிங்க) கஸ்தூரி ஆங்கில ஆசிரியர் என்றாலும் அவருக்கு நிறைய  தமிழ் ஆசிரியர்கள் நண்பர்கள், அதிலும் நிலவன் அண்ணாவின் அருமை தம்பி வேறு. எனவே அந்த வாய்ப்பு கஸ்தூரிக்கும் கிடைத்தது. கஸ்தூரி ரெங்கனின் மனைவி என்ற விசிட்டிங் கார்டும், நிலவன் அண்ணாவின் ஸ்பெஷல் கேட் பாஸ் சும் கிடைக்க நானும் அந்த ரெண்டு நாள் பயிற்சியில் கலந்துக்கிட்டேன். அந்த  ரெண்டு நாள்களில்  எனக்கு நிறைய நண்பர்கள் கிடைத்தார்கள். அன்று கிடைத்த நண்பர்களின்  சிறந்த படைப்புகளை இன்று உங்களிடம் பகிர்ந்து கொள்வது பெரு மகிழ்ச்சி!

அருள்முருகன் அய்யாவின் ஆகச் சிறந்த படைப்புகளில் ஒரு கவிதையையும் , ஒரு கட்டுரையும் இங்கு கொடுத்திருக்கிறேன். சமுத்திரத்தை அள்ளித்தர என்னால் இயலுமா ? நீங்களே நீந்திப் பாருங்கள்.

நிலவன் அண்ணாவிற்கு நான் அறிமுகம் செய்வதென்றால் கஸ்தூரியின் வார்த்தையை கடன் வாங்க வேண்டியது தான்.பின்ன சூரியனுக்கு நான் டார்ச் அடிக்கமுடியுமா? பல நூறு மாணவர்களை உற்சாகப்படுத்தியே உச்சியில் ஏற்றி அழகு பார்க்கத்துடிக்கும் தாய்மனம் கொண்ட ஆசான். அண்ணாவின் இந்த கவிதை எனக்கு ரொம்பப் பிடிக்கும்.படிக்கும் குழந்தைகள் வைத்திருக்கும் பெற்றோர் அவசியம் படிக்கவேண்டிய கட்டுரை இது.

இவர் ஒரு சிறந்த ஆசிரியர். தமிழில் சிறந்த, மிகச்சிறந்த , இன்னும் என்ன என்ன இருக்கோ அவ்ளோ பட்டம் கொடுக்கலாம். சகாயம் I.A.S சை உருவாக்கிய பள்ளியில் இன்னும் அவர்போல பலரை உருவாக்கவேண்டும் என்பதை குறிக்கோளாக வைத்திருக்கிறார் என்பதை இவரது பல பதிவுகளை படிக்கும் வாசகர்களால் உணரமுடியும். அதில் ஒன்று. அப்புறம் சார்க்கு புதுக்கோட்டையில் ஒரு ஆங்கிலப்பட போஸ்டரை பார்த்துடக் கூடாது. அடுத்தநாள் நீங்க சுடச்சுட விமர்சனம் படிக்கலாம். ஆம் என் இனிய நண்பன் கஸ்தூரி ரெங்கன்.

அவங்க என்னோட அம்மா. என்னடா குடும்பத்தையேஅறிமுகம் பண்ணுறேன் நினைகிறீங்களா? எல்லாம் தாயா பிள்ளையா பழகிட்டோமே. திருமிகு ஜெயலெட்சுமி (ஏ.இ.இ.ஒ)அவர்கள்  ஒரு புத்தகக்கடல். ஸ்போர்ட்ஸ் ரொம்ப பிடிக்கும். வித்தியாசமான காம்பினேஷன் இல்ல! இதையும், இதையும் பாருங்க. புரியும்.

இப்போ தம்பியை பத்தி சொல்லப்போறேன். என் செல்லத் தம்பி, புதுமாப்பிள்ளை. மாணவர்களை , சமுதாயத்தை நேசிக்கிற ஆசிரியர். ஒவ்வொரு பதிவின் மூலமும் சமுதாயத்திற்கு ஏதாவது சொல்லத்துடிக்கும் இவரது கட்டுரையை பாருங்கள். ஒரு சேஞ்சுக்கு சகோ எழுதிய காதல் கவிதை.

இப்போ வரிசையா மூணு சகோதரிகள். மூணு பேருமே மாற்றத்தை விரும்பும் ஆசிரியர்கள். குழந்தைகளை நேசிப்பவர்கள். சகோ மாலதி அவர்கள் எழுதியிருக்கும் இந்த கவிதை சமுதாயத்திற்கு ஒரு சாட்டையடி. இந்த பதிவை பாருங்களேன். எவ்ளோ தகவல்கள்.

சகோ கீதா அவர்கள் வேலுநாச்சியார் எனும் வலைப்பூவில் எழுதும் கவிதைகளில் அழகுணர்ச்சியும், சமூக சிந்தனையையும் பாருங்கள். தொடர்கவிதை பாடி கின்னஸ் சாதனை குழுவில் இடம் பெற்ற சாதனைக்காரர்.

சகோ சுவாதி அவர்கள், சிறந்த பேச்சாளர். புதுகை அறிந்த பெரும் கவிஞர், இதோ இவரது ஹைக்கூக்கள் மற்றும் அழகிய கவிதை ஒன்று .

இந்த இளைஞரை பார்த்தால் புதுகையின் பல இளம் படைப்பாளிகளுக்கு காதில் புகைவரும். முகநூலில் கலக்கும் இவர் சூரி சிவா அய்யா வை போல் எங்கள் பொன்.கருப்பையா அவர்கள்  இயல், இசை, நாடகம் என முத்தமிழில் கலக்குபவர்.

விகடன், ஹிந்து என கலக்கும், மற்றொரு சகோ ஸ்டாலின் சரவணன். மனதை வருடும் கவிதைகள் சில, மனதைத் திருடும் கவிதை சில என மயிலிறகு சொருகிய இவர் பேனா சிந்திய கவிதை இதோ.

பாருங்க இன்னும் மூணு பேரை பற்றி சொல்லணும். ஆனா ரிபீட் ஆகாமல் சொல்லனும்ன நான் என்ன செய்றது? இவங்க மூணு பேரும்  தமிழை நேசிக்கும், மாணவர்கள் தமிழை நேசிக்கத்தூண்டும் சிறந்த தமிழாசிரியர்கள், கவிஞர்கள், தமிழில் நின்று விளையாடும் நுண்ணிய ரசனைக்காரர்கள்.

அய்யா குருநாதசுந்தரம் அவர்களின் பெருநாழி சென்று பாருங்கள். தமிழ் பால் அவர்கொண்ட பற்றும், தமிழ் வகுப்பின் பால் கொண்ட பேரவாவும் புலப்பட்டும்.

ராசி பனீர்செல்வம் அவர்கள் ,முகநூலில் கலக்கும் கவிஞர், தென்றல் தவழும் மென் கவிதைகள் இவரது ஸ்பெஷல். ஆழமான நடைகொண்ட எழுத்துக்களுக்கு சொந்தகாரர். அந்த கவி மழையில் ஒரு துளி இதோ.

மகாசுந்தர் அண்ணாஅட்டகாசமான பேச்சாளர். இதுவரை நாம் பார்த்த,  படித்த கருத்துக்களை வேற்றொரு திசையில் இருந்து அணுகுபவர் என்பதற்கான சான்றாய் இந்த பதிவு. அண்ணாவின் கல்வி குறித்தான ஆகச்சிறந்த  ஒரு கவிதை.

இந்த  சான்றோர் அவையில் நானும் ஒருத்தியாக இருக்கமுடிந்ததே மகிழ்ச்சி! சுயநலம் கருதா கர்மவீரரின் பிறந்தநாள் , கல்வி வளர்ச்சி நாளான இன்று இத்தனை கல்விப் பணி சான்றோரை பற்றி பேசியது பெரு மகிழ்ச்சி!!அப்புறம் சொல்ல மறந்துட்டேனே. இப்போ பைனல் இயர் மாணவர் போல்  வலை உலகே நட்புக்கரம் நீட்டுகிறது. மைதிலி ஹாப்பி அண்ணாச்சி:)) நட்பு இதயங்கள் அத்தனைக்கும் நன்றி ! நன்றி!! (ஒரு பிட்டை போட்டாதானே கம்மென்ட் பகுதியில் கொஞ்சம் கம்மியா கலாய்ப்பாங்க)