மழை...!!!

 மழையை பிடிக்காதவர்கள் எவரேனும் உண்டா....? ம்கூம்...இல்லவே இல்லை இல்லையா....? சிறுவயதில் மழைத்துளிகள் உடலில் படும்போது அப்பப்பா...என்னமா சிலிர்க்கும் உடம்பு..... உள்ளமும் சிலிர்க்கும். சகவயதுக் காரர்கள் சேர்ந்து விட்டால் ஜாலியோ ஜாலி தான்.

பாவம் அம்மாக்கள் பாடு திண்டாட்டம். அவர்களுக்கும் தெரியும் இது ஜாலி தான்னு...அவர்களும் இவ்வயது கடந்து தான் வந்து இருக்கிறார்கள் இல்லையா...? ஆனால் இப்போ அம்மாவாகிட்டாங்களே...பிள்ளைகளுக்கு உடலுக்கு ஏதாவது வந்திடுமோன்னு...பயம். அவர்கள் கூப்பிட கூப்பிட இன்னும் கொஞ்சம் என நாம கேட்க ஆஹா.....!!!

மழையில் நனையாவிட்டாலும் அதை பார்க்க பிடிக்கும் எல்லோருக்குமே. காற்று அடிக்கும் போது  சாரலாய்...நம்மை தழுவும் சுகம் இருக்கிறதே  சிலிர்ப்பும், ஜில்லிப்புமாக அருமையல்லவா...? 

அது சோ...என ( துக்களக் சோ இல்லைங்க)  பெய்யும் போது சூடா.க..டீயும்..அப்படியே காரமா...பஜ்ஜியும் ( யாராவது செய்து தந்தால்) சாப்பிட எப்படி இருக்கும்...? ம் ஆஹா...நினைக்கும் போதே நல்லா இருக்கே...

மழையாய் பதிவுகளைப் பொழியும் நம் சகாக்கள் வலையில் மழையைப்பற்றி பொழிந்து இருக்கிறார்கள்....

மழையில் நனைய நான் ரெடி நீங்க ரெடியா....?  ஜீட்....

மனசு வலைத்தளத்தில் நண்பர் பரிவை சே. குமார் 

வேண்டுமடி மழை எனக்கு என்கிறார்....நமக்கும் மழை வேண்டுமல்லவா...?  அப்படியே ஒரு எட்டு அவர் தளம் போய் நாம் கூட்டிக் கொண்டு வந்து விடுவோமா...?

வாழ்த்து அட்டை இல்லாத பொங்கல் தித்திக்கிறதா?நிச்சயமா இல்லை தான். நமக்கு என்ன என்ன அட்டை வரும்...? நாம மத்தவங்களுக்கு எந்த மாதிரி  அட்டை வாங்கி அனுப்பலாம்னு.......பார்த்த பழைய நினைவுகள்....எல்லாம் வருது. நீங்களும் பாருங்களேன் நண்பர்களே.

மழைப்பயணம் என தன் வலைத்தளத்திற்கு பெயர் சூட்டி இருக்கும் இவர் ஒரு மழைக்காதலர் அப்படின்னு நினைக்கிறேன்.ஏன்...அப்படின்னு நீங்க யோசிக்கிறீங்க இல்லையா...இவர் தளத்தில் மழையைத்தவிற வேறு  பதிவுகளே இல்லைனா பார்த்துக்குங்களேன்...!!! மழைநாள், மழை பயணம், மழை கவிதை,மழை செய்திகள், மழை படங்கள் அப்படின்னு பதிவிடுகிறார்.

மழை – குடை – கவனிக்க...என குடை வாங்குவது பற்றி பதிவிட்டு இருக்கிறார்...யாராவது குடை வாங்கனும்னா...இந்த ஐடியா...உபயோகமாக இருக்கும்...பாருங்க. மழை-கவிதைகள் அழகு பாருங்கள்.

மழை குருவி என்கிற வலைத்தளத்தில் அவர் மழையோடு பயணம் செய்ததை பதிவிட்டு இருக்கிறார் தானும் நண்பர் துரை பாஸ்கரும் மழையில் நனைந்த படியே  ஸ்கூட்டரில் பயணத்தை மேற்கொண்டு இருக்கிறார்கள்.

 மழையில் பயணம்

மழை எனக்குப்பிடித்தமானது. ஒவ்வொரு மழைத்துளியும் பூக்களாக என் மீதும், நண்பர் துரை பாஸ்கர் மீதும் சொரிய ஒரு ஆனந்தப் பயணம், அதுவும் ஸ்கூட்டரில்…… வானிலை அறிவிப்பு கனத்த மழை பெய்யும் என்று சொல்லியும், பயணம் மேற்கொண்ட தூரம் 60 கி.மீ இருக்கும். நண்பர் பாலாஜியின் வெல் வேலமரக் காட்டில் வரும் பறவைகளைக்காண மழையோடு மழையாக சாலையில் வழுக்கினோம். நகரத்தை விட கிராமம் அழகானது. இந்த வருடப் பருவமழை எதிர் பாரா சந்தோஷத்தைக்கொண்டு வந்த விதம் அருமை. சென்றபாதை இருமருங்கிலும், பச்சைக் கம்பளம் போர்த்தியது போல பயிர்கள்  நாமும் அவர்களுடன் பயணம் செய்வோமா...? பறவைகள் அறிமுகம் என்று பறவைகள் பற்றி நிறைய எழுதி இருக்கிறார். சுவாரஸ்யம். யமுனை நதிக்கரைப் பறவைகள்......அட பார்க்கலாமா...? இவர் நிறை சுவாரஸ்யமாக பதிவிட்டு இருக்கிறார் பாருங்களேன்.

சுப்பிரமணிய பாண்டி கவிதைகள் என தன் சொந்தப் பெயரிலான வலைத்தளத்தில் கவிதைகள் பல எழுதி இருக்கிறார். மழை செய் என்கிற கவிதையில்.

மனிதனில் எவனுக்கு

மழை செய்யத் தெரியும்? //

அப்படிங்கிறார் வாஸ்தவமான கேள்வி இல்லையா...?

இனிமேல் உலகம் அழியாது.... அப்படின்னு  கவிதை  எழுதி 

இருக்கிறார். கவிதைகள் அருமையாக இருக்கின்றன.

முருக கவி மழைக்குறித்து அழகாய் கவிதை செய்திருக்கிறார்.மழை...

கவிதையை அவரின் முருக.கவி தளத்தில் இங்கே காணலாம்.

EnnangaL EzhuthukkaL எண்ணங்கள் எழுத்துக்கள் என்னும் வலைப்பூவில்  கஸ்தூரி சுதாகர் மழையும் மனிதமும் அப்படிங்கிற தலைப்பில் தனக்கு நடந்த அனுபவத்தை எண்ணங்கள் எழுத்துக்கள் என்கிற தன்னுடைய தளத்தில் பகிர்ந்து இருக்கிறார்

அடைமழை நேற்று மும்பையில். ஆபீஸை விட்டுக் கிளம்பும்போது லேசாகத் தூறிக்கொண்டிருந்ததால், நிதானமாகக் கிளம்பினேன். ஜோகேஷ்வரி லிங்க் ரோடு தொடக்கத்தில் பிடித்த மழை நிற்கவேயில்லை. மனைவி வேறொரு ஆட்டோவில் அந்த வழியாக வருகிறார் என்று தெரிந்ததும், காத்திருக்கலாம் என்று, வண்டியை ஸ்டாண்டர்ட் சார்ட்டர்ட் வங்கி அலுவலகமருகே ஓரம் கட்டினேன். எனக்கு முன்னே ஒரு I 20 மினுக் மினுக்கென விளக்கைப் போட்டபடி நின்றிருக்க, புத்திசாலித்தனமாக அதற்கும் ஓரமாக வண்டியைக் கொண்டு போனேன். அவ்வளவுதான் தெரியும்...

படித்துப்  பாருங்கள்



ஙே...!!! என்னும் வலைத்தளத்தில் joe Felix  மழை ...!!!  கவிதையை இவ்வாறு தொடங்குகிறார்..

உதடுகளை குவிக்க தொடங்கி விட்டாய் முதல் முத்தம் எனக்கா                      எனைத்தாங்கும் அவளுக்கா.... மழை!!!

மிக நன்றாக இருக்கிறது பாருங்களேன்

Mounam Pesum mozhigal  என்னும் வலைத்தளத்தில் ராஜராஜன் ராஜமகேந்திரன்  என்கிற தன் வலைப்பூவில் மழைக்காலம் ஆரம்பம்...! அரைமணி நேர மழையில்....எப்படியெல்லாம் ஆகும் என கவிதை வடிவில் சொல்லிச்செல்கிறார் உண்மை தான்.

மழை சுடும்  என்ற கவிதையை.....என்ன இது மழை சுடுமா...?  Seasonsnidur என்னும் வலைத்தளைத்தில் அபூஹாசிமாவாவாரின் கவிதையை  S.E.A. Mohamed Ali    அவர்கள் வெளியிட்டு இருக்கிறார்கள் காணுங்கள்

மழையில நிறைய நனைந்து விடாதீர்கள்.....அப்புறம் காய்சல் வந்துட்டா என்னைச் சொல்லக்கூடாது....? சரியா...?

ஏம்மா மழையை போட்டு விட்டு...சும்மா நனையுங்கள் அப்படின்னு சொல்லிட்டு இப்ப இப்படி சொல்லுறீயே....? இது கொஞ்சம் கூட நல்லா இல்லை ஆமா சொல்லிப்புட்டேன்....

எனக்கு எதுவும் கேட்கவில்லை.....!!! ஹஹஹா.....!!!

நீங்கள் எல்லோரும் குழந்தையாக மாறி ஜாலியா.....பழைய நினைவுகளுக்கு போய் வந்து இருப்பீர்கள்.......  ஆனந்தமாக இருந்ததா நண்பர்களே...!!!

இன்னும் ஒரே ஒரு நாள் உங்களுடன்......நான்...வலைச்சரத்தில்....

நிறைய கருத்துக்கள் இட்டு....தமிழ்மண வாக்கும்....கொடுத்து என்னை உற்சாகப் படுத்திக் கொண்டு இருக்கும் நண்பர்களே....நாளை காணலாம் வரட்டா...!!! 

ஊங்களுக்காக குடை வைத்து இருக்கிறேன்...எடுத்துக் கொள்ளுங்கள்.

   

 என்னுடைய     குற்றாலம் - கவிதை   க்காக நான் வரைந்த ஆயில் பெயிண்ட்