சப்பாத்தி சப்பாத்தி தான் ரொட்டி ரொட்டி தான்...!

வலைச்சரம் மூன்றாம் நாள்

ரஞ்சனி நாராயணன்

திடீரென்று ஒருநாள் இனிமேல் நான் சப்பாத்திதான் சாப்பிடப் போகிறேன்’ என்று அறிக்கை விட்டான் என் மகன். சப்பாத்தி செய்வதும் எனக்கு எளிதுதான். அதிலேயும் 35 வருட அனுபவம். அதிலும் சுக்கா என்று சொல்லப்படும் பூல்கா நன்றாக வரும். ஒவ்வொரு சப்பாத்தியும் பூரி மாதிரி தணலில் போட்டவுடன் உப்பும். ஆனால் என்ன கஷ்டம் என்றால் அதற்கு தொட்டுக் கொள்ள என்ன செய்வது? நாங்கள் சின்னவர்களாய் இருக்கும்போது எங்கள் அம்மா ரொட்டி பண்ணுவாள். (எண்ணெய் போட்டு செய்தால் ரொட்டியாம். எண்ணெய் போடாமல் செய்தால் சப்பாத்தியாம். என் ஓர்ப்படி இப்படி ஒரு விளக்கம் கொடுத்தாள்.) காலையில் செய்த குழம்பு, ரசவண்டி, இல்லை கறியமுது, கீரை கூட்டு இப்படி எது இருந்தாலும் தொட்டுக் கொண்டு சாப்பிட்டுவிடுவோம். வேறு ஒன்றும் செய்யவும் மாட்டாள் அம்மா.

ஆனால் இப்போது சப்பாத்தி செய்தால் சன்னா, ராஜ்மா, பட்டாணி இவைகளை வெங்காயம், மசாலா போட்டு – கீரை என்றால் பாலக் பனீர் என்று செய்ய வேண்டியிருக்கிறது. எங்களைப் போல எதை வேண்டுமானாலும் தொட்டுக் கொள்ள மாட்டார்கள் என்  குழந்தைகள். ‘சப்பாத்திக்கு குழம்பா? ரசவண்டியா? தமாஷ் பண்ணாதம்மா!’ என்கிறார்கள். இந்த சமையல் சாப்பாடே தினசரி பெரிய பாடாகிவிடும் போலிருக்கு. ஒரு வழியாக காலை டிபன், மதியம் சாப்பாடு முடித்துவிட்டு வந்து ஏதாவது எழுதலாம் என்று உட்கார்ந்தால் ‘சாயங்காலம் என்ன?’ என்ற கேள்வி வருகிறது. அப்போதுதான் இந்த ‘சங்கடமான சமையலை விட்டு’ பாட்டு அசரீரியாக காதுக்குள் ஒலிக்கும். 

நான் சப்பாத்தி செய்ய ஆரம்பித்த புதிதில் கூட்டுக் குடித்தனம். தினசரி  சமையல் என்ன என்று மாமனார் மாமியார் கூட்டு சேர்ந்து ரொம்ப நேரம் யோசித்து(!!!) சொல்வார்கள். வெங்காயம் வீட்டினுள்ளேயே வரக்கூடாது. சப்பாத்திக்கு என்ன சைட் டிஷ்? சாயங்காலம் முக்கால்வாசி நாட்கள் பயத்தம்பருப்பு போட்டு செய்யும் கூட்டுதான் சாதத்திற்கு. சிலநாட்கள் தேங்காய் துவையல், அல்லது கொத்துமல்லி, கறிவேப்பிலை, பருப்புத் துவையல்  இருக்கும். துவையல் இல்லாத நாட்களில் ஊறுகாய்தான் கூட்டு சாதத்திற்குத் தொட்டுக்கொள்ள. என் கணவருக்கு மட்டும் நான்கு சப்பாத்திகள். மற்றவர்களுக்கு சாதம் என்று தீர்மானமாயிற்று. கரெக்ட்டாக நான்கு சப்பாத்திகள் செய்ய வராது எனக்கு. ஒன்றிரண்டு அதிகம் இருக்கும். என் மைத்துனர்கள் எனக்கு எனக்கு என்று போட்டுக்கொள்வார்கள். ஆசையாக சாப்பிடுகிறார்களே என்று கொஞ்சம் அதிகமாகவே மாவு கலந்து சப்பாத்தி செய்ய ஆரம்பித்தேன். நாளடைவில் மாமனார், மாமியார் தவிர மற்ற எல்லோரும் சப்பாத்திக்கு மாறினோம். ஆ.......சொல்ல வந்ததை விட்டுவிட்டு எங்கேயோ போய்விட்டேனே! சைட் டிஷ்! வெங்காயம் உள்ளே வரக்கூடாதே அதனால் ஒரு யோசனை தோன்றியது. நான் செய்யும் கூட்டிலேயே (மாமனார் மாமியாருக்கு தனியாக எடுத்து வைத்துவிட்டு) கொஞ்சம் மசாலா பொடியை (வெளியில் வாங்கியதுதான்!) போட ஆரம்பித்தேன். உற்சாகமான வரவேற்பு! காணாது கண்ட மாதிரி எல்லோரும் சாப்பிட ஆரம்பித்தார்கள்.

இரண்டு நாட்கள் சமையல் பார்த்தாயிற்று. நாளை சங்கீதம்!

இன்றைய வலைச்சரத்தை அலங்கரிக்கப் போகிறவர்கள்:

மு.வி. நந்தினி

எழுத்தும் எழுத்து நிமித்தமும் என்ற வலைத்தளத்தின் சொந்தக்காரர். பெண்கள் பத்திரிக்கை என்றால் சமையலும், அழகுக்குறிப்பும், கோலமும் புடவைப் பரிசுப் போட்டிகளும், ஆன்மீகமும் தானா? பெண்களுக்கு வேறு எதுவும் தெரிய வேண்டாமா என்று கேட்கிறார் இந்தப் பதிவில்

பெண்கள் இதழ் எப்படி இருக்க வேண்டும்?

 ’ஐ’யும் ஷங்கரின் மூழ்கிக் கொண்டிருக்கும் கோலிவுட் மசாலா கப்பலும்

விழியன் பக்கம் ஆசிரியர் விழியன் என்கிற திரு உமாநாத்.

http://vizhiyan.wordpress.com/2013/09/20/big-ears-parenting-article/

குழந்தைகள் புத்தகத்திற்காக பல விருதுகள் வாங்கியிருக்கிறார். நிறைய குழந்தை கதை புத்தகங்கள் எழுதியிருக்கிறார்.

நாலுவரி நோட்டு

சினிமா பாட்டுக்களை ஒரு வித்தியாசமான கோணத்தில்         நகைச்சுவையாக அலசுகிறார்கள். ஜி. ராகவன் (GiRa) என். சொக்கன், moksh krish என்னும் மோகனகிருஷ்ணன்.

மோடி பற்றிக் கொஞ்சம் G. ராகவன்

தென்றல் பாதை  N. சொக்கன்

இறைவன் இருக்கின்றானா?  மோகனகிருஷ்ணன்

பேரு வச்சியே, சோறு வச்சியா?  என்று கேட்பவர் யமுனா என்ற பெயரில், My Mars and Venus என்ற வலைத்தளத்தில் எழுதும் விக்னேஸ்வரி சுரேஷ். படித்து சிரித்து வயிற்றுவலி வந்தால் நான் பொறுப்பல்ல!

இவரது இன்னொரு பதிவு: த்ரிஷா, கட்ரினா, ஐஸ்வர்யா - யாருடையது பெஸ்ட்??

உண்டி கொடுத்தோம் உயிர் கொடுத்தோமா?

கேட்பவர் உயிரி என்ற பெயரில் வலைத்தளம் எழுதும் திரு p. ஜகந்நாதன். இவர் ஒரு காட்டுயிர் ஆராய்ச்சியாளர். பல்லுயிர்ப் பாதுகாப்பின் அவசியத்தை எளிய வகையில் அவரவர்  தாய்மொழியில் அனைவருக்கும் எடுத்துச் சொல்வது ஒவ்வொரு இயற்கை ஆர்வலர்களின், காட்டுயிர் ஆராய்ச்சியாளர்களின்  கடமை எனக் கருதுபவர். இந்த வலைப்பதிவின் நோக்கமும் அதுதான்.

நேரம் போவது தெரியாமல் இவரது வலைப்பூக்களைப் படித்துக் கொண்டிருக்கலாம்.

சிலிகான் ஷெல்ப் நடத்தும் ஆர்வி புத்தகங்களை அறிமுகப்படுத்துவதுடன் சிறு கதைகளையும் எழுதுகிறார்.

இதோ அவரது ஆயிரம் துச்சாதனர்கள்

மகாபாரதத்தை அடிப்படையாக வைத்து இன்னொரு கதை இவர் எழுதியது மீன்வாசம்

 மதுரக்காரன்

ஆசிரியர் டாக்டர் ராஜண்ணா. இவரும் பசுமை நடையில் பங்கு கொள்ளுகிறார். சினிமா விமரிசனம், புத்தக விமரிசனம் என்று எழுதுகிறார்.

உழந்தும் உழவே தலை

‘உழவர்களை நாம் கொண்டாட மறந்து பல ஆண்டுகள் ஆகின்றன. உழவுத் தொழில் நசிந்து உணவு உற்பத்தி குறையும் நிலை பல நாடுகளில் ஏற்பட்டுள்ளது. இந்நிலையில் உழவு பற்றிய அறிவை நம் மக்களுக்கு தெரியவைக்கவும் குழந்தைகளுக்கு நம் கலாசாரம் பற்றிய ஒரு அறிமுகத்தை அளிக்கவும் முயற்சிகள் எடுக்க வேண்டியது அவசியமாகிறது’ என்கிறார் இந்தப் பதிவின் அறிமுகத்தில்.

மேலே படித்துப் பாருங்கள்

இன்னொரு பதிவு: பாம்பின் பிழையன்று தீண்டிப் போதல்

பாம்புக் கடி பற்றி எழுதுகிறார்.

மனம் போன போக்கில்

என்ற தலைப்பில் வலைத்தளம் நடத்தும் திரு என். சொக்கன் தன் குழந்தைகளுடனான அனுபவங்களை பகிர்வது எனக்கு பிடிக்கும். நிறைய புத்தகங்கள் எழுதி இருக்கிறார். இவரது  இரண்டு படைப்புகள்.

வந்தாளே ராக்கம்மா

பறவைக்காக நின்ற ரயில்

பெங்களூருவில் கம்பராமாயணம் முற்றோதலுக்கு காரண கர்த்தா. இவரது அலுவலகத்திலேயே இந்த நிகழ்வு நடக்கிறது.

அரவிந்த் யுவராஜ்

சக்கரகட்டி ராஜாத்தி ஒரு தெருப்பாடகனை நமக்கு அறிமுகம் செய்கிறார்.

பெண்கள்....வாகனம்...கட்டுப்பாடு இரண்டு சக்கர வாகனம் ஓட்டும் ஒவ்வொரு பெண்ணும் படிக்க வேண்டிய கட்டுரை.

ஆறுமுகம் அய்யாசாமி

சீரியஸ் பதிவுகளுக்கு நடுவில் நகைச்சுவையாகவும் எழுதுகிறார். சீரியஸ் விஷயத்தையும் நகைச்சுவையுடன் சொல்வதில் வல்லவர்.

பாம்பு விடும் சாபம்

அனுபவம் புதுமை

சித்திரவீதிக்காரன் என்ற பெயரில் வலைத்தளம் வைத்திருக்கும் திரு சுந்தர். பசுமை நடைதான் இவரது சிறப்பு. எத்தனை இடங்களுக்கு நடந்து போய்விட்டு வருகிறார் என்று இவரது பதிவுகளில் படிக்கலாம்.

இயற்கை வளங்கொழிக்கும் சிவரக்கோட்டை

அரைமலை ஆழ்வார்

சொல்புதிது

ஆசிரியர் அசின் ஸார்

சகாராவைத் தாண்டும் ஒட்டகங்கள்  மாணவர்களின் படைப்புத் திறனை வெளிக்கொண்டுவருவது பற்றி சொல்லுகிறார், படியுங்கள்.

துஞ்சு விரட்டு  கான்க்ரீட் காடுகளுக்குள் புகுந்த சிறுத்தை என்ன செய்தது?

நாளை சந்திப்போம்!