24/11/2014 முதல் ஆசிரியர் பொறுப்பேற்பவர்:

மஞ்சு பாஷிணி

கதம்ப உணர்வுகள்

முந்தைய ஆசிரியர்கள்


சீனா ... (Cheena) - அசைபோடுவது

சிந்தாநதி

நன்றி!

திரட்டிகளின் தொகுப்பு

:: தமிழ் திரட்டுகளின் சங்கமம்<br/>:: Tamil blogs, news, ezines

வலைப்பதிவர் உதவிப்பக்கம்

தமிழில் எழுத மென்பொருள்

ஞானாலயா = புதுக்கோட்டை

www.gnanalaya-tamil.com
வலைச்சரத்தில் வெளியிடப்படும் இடுகைகள் வலைச்சரக் குழுவினரால் தணிக்கைக்கு உட்படாது. ஆனால், வலைச்சர விதிக்கு உட்படாத இடுகைகளை முன்னறிவிப்பின்றி நீக்க வலைச்சரக் குழுவினருக்கு உரிமை உள்ளது

Friday, November 28, 2014

வலைச்சரம் - மனம் கவர் பதிவர்கள் - ஐந்தாம் நாள்

விடுமுறை நாளின் அன்புக்காலை வணக்கங்கள் நண்பர்களே...



நம்முடைய நிறைவேறாத ஆசைகளை கனவுகளை நம் பிள்ளைகள் மூலம் நிறைவேற்றிக்கொள்ள துடிக்கிறோமா? அப்படி செய்தால் அது சரியா?  பெரிய டான்ஸராகனும் என்பது என் கனவு.. ஆனால் என் பெற்றோருக்கு பிடிக்கவில்லை. அதனால் என்ன? நான் சாதிக்காததை என் பிள்ளை சாதிக்கும்.. நடனத்தில் சாதிக்க வைப்பேன்.

இப்படியாக தன் கனவு நிறைவேறாத ஒவ்வொரு பெற்றோரின் துடிப்பான வரிகள். இங்கே நிறைய இஞ்ஜினியர்கள். அவர்களுடைய பிள்ளைகளும் இஞ்ஜினியரிங் தான் படிக்கவேண்டும் என்று பிடிவாதமாக நிற்கிறார்கள். டாக்டரின் மகன் டாக்டர் தான் ஆகவேண்டுமா? பெற்றோர் பிள்ளையின் பக்கம் நின்று பிள்ளையின் ஆசை அவன் கனவு என்னவென்று அறிய முயன்றால் நலம்.

பிள்ளைக்கும் தன் பெற்றோரின் கனவை நாம் நனவாக்குவோம் என்று முயன்று சாதிக்க முன்னேறுவது இயல்பான விஷயம். அப்படி இல்லாமல் போய், பிள்ளையின் கனவு வேறு மாதிரியாக இருந்துவிட்டால்? இஞ்ஜினியருக்கு தான் படிக்கவேண்டும் என் பிள்ளை.. அதனால் அந்த பிள்ளையை படி படி படி என்று சிரமப்படுத்துவது சரியல்லவே. அந்த பிள்ளைக்கு வேறு எதுவாகவோ ஆக விருப்பம்..

அதன் லட்சியம் வேறு ஏதாவதாக கூட இருந்திருக்கலாம்.. அதனால் பெற்றோர் தன் கனவை தன் பிள்ளைகள் மூலம் நிறைவேற்றிக்கொள்ளுமுன், பிள்ளையின் கனவு லட்சியம் என்னவென்று அறிந்து அதில் முன்னுக்குக்கொண்டு வர பிள்ளைக்கு துணையாக நின்று அவன் சாதனையில் பங்கேற்றுக்கொண்டால் பிள்ளையின் லட்சிய பெற்றோர் ஆவார். அது நிச்சயம்..

காலங்கார்த்தால ஆரம்பிச்சிட்டியா என்று கேட்டுவிடுமுன் சுருக்க முடித்துக்கொள்கிறேன் என் பிரதாபத்தை.. பதிவர்கள் அறிமுகத்துக்கு போய்விடுவோமா?

மனம் கவர் பதிவர்கள் - ஐந்தாம் நாள்


1.  தனி மரம்
தனிமரம் என்று சொல்லிக்கொள்ளும் வலைதளத்துக்கு சொந்தக்காரரான இவரின் எழுத்துகள் மசாலா சேர்த்த வேர்க்கடலை சாப்பிட எத்தனை சுவையோ அதுபோல் இவரின் விமர்சன வரிகள் அத்தனை ரசனை.
கையறு நிலை

2.  கலா தென்றல்
தென்றலின் வலைதளத்தில் சென்று சற்றே இளைப்பாறலாம். எழுத்துகள் அங்கே கவிதையாய் மிரட்டும், குழந்தையாய் கொஞ்சும், தாய்மையாய் கனிவை பொழியும். எழுத்துகள் இங்கே ஜனரஞ்சகமாய் மிளிரும்.
மூச்சை தின்று தின்று

3.  ஆயுத எழுத்து
ஆங்காங்கே நிகழ்பவைகளை, நிகழ்த்துபவர்களை, சக, சுக, சிநேக மனிதர்களைப் பற்றியும் சுவாரஸ்யமாய் படைக்கும் பல்சுவை பரிணாம எழுத்துக்கு சொந்தக்காரர்.
சந்தேகமும் நம்பிக்கையும்

4.  பயணம்
முகமும் புன்னகையும் வெள்ளந்தியாய். ஆனால் எழுத்துகள் அனாயசமாய். குறும்படம் இயக்கும் அளவுக்கு முன்னேற்றம். உலக சினிமாக்கள் பார்க்க ஒரு குவாலிஃபிகேஷன் வேண்டும் என்று சொல்லுபவர் பல சினிமாக்களின் விமர்சனம் மிக தத்ரூபமாய் எழுதி இருக்கிறார்.
IFFI 2014 - A SHORT GLANCE

5.  தில்லையகத்து
தன்னைப்பற்றிய சுய அறிமுகம் கூட் ஆங்கிலத்தில் எழுதி உள்ள வலைதளத்துக்கு சொந்தக்காரரான இந்த ஆங்கில ஆசிரியர் வலைச்சர தொகுப்பினை மிக அழகாய் எழுதி இருக்கிறார். வாசித்து மகிழ்ந்தேன். அதையே பகிர்கிறேன்.
தில்லையகத்தின் அறிவுச்சுரங்கம்

6.  ஆர். உமையாள் காயத்ரி
சுவையான சமையல் குறிப்புகள் முதல் தீராக்காதல் கொண்ட கண்ணன் வரை எழுதி  வசீகரித்த வலைதளத்துக்கு சொந்தக்காரர். கண்ணனைப்பற்றி எழுதிய ஒரு பகிர்வை பார்த்து சொக்கிப்போனேன். அதையே பகிர்கிறேன்.
மனமீர்த்த மாதவா பதில் சொல்

7.  கோவை 2 தில்லி
திருவரங்கத்து தேவதையின் வலைதளத்துக்கு சென்றால் அங்கே பல்சுவை விருந்தாய் அனுபவங்கள், சமையல் என்று அசத்தி இருக்கிறார். புதிய முயற்சியாய் செய்த சிறுதானிய பொங்கல் பற்றிய பகிர்வும் தந்திருக்கிறார்.
சிறுதானிய பொங்கல்

8.  அமைதிச்சாரல்
அமைதிச்சாரலின் எழுத்துகள் பெயருக்கேற்றார்போலவே அமைதியாய் தன்மையாய் இதமாய் பொழியும் எழுத்துகளுக்கு சொந்தக்காரர். மென்மையின் வடிவமாய் அங்கு கவிதைகள் அழகு.
தேங்குதல் தவிர்ப்போம்

9.  பறத்தல் பறத்தல் நிமித்தம்
இவருடைய சிறகசைப்பில் அலைப்புறும் காற்றில் இளைப்பாற சொல்லும் எழுத்துகளுக்கு சொந்தக்காரர். இவர் எழுதும் விமர்சன வரிகளின் ரசிகை நான் முன்பே. நிலாமகளின் விமர்சன எழுத்தே இப்படி என்றால் இவருடைய படைப்பு இன்னும் எத்தனை அழகாக இருக்கும். வாசித்து பாருங்கள்.
அப்புறம் என்னாச்சு?

10. கவியாழி
இடையறாது பொழியும் கவிதை பிரவாகத்தில் சுகமாய் வாசகர்களை மிதக்க வைக்கும் எழுத்துகளுக்கு சொந்தக்காரர்.
இறைவா எங்கே நீ இருக்கின்றாய்?

11. ஊமைக்கனவுகள்
கனவுகள் வேண்டுமானால் ஊமையாக இருக்கலாம். ஆனால் இந்த எழுத்தரின் சிந்தனை எப்போதுமே எதையாவது சிந்திப்பதும் எழுதிக்கொண்டிருப்பதும் இவருடைய பகிர்வில் தெரிகிறது.. என்ன ஏன் எது என்று தெரிந்துக்கொள்ள விழையும் ஒரு மழலை எடுத்து வைக்கும் ஒவ்வொரு அடியும் எத்தனை சுவாரஸ்யமும் அழகோ அத்தனை சுவாரஸ்யமும் அழகும் இவர் வலைதளத்தில் இருக்கும் பகிர்வுகள்.
பின்னூட்டம் இடுவோர் கவனத்திற்கு

12. ரிலாக்ஸ் ப்ளீஸ்
படிச்சுப்பாருங்க ஏமாறமாட்டீங்க என்ற உத்தரவாதத்துடன் தொடங்கும் அற்புதமான எழுத்துக்கு சொந்தக்காரர்..
உங்க வள்ளி அத்தைக்கு சாமி வருமாமே?

13. அரட்டை
காபி என்றால் அது ஃபில்டர் தான் என்பது போல அரட்டை என்றாலும் அதில் ஆக்கப்பூர்வமாக கருத்து மிக்கதாக எழுதிக்கொண்டு செல்லும் எழுத்துக்கு சொந்தக்காரர்.
ஹள்ளி மனேயும் டைப்ரைட்டரும்

14. ஆறுமுகம் அய்யாசாமி
எழுதும் விஷயத்தை சுவாரஸ்யத்துடன் நகைச்சுவையை மிதமாக கலந்து பகிர்வதில் முதன்மையானவர் இந்த எழுத்தர். இவருடைய பகிர்வை படித்ததும் சிரிப்பு வந்தாலும் யோசிக்கவும் வைத்தது.  சிரிக்கவும் சிந்திக்கவும் வைத்த எழுத்துகளின் சொந்தக்காரர்.
கொள்ளையோ கொள்ளை

15. செய்தாலி
அடர் மழை அடாது பெய்துவிட்டு மழை ஓய்ந்தாலும் சிலுசிலுப்பும் சாரலும் எப்படி தொடர்ச்சியாக இருந்துக்கொண்டிருக்குமோ அதுபோல் கவிதை மழையில் சுகமாய் நனையவைத்துக்கொண்டே இருப்பதில் வித்தகர். கவிதையும் ஜனரஞ்சகமாக, சமூக சிந்தனைகள், அனுபவங்கள், காதல் கவிதைகள் என்று எல்லாவற்றிலும் முத்திரை பதித்தவர்.
சலாவுதீன் காக்கா

16. சைக்கிள்
இவர் எழுதும் கவிதை வாசிக்கும்போதே வாசிப்போரின் சுவடு எங்கோ அதில் பதிந்திருப்பதை போன்ற ஒரு தோற்றத்தை தரவைக்கும் எழுத்துக்கு சொந்தக்காரர். கவிதையின் வரிகள் மட்டுமல்லாது அதற்கு வைக்கும் தலைப்பே வெகு அழகாக ரசனை மிக்கதாக இருக்கும் இவர் வலைதளத்தில்.
களிச்சிற்றலை

17. டாக்டர் பி.ஜம்புலிங்கம்
இன்றைய மாணாக்கர்கள், இளைஞர்கள், இளைஞிகள் அறிய வேண்டிய அவசியமான பழைய கால பொக்கிஷத்திலிருந்து நிறைய அரிய விஷயங்களை கண்டுப்பிடித்து ஆராய்ச்சி செய்து அதை அப்படியே நமக்கும் பகிரும் எழுத்துகளுக்கு சொந்தக்காரர்.
தஞ்சை பெரிய கோயில் சோழர் கால ஓவியங்கள்

18. எனது எண்ணங்கள்
ஓய்வு வேலைக்கும், உடலுக்கும் மட்டும் தானே அன்றி மனசுக்கோ எழுத்துக்கோ சிந்தனைக்கோ அல்ல என்று நிரூபித்த எழுத்துகளுக்கு சொந்தக்காரர். ஆத்மார்த்த எழுத்துகளை வரைவதில் நிகர் இவரே. இவருடைய பகிர்வுகள் உணர்வுப்பூர்வமாகவும் இருக்கும், உருக்கமாகவும் இருக்கும். யோசிக்க வைக்கும்படியாகவும் இருக்கும்.
மார்ச் மாதம் சம்பளம் இல்லை

19. குழல் இன்னிசை
இவருடைய எழுத்து நடை மிக எளியதாக எல்லோரையும் சென்று அடையும் விதமாக மிக அருமையாக இருக்கும். ஆனால் அதே சமயத்தில், சொல்ல நினைத்த கருத்துகளை ஆழமாய் அழுத்தமாய் நெஞ்சுரத்தோடு எழுதும் எழுத்துகளுக்கு சொந்தக்காரர். வலைதளத்தின் பெயர் குழல் இன்னிசை என்ற பெயர் வைத்ததில் இருந்தே இவர் கண்ணனுடைய நேசத்துக்குரியவர் என்பதும் அறிய முடிகிறது.
பெண்களுக்கு எதிரான அனைத்துலக வன்முறை ஒழிப்பு தினம்

20.  ஆயிஷா ஃபாரூக்
எப்படி வேண்டுமானாலும் வாழலாம் என்பது ஒரு வகை. இப்படித்தான் வாழவேண்டும் என்பது ஒரு வகை. இந்த எழுத்தரின் ஒவ்வொரு பகிர்வும் இவர் வாழும் வாழ்க்கையை பற்றியும், இவருடைய போராட்டம்  நல்லதை நாடறிய செய்யவேண்டும் என்பதில் இருக்கும் உறுதியை பற்றியும் இருக்கும். சமூக சிந்தனையுள்ள கவிதைகள் ஒவ்வொன்றும் நெருப்பில் தோய்த்து சாட்டையால் அடிப்பது போன்ற  கம்பீர வரிகளுக்கும் எழுத்துக்கும் சொந்தக்காரர்.
மாற்றுத்திறனாளிகள் பாக்கியவான்கள்

வழியில் அவசரமாய் வேலைக்கு செல்லும்போது ரோடில் யாராவது மயங்கி விழுந்துவிட்டால்  மயக்கம் போட்டு விழுந்தவரை முகத்தில் நீர் தெளித்து குடிக்க நீர் கொடுத்து பக்கத்தில் இருக்கும் ஆஸ்பிடலில் சேர்த்துவிட்டு செல்வீர்களா? அல்லது ஐயோ ஆபிசுக்கு லேட்டாறதே மேனேஜர் கடுவன் பூனை லேட்டானால் மெமோ கொடுத்துடுவாரே என்று கண்டுக்கொள்ளாமல் ஓடுவீர்களா?

மனிதம் எப்போது உயிர்த்திருக்கும்???  கண் முன் யாராவது துன்பப்படும்போது பார்த்தும் பார்க்காதது போல் செல்லாமல் சட்டென்று ஓடி போய் சகாயம் செய்ய முனைவோம்.. மனிதம் கண்டிப்பாக ஒவ்வொரு மனிதரிடையே உயிர்த்தே இருக்கிறது என்பதின் அடையாளம் இதுவாக இருக்கும்.

இன்றைய நாள் எல்லோருக்குமே  அற்புதத்தை தரும் நாளாக அமைய வேண்டிக்கொள்கிறேன் !!

நாளை மீண்டும் மனம் கவர் பதிவர்களோடு சந்திக்கிறேன்.

அன்பு நன்றிகள் வணக்கம் !!



மேலும் வாசிக்க...

Thursday, November 27, 2014

வலைச்சரம் - மனம் கவர் பதிவர்கள் - நான்காம் நாள்

மழைக்கால அன்புக்காலை வணக்கங்கள் நண்பர்களே….




நேற்று என் மகன் இபானின் நண்பனுடைய அம்மா என்னை அலைபேசியில் அழைத்தார்கள். எப்போதாவது அழைத்தால் ஒரு மணி நேரத்துக்கு குறைவாக பேசுவதை நிறுத்துவதில்லை. பெண்கள் என்றாலே இப்படித்தான். ஒரு மணி நேரத்துக்கு பேச அப்படி என்ன தான் இருக்கோ என்று நினைக்கிறீர்கள் தானே? கண்டிப்பாக யார் தலையையும் உருட்டும் பேச்சு இல்லை. மிக மிக பொதுவான பேச்சு தான். 

பழைய காலத்தில் வீடு கட்டும்போதே திண்ணை வைத்து கட்டுவார்களாம். ஆமாம் எங்கள் வீடும் இரண்டு பக்கமும் விஸ்தாரமான திண்ணையோடு இருந்ததை பார்த்திருக்கிறேன். பாட்டி அதிகாலை எழுந்து வந்து வாசல் தெளித்து விட்டு திண்ணையில் யாராவது படுத்திருக்கிறார்களா என்று பார்ப்பார்கள். பழைய காலத்தில் அதாவது நம் தாத்தா பாட்டி காலத்தில் கூட்டுக்குடும்பம் வெகுவாக போற்றப்பட்டது.. எது செய்தாலும் வீட்டில் மூத்தோரின் அனுமதியை வேண்டியப்பின்னரே அதை நடைமுறை படுத்தும் நிலை இருந்தது. 

எல்லோரும் ஒன்றாய் அமர்ந்து சாப்பிடுவார்கள். வளரும் குழந்தைகள் பாட்டி சொல்லும் கதைகளை கேட்டுக்கொண்டே தாத்தாவுடன் விளையாடிக்கொண்டே அப்பாவின் ஆகிருதியை தானும் பெற சின்ன வயதிலிருந்தே அப்பாவை ஹீரோவாக நினைத்து அப்பாவை போலவே படித்து நன்றாக முன்னுக்கு வருவது போலவே அப்பா பெரியவர்களுக்கு தரும் மரியாதையை பார்த்து பிள்ளைகளும் கற்று, அம்மாவின் மென்மையை, தாய்மையை, பாசத்துடன் சமைத்து பரிமாறும் உணவை உண்டு மகிழ்ந்து, உற்றார் உறவினரோடு சந்தோஷமாய் விருந்து கொண்டாடி விளையாடி மகிழ்ந்து கல்வி கற்கும்போதே தாத்தா பாட்டி அம்மா அப்பா அத்தை மாமா சித்தப்பா சித்தி அக்கா தங்கை அண்ணா தம்பி என்று கூட்டுக்குடும்பத்தில் வளரும் பிள்ளை பிற்காலத்தில் நல்ல ஒரு குடிமகனாக நாட்டுக்கும் நல்ல ஒரு பிள்ளையாக வீட்டுக்கும் உருவாகும். 

இப்ப இருப்பது போல் முதியோர் இல்லங்கள் தென்படாது. டிவியில் சீரியல் ஓடிக்கொண்டிருந்தாலும் பார்ப்பதற்கு ஆள் இருக்காது. இதெல்லாம் பழைய காலம்.. இப்போது??? கூட்டுக்குடும்பமாக வாழ வீடும் பெரியதாய் வேண்டும், பரந்த மனசும் வேண்டும். வாடகைக்கு அவ்வளவு பெரிய வீடு கிடைக்காதே. ஒரு அறை, ஒரு சமையலறை காமன் பாத்ரூம் இப்படி தானே இருக்கிறது. அம்மா அப்பா பாரமாகிவிடுகிறார்கள். பிள்ளைகளை பார்த்துக்கொள்ள வேலைக்கு ஆள் வைத்தால் கிடைத்ததை சுருட்டிக்கொண்டு போவோர் இருப்பாரோ என்ற அவநம்பிக்கையிலும் இவ்ளோ சம்பளம் கொடுத்து வேலைக்கு வேற ஆள் வைக்கணுமா? வயதான அம்மா அப்பா இதற்கு அவசியப்படுகிறார்கள். 

ந்யூக்ளியர் ஃபேமிலி, பிரவேசி வேண்டுவோர் எக்ஸ்ட்ரா சொந்தங்களை அவஸ்தையாக நினைக்கிறார்கள். வயதானோர் வீட்டில் இருந்தால் அவர்களுடன் உட்கார்ந்து பேச டைம் இருப்பதில்லை யாருக்கும்.. எல்லோரும் ஒன்றாய் உட்கார்ந்து சாப்பிடவும் நேரம் இருப்பதில்லை. அப்ப என்ன தான் செய்வாங்க?? தொலைக்காட்சி இவர்களின் சமயங்களை அழகாக ஆட்கொள்கிறது. சீரியல்கள் எல்லாம் இவர்களுடைய தோழமைகள் ஆகிவிடுகிறார்கள். வேலைக்கு சென்று வீட்டுக்கு வரும் ஆண்கள் உடலும் உள்ளமும் அயற்சியாக இருக்க அதை போக்கும் உத்வேகத்துடன் வலை, முகநூல் என்று மேய்வார்கள். 

வீட்டில் இருக்கும் வயதானோர், வேலைக்கு செல்லாத பெண்கள், தங்கள் பொழுதைப்போக்க தொலைக்காட்சியை நாடுகின்றனர். அம்மா அப்பா இப்படி அவர்கள் வேலையில் பிசியாக இருக்கும்போது பிள்ளைகள் சொல்ல நினைப்பதை, பள்ளிக்கூடத்தில் நடந்த விஷயங்களை, தோழமைகளைப்பற்றி எதுவும் சொல்ல ஆள் கிடைக்காமல் வீடியோ கேம்ஸில் மூழ்கி விடுகிறார்கள். அப்போது உடலுக்கு உடற்பயிற்சியைப்போல் விளையாட்டு இருந்தது. இப்போது வீடியோ கேம்ஸ் போதுமாக இருக்கிறது.

எல்லோர் வீட்டிலும் இப்படி நடப்பதாக நான் சொல்ல வரவில்லை. ஆனால் பொதுவாக இப்படி நடக்கிறது. உண்மை. விருந்தினர் வீட்டுக்கு வந்தால் டிவியில் சீரியல் ஓடிக்கொண்டே இருக்கும். சீரியலில் இருந்து கண்களை அகற்றாமல் வாங்க என்று சொல்வார்கள். இந்நிலை மாறுமா? எல்லோருக்கும் வேலை படிப்பு என்று அவசரமாய் பறந்துக்கொண்டு இருப்பதால் வாரத்துக்கு ஒரு முறை எல்லோரும் ஒன்றாய் உட்கார்ந்து சாப்பிட்டு கதை பேசுவோம்.

வயதானோரிடம் அவர்கள் வாழ்க்கையை சொல்ல சொல்லி கேட்டு அந்த அனுபவத்தை நமக்கு பாடமாக எடுத்துக்கொண்டு பிள்ளைகளுடன் உட்கார்ந்து அவர்கள் சொல்வதை காது கொடுத்து கேட்டு, பிள்ளைகளை வீடியோ கேம்ஸ் விளையாடுவதை குறைக்கச்சொல்லி வெளியே விளையாட அனுப்பி சுறுசுறுப்பாக்கி, வயதில் மூத்தோரிடம் மரியாதையுடன் பிள்ளைகளை பழகவும் பேசவும் பிள்ளைகளை பழக்கி, நல்லதை சொல்லிக்கொடுப்போம். வலிமையுடன் தோல்வியை எதிர்க்கொள்ள சொல்லிக்கொடுப்போம், பிரச்சனைகளை கண்டு மிரண்டு பின் வாங்காமல் அதை சரி செய்யும் முயற்சியில் நம்பிக்கையுடன் முனையச்சொல்வோம்.. இப்படி பேச ஆரம்பித்து ஒரு மணி நேரம் போவதே தெரியாம பேசிக்கொண்டு இருந்தோம். அதை தான் இன்று இங்கு எழுதி இருக்கிறேன் நண்பர்களே..

போதும்மா தாயே.. வரும்போதெல்லாம் இவ்ளோ நீளத்துக்கு அறிவுரையா அடுக்கிக்கிட்டு போறியே.. நாங்க எவ்ளோ நல்ல பிள்ளைகள்.. நீ அட்வைஸ் பண்றதை நிறுத்திட்டு பதிவர்களை அறிமுகப்படுத்த தொடங்குமா என்று எல்லோரும் உரக்க சொல்வது கேட்கிறதுப்பா.. ரைட்டு போலாமா?

மனம் கவர் பதிவர்கள் – நான்காம் நாள்

1. சேட்டைக்காரன்
எழுத்துகளில் ஹாஸ்யத்தை கலந்து எழுதுவதில் வித்தகர் இவர். இவர் எழுத்தை வாசித்த பலர் இவரை சந்திக்கவேண்டும் எப்படியாவது என்று நினைத்திருக்கின்றனர். அனாயசமாக எழுதிவிடுவார் அற்புதமாய்.
கிட்டாமணியை வெட்டென மற

2.  gmb writes
உள்ளத்து உணர்ச்சிகளுக்கு உயிர் கொடுத்தால் உண்மையில் ஜொலிக்கும் என்ற எழுத்துகளுக்கு சொந்தக்காரர். வாழ்க்கையை ரசனையுடன் வாழ்கிறார் என்பதற்கு சாட்சி இவர் எழுத்துகள்.
அடி மேல் அடி அடித்தால்

3.  killergee
300 ஆண்டுகளுக்கு முன்பே பிறந்து, வாழ்ந்து , மரித்திருக்கவேண்டும் என்றும் இந்த சமூக மானிடனை காணும் அவா இல்லை என்னும் எழுத்துக்கு சொந்தமானவர். வித்தியாசமான எழுத்து, வித்தியாசமான சிந்தனைக்கு சொந்தக்காரர்.
காயல்பட்டிணம், கயல்விழி &amp; காயாம்பு

4.  கட்டபொம்மன்
ஜனரஞ்சகமான எழுத்துகளுக்கு சொந்தக்காரர். ரசனையுடன் எழுதுவார்.
அறிமுக நாயகன்

5.  கற்றலும் கேட்டலும்
நிறைகுடம்... இலக்கியம், ஆன்மீகம், கதை, கவிதை எல்லாவற்றிலும் முதன்மை. இவர் எழுத்துகள் நிறைய நான் முன்பே வாசித்திருக்கிறேன். இவருடைய படைப்புகள் பல இணையங்களிலும் வந்திருக்கிறது. சிறப்பு பெற்றிருக்கிறது.
பிரமி

6.  மாதவன்
இவரின் எழுத்துகள் நகைச்சுவையோடு அனுபவங்கள் பலதை எழுதி இருக்கிறார். சுவாரஸ்யமாக இருக்கிறது இவருடைய எழுத்துகள் வாசிக்க.
மன்னை மைந்தர்களில் ஒருவர்.
காலேஜு டேஸ்ல நடந்தது

7.  தீராத விளையாட்டுப்பிள்ளை
இந்த தீராத விளையாட்டுப்பிள்ளையின் எழுத்துகள் மிக அற்புதமாக இருக்கிறது. பல திறமைகள் கொண்ட இவரின் தற்போதைய சாதனை என்று குறிப்பிடுவதே ப்ளாக் எழுதுவது தான். எழுத்துகள் வசப்படுகிறது இவர் கைக்கு. நாம் இவர் எழுத்துக்கு வசப்படுகிறோம்.
மன்னார்குடி டேஸ் : ஜீவா துரை

8.  நோக்கும் இடமெல்லாம் நாமன்றி
துணிச்சலான சமூக சிந்தனை எழுத்துகளுக்கு சொந்தக்காரர்.  ஆசிரியர். இவரின் எழுத்துகள் நேர்மையாகவும் தவறை தைரியமாக தட்டிக்கேட்கும் விதமாகவும் இருக்கும்.
தேர்வல்ல மதிப்பீடே தேவை

9.  வளரும் கவிதை
தமிழ் மீது தீரா பற்று கொண்டவர். இவர் எழுத்துகளில் இடம்பெறா தலைப்பே இருக்க முடியாது. பிறர் படைப்புகள் பிடித்ததை தன் பாணியில் விமர்சனம் எழுதி அழகாக தன் வலைப்பக்கம் போடுவார்.
முகநூல் வலைப்பூவை அழிக்கிறதா?

10. திடங்கொண்டு போராடு
இவர் உலகம் எழுத்துகளால் நிறைந்திருக்கிறது. எழுத்துகளாலேயே நிறைந்திருக்கட்டும் என்ற வள்ளல் எழுத்துக்கு சொந்தக்காரர்.
ரியல் எஸ்டேட் மிருகமும் - வண்டலூர் ஜூவும்

11. தூரிகையின் தூறல்
அட்டகாசமான எழுத்துக்கு சொந்தக்காரர். பலருக்கும் உதவிய எழுத்துகள் இவருடையது. நாவல்கள் எழுதி இருக்கிறார். குட்டி கவிதைகள் எழுதி இருக்கிறார். குறும்படமும் இயக்கி இருக்கிறார்.
திருமணத்தை தள்ளி வைத்துக்கொள்ளலாம்

12. ஸ்கூல் பையன்
இவரின் எழுத்துகள் எப்போதுமே ரசிக்கும்படியாக இருக்கும். இவர் எழுதும் எந்த ஒரு பதிவும் நகைச்சுவையும் ரசனையும் கலந்ததாக இருக்கும்.
டியர் எம்.டி.எஸ்

13. தளிர்
தளிர் நடையிடும் இவருடைய எண்ணங்கள் எழுத்தோவியங்கள் ஆகும் என்ற எழுத்துகள் நிறைந்த வலைக்கு சொந்தக்காரர்.
சிகரெட்டுக்கு தடையும் முதல் எச்சரிக்கையும்

14. ரூபனின் எழுத்துப்படைப்புகள்
இவரின் எழுத்துகள் கவிதைகள் சங்கமமாக, மிகப்பெரிய கவிதைப்போட்டி ஒன்றை நடத்தி அதை வெற்றிகரமாக முடித்தார். இவருடைய எழுத்துகள் சங்கமத்திலிருந்து ஒரு துளி பார்ப்போம்.
நேரில் பேசும் தெய்வங்கள்

15. இளையநிலா
தமிழ் மீது தீராப்பற்று கொண்ட எழுத்தர். சமீபத்தில் நடந்த ஒரு கவிதைப்போட்டியில் முதல் பரிசுப்பெற்ற கவிஞர்.
பூக்கூடை உள்ளே

16. சிவகுமாரன் கவிதைகள்
வெண்பாவும் எழுதுவார்.  தெம்மாங்கு தெள்ளுத்தமிழிலும் எழுதுவார். சமீபத்தில் நடந்த கவிதைப்போட்டியில் கலந்துக்கொண்டு பரிசும் பெற்றார்.
பூத்துக்குலுங்குதய்யா

17. கவிஞர் கி.பாரதிதாசன் கவிதைகள்
 கவிதைகள் கடல் போல் பிரவாகமாய் இருக்கும் இவர் வலைதளத்தில். தமிழ்ப்பற்று மிக்கவர். இலக்கணமும் இலக்கியமும் இவர் எழுத்தின் வசீகரம்.
ஓங்கி அளந்த உத்தமன் பேர் பாடி

18. இதயம் பேசுகிறது
இவரின் எழுத்துகள் மிக ஆழ்ந்தவை. அழுத்தமானவை.. உருக்கமானவை. நகைச்சுவை மிக்கது.. கோபத்தில் கூட இவர் எழுத்துகள் பேசும்.
மஞ்சப்பை

19. eraeravi
இந்த எழுத்தரை அறியாதவர் இருந்திருக்கமுடியாது. தேன் மதுர தமிழ் கிரேஸ் எழுதிய துளிர் விடும் விதைகள் கதைக்கு இவர் எழுதிய விமர்சனம் மிக அருமை.
துளிர் விடும் விதைகள் விமர்சனம்

20. வரலாற்று சுவடுகள்
அழுத்தமான சுவடுகளை பதிக்கும் பல பதிவுகள் இவர் வலைதளத்தில் நான் வாசித்திருக்கிறேன்.
சுற்றுப்புற சூழல் சீர்கேடும் ஓசோனில் விழுந்த ஓட்டையும்

ரோட்டில் நடந்து செல்லும்போது எதிர்ப்படுவோரைப்பார்த்து சின்ன புன்னகைத்தீற்றல் நம் முகத்தில் மலர்ந்தால் எதிர் வருவோர் ஒரு நொடி குழப்பமாகி பின்னர் தயக்கத்துடன் அவர் முகத்திலும் நம் புன்னகைத்தீற்றல் தொற்றிக்கொள்ளும். தெரிந்தவரை கண்டால் மட்டும் தான் நம் முகத்தில் புன்னகை மலருமா என்ன? அறியாதவர் என்றாலும் பஸ்ஸில் நம் அடுத்து உட்காருவோர், ட்ரெயினில் நம் அடுத்து உட்காருவோர், பஸ் ஸ்டாண்டில் நம் அடுத்து நிற்போர், இப்படி பலபேரை நாம் பார்க்கும் சந்தர்ப்பத்தில், ஒரு சின்ன புன்னகை  நம் நாளை மட்டுமா? எதிர் வருவோர் நாளையும் அழகாய் மலரவைக்கும் என்று சொல்லவும் வேண்டுமா? இறைவன் நமக்கே நமக்கென்று கொடுத்த இந்த அழகான புன்னகையை தயக்கமின்றி பகிரலாமே..  சௌந்தர்யமாக விடியட்டும் இன்றைய நாள் எல்லோருக்கும்...

நாளை மீண்டும் மனம் கவர் பதிவர்களோடு சந்திக்கிறேன் நண்பர்களே.

அன்பு நன்றிகள் வணக்கம் !!!










மேலும் வாசிக்க...

Wednesday, November 26, 2014

வலைச்சரம் - மனம் கவர் பதிவர்கள் - மூன்றாம் நாள்

குளிர் காலை அன்பு வணக்கங்கள் நண்பர்களே !!



கோபம் வரும்போது காச் மூச் என்று குழந்தைகளிடமோ அல்லது நம் கோபம் எங்கு செல்லுபடி ஆகிறதோ அங்கு கத்திவிடுகிறோம். அதே கோபம் நம் மேலாளரிடமோ அல்லது நம்மை விட வயது மூத்தவர்களிடமோ அல்லது நாம் அதிகம் மதிக்கும் நேசிக்கும் நபரிடமோ நம் கோபம் செல்லுபடியாவதில்லை. ஏனெனில் நாம் கோபத்தை அவர்களிடம் காண்பிக்க தயங்குகிறோம். ஏன்?? நம் கோபம் அவர் மனதை காயப்படுத்திவிடுமோ என்று பயப்படுகிறோம்.

இது ஒருப்பக்கம். அதே சமயம் உரிமை இருக்கும் இடத்தில் கோபமும் வெகு இயல்பாய் வந்துவிடுகிறது.  மூன்றாம் நபரிடம் ஏற்படும் கோபத்தை நாம் வார்த்தைகளை கட்டுப்படுத்தி மௌனமாக இருந்துவிடுகிறோம். அலுவலகத்தில் மேலாளரோ அல்லது உடன் பணி புரிபவரோ ஏதாவது நம் மனம் வருந்தும்படி கோபப்பட்டால் பதிலுக்கு கோபத்தை காட்ட இயலாமல் அதை அதோடு விடவும் செய்யாமல் மன வருத்தத்தோடு பத்திரமாக அந்த கோபத்தை கட்டுச்சோறாக கட்டி எடுத்துக்கொண்டு வீட்டுக்கு வருகிறோம்.

அங்கே விளையாடிக்கொண்டிருக்கும் பிள்ளை மீதோ அல்லது சீரியல் பார்த்துக்கொண்டு அக்கடா என்று உட்கார்ந்திருக்கும் அம்மா அப்பா மீதோ, அல்லது சமையலறையில் பாத்திரத்தை உருட்டிக்கொண்டிருக்கும் மனைவி மீதோ, அல்லது வீடு துடைக்க, சாமான் கழுவ வந்திருக்கும் வேலையாள் மீதோ சிந்தாமல் சிதறாமல் பத்திரமாக கட்டி கொண்டு வந்த கோபத்தை அப்படியே அபிஷேகம் செய்துவிடுகிறோம்.  நம் மீது காட்டப்பட்ட கோபத்தின் வீரியத்தை தாங்க இயலாமல் பெற்றதை திரும்ப வார்த்தைகளாக  கொட்ட இயலாமல் அந்த இயலாமையை நம்மை விட இயலாமையால் இருப்போரிடம் கொட்டிவிடுகிறோம். இது சரியா தவறா?

நம்மை எல்லோர் முன்பும் கோபமாக கத்தும்போது நாம் அவமானமாக உணர்வது போல தானே நாம் நம் கோபத்தை பிறர் மீது காட்டும்போது அவர்களும் இப்படி அவஸ்தை படுவார்கள்? இதை மனசுல வெச்சுக்கோங்க.. கோபம் வந்தால் கொட்டிடுங்க. அதுக்காக மனசுல வெச்சு புழுங்கவோ வருத்தப்படவோ கூடாது.

வரும் கோபம் நியாயமானதாக இருந்தாலும் சரி அதே கோபத்துடன் உடனே வார்த்தைகளை உதிர்க்காமல், ரெண்டே நிமிஷம் பொறுத்து அதன் பின் கோபத்தை காட்டுங்க. கோபத்தின் உக்கிரம் கொஞ்சம் குறைஞ்சிருக்கும். இன்னும் ரெண்டு நிமிஷம் பொறுத்தால், அட நாம் இப்படி கோபப்படுவது சரியா? பொறுமையா சொல்லலாமே என்று நினைக்கத்தோன்றும்.. இன்னும் ரெண்டு நிமிஷம் பொறுத்தால், அட இதுக்கெல்லாம் கோபம் எதுக்கு? நல்லவிதமாவே சொல்லுவோம்.  யார் தான் தவறு செய்யலை? யார் தான் பர்ஃபெக்ட் இங்கே? கோபம் எதுக்கு இதுக்கு அப்படின்னு நம்ம மனசே நம்மை தட்டிக்கொடுத்து கூலாக்கிவிடும்..

முயற்சித்து பார்த்துவிடுவோமா?

அட எங்களுக்கு இப்படி எல்லாம் சொல்றீங்களே நீங்க எப்படி அப்படின்னு என்னை கேட்க நினைக்கறீங்க தானே? :)  மனித இயல்புப்பா இது மனித இயல்பு... நாம ஒரு நல்லதை சொன்னால், உடனே அட நீங்க இதெல்லாம் தாண்டாமயா வந்திருப்பீங்க? அப்டின்னு கேட்ருவீங்களே.. நானும் பயங்கர கோபக்காரி தான் அதெல்லாம் முன்பு.. இப்ப அப்படி கிடையாது.

வயது ஆக ஆக மனசும் பண்படவேண்டும் தானே? கோபமும் கட்டுக்குள் வரவேண்டும் தானே? தவறுகளை பொறுமையாக கையாளலாம் தானே? சரி செய்ய முடியாதது என்று எதுவுமே இல்லை முயற்சியும் ஈடுபாடும் இருந்தால் போதும்.

நான் கோபப்படனும்னு நினைத்தாலும் கோபம் வரமாட்டேன்கிறது இப்பொழுது.  எனக்கு துன்பம் தருகிறவர்களை கூட மன்னிக்கும் பக்குவம் வந்துவிட்டது.

உடல்நலம் நன்றாக இருக்கும் கோபத்தை குறைத்துக்கொண்டால்.

க்ளாஸ் எடுத்தது போதும் தாயே. பதிவர்களை அறிமுகப்படுத்தும்மா என்று முணுமுணுப்பது கேட்கிறது. சரி சரி...

இன்றைய அறிமுகங்கள் - மூன்றாம் நாள்

இன்றைய அறிமுகங்களின் வலைதளங்கள் முகநூல் வழியாக பெற்றது.

1. தமிழ்த் தேன் சுவை தேன்
30 வருஷமாக பத்திரிகை துறையின் சாதனையாளர். சிவ வாசகம் இவர் எழுதி வெளியிட்டுள்ள அற்புத நூல். இதுவரை 8 நூல்கள் எழுதி இருக்கார்.பெரியபுராணம் புதுக்கவிதை நடையில் அருள் தொண்டர் அறுபத்துமூவர்... சிலபத்திகாரம் புகார் காண்டம் செம்மொழிச் சிலம்பு எனும் நூலாக...நடைமுறை இதழியல்.. பத்திரிகை துறைக்கு வரத்துடிக்கும் ஒவ்வொரு இளைஞர்களுக்கும் சிறந்த கையேடு.

2. நந்தலாலா,காம்
அற்புதமான பல கவிஞர்களின் படைப்புகளை பார்த்து நான் பிரமித்த ஒரு அருமையான வலைதளம்.
மௌனத்தின் தண்டனை

3. வைகறை வைகறை
காலத்தடங்களை அழுத்தமாய் பதிக்கும் எழுத்துக்கு சொந்தக்காரர்.
பாட்டியென்றொரு பூட்டப்பட்ட கதவு

4. உணர்வுகள்
மன உணர்வுகளை  கவிதை வரிகளாக்கி குழந்தையாய் தவழவிடுவார் எழுத்துகளில் நம்மை வரிகளில் நெக்குருக வைப்பார்..
மனதுக்கு பிடித்தவர்களிடம்

5. இரவின் புன்னகை
இரவின் அடர்த்தியில் இவரின் எழுத்துகளே புன்னகையாய். இவரின் எண்ணம், தேடல் எல்லாமே எழுத்துகளாய்..
உதிரும் நான்

6. ஓர் அழகிய கவிதை.... காதல் !!!
கவிப்பித்தனான இவர் எழுத்துகளில் காதல் கூட அழகிய அஹிம்சையான கவிதை என்று சொல்கிறார்..
அஹிம்சையாள்

7. கரந்தை ஜெயக்குமார்
எழுத்து சாதனையே இவருடைய வலைதளம்... கணிதமேதை இராமானுஜம் பற்றி அறியாதோர் வாசிக்க எளிய வரிகளில் அற்புதமாக தொடராய் எழுதி பிரமிக்க வைத்தவர். இவர் எழுத்துகள் வாசிக்காமல் நகரவே இயலாது. அத்தனை அருமையான பொக்கிஷங்கள் அடங்கிய வலைதளம்.
சிம்பனி

8. கே.பி,ஜனா
இரண்டே வரிகளில் தமிழாக்கம் செய்து அதை அர்த்தமுள்ள கவிதையாக மாற்றிவிடும் வல்லமை படைத்த எழுத்துகள் இவருடையது.
நல்லதா நாலு வார்த்தை

9. வீரா
ஒரு படம் பார்க்கும்போது அதன் நுணுக்கங்கள் படம் எடுத்த விதம் எல்லாமே விமர்சனமாக இவர் எழுத்தில் மிளிரும்.. மேடை நாடகம் பார்த்துவிட்டு வந்து அந்த நாடகத்தில் பங்கேற்றவரின் நடிப்புத்திறமையில் இருந்து நாடகம் எடுத்த விதம் என்று ஒவ்வொன்றையும் சிலாகித்து எழுதும் எழுத்துக்கு சொந்தக்காரர்.
மீசை - குறும்படம் பற்றி

10. இனியவை கூறல்
எளியோன் எனைப்பற்றி இயம்ப ஏதுமில்லை என்று சொல்லும் இவர் எழுத்துகள் அசாத்திய விஷயங்களை சொல்லி செல்கிறது. அறிவியல் சார்ந்த விஷயங்களும், கதைகளும் கவிதைகளும் அழகாய் பகிர்கிறது.
கொசுக்கள் ஏன் மனித ரத்தத்தை விரும்புகின்றன?

11. அன்பின் அர்த்தங்கள்
உணர்வுகள் எழுத்துகளாகி கவிதையானது இவர் வலைப்பூவில்.
நீயாகத் தான் வாழ்ந்தேன்

12. ஒருத்தியின் பார்வையில்
இவர் எண்ணங்களில் தோன்றியவை எல்லாம் எழுத்தாக மாறி வசீகரிக்கிறது.
முகப்புத்தகம்

13. மலர்ஸ் கிச்சன்
சுவையான சத்தான சமையல் குறிப்பை தந்திருக்கிறார் இவர் தளத்தில்.
முடக்கத்தான் கீரை தோசை

14. சங்கவி
நான் ஒரு எழுத்தாளனுமல்ல கவிஞனுமல்ல என்று இவர் தன்னைத்தானே சொன்னாலும்  இவர் எழுத்து சோபிக்கத்தான் செய்கிறது. மனதில் தோன்றியதை நேர்மையாக பகிரும் எழுத்து இவருடையது.
” குடி குடியைக்கெடுக்கும் ” இது யாருடைய தவறு?

15. வர்த்தகம் மற்றும் சேமிப்பு
இந்த பக்கத்தில் வர்த்தகம் மற்றும் சேமிப்பு பற்றிய அனைத்து தொகுப்புகளையும் மிக அழகாக எழுதி இருக்கிறார்.
பிள்ளைகளின் உயர் கல்வி திருமணம், கடன் வாங்காமல் திட்டமிடுவது எப்படி?

16. அந்தரத் தோட்டம்
எண்ணங்களின் வண்ணத்தோட்டம் இவரின் அந்தரத் தோட்டத்தில்..
சில ஆமைக்குஞ்சுகளும் அநாமதேய கனவுகளும்

17. எண்ணச்சிதறல்கள்
குட்டி குட்டி கவிதைகள் நிறைந்த அழகிய வலைப்பூ.
குட்டி கவிதைகள்

18. விழுதுகள்
உள்ளத்தேடல்களும்  தேடி பிடித்தவைகளும் உலக தேடல்களுக்காக சிறு பங்களிப்பு என்று சொல்லி பகிர்ந்தவை முகநூலில் மலர்ந்தவை.
விழுதுகளில் ஒரு துளி இங்கே

19. மௌனத்தின் சப்தங்கள்
இந்த சந்தோஷ விரும்பியின் அழகிய எண்ணச்சிதறல்கள் மௌனத்திலும் கவிதையின் சப்தங்களாக இனிமையாக வரிகளில்..
எனக்காகவே

20. எல்லாப்புகழும் இறைவனுக்கே
இவர் எழுதிய நோன்பின் நினைவலைகளை வாசித்து பாருங்கள். அற்புதமான பகிர்வு இது.  எழுத்துகளில் ஆத்மார்த்தம். சமையல் குறிப்புகளில் சுவையும் ரசனையும் ஒருங்கே தென்படும்.
நோன்பு நினைவலைகள்

ஒவ்வொரு நாளும் நல்லபடியாகவே விடியவேண்டும் என்று தான் பிரார்த்திக்கிறோம். அன்றைய நாள் முழுக்க நல்லதே நடக்கவேண்டும் என்றும் விரும்புகிறோம். உறங்கப்போகுமுன் கண்மூடி யோசித்து பார்க்கவேண்டும் அன்றைய நாளில் நாம் செய்த நல்லவை என்னென்னவென்று... இப்படி ஒவ்வொரு நாளும் யோசிக்க ஆரம்பித்துவிட்டால் கண்டிப்பாக ஒவ்வொரு நாளுமே நமக்கு மட்டுமல்ல எல்லோருக்குமே நல்லபடியாகவே விடியும்... நல்லதே நடக்கும்...

மீண்டும் மனம் கவர் பதிவர்களோடு நாளை சந்திக்கிறேன் நண்பர்களே.

அன்பு நன்றிகள் வணக்கம் !!!





மேலும் வாசிக்க...

Tuesday, November 25, 2014

வலைச்சரம் - மனம் கவர் பதிவர்கள் - இரண்டாம் நாள்

இரண்டாம் நாள் சுகந்த மணத்துடன் பவளமல்லி வாசத்துடன் அன்புக்காலை வணக்கங்கள் நண்பர்களே….

எத்தனையோ பூக்கள் பார்த்திருப்பீங்க, மாலையா கோர்த்திருப்பீங்க, தலையில் சூடி இருந்திருப்பீங்க. பவளமல்லி பூ பற்றி யாரேனும் அறிந்திருக்கிறீர்களா? ஏன் இதைப்பற்றி கேட்கிறேன்னா எங்க வீட்டு தோட்டத்தில் பவளமல்லி மரம் இருந்தது ஒருக்காலத்தில். நிறைய பூக்கள் பூத்து பறிக்க சிரமம் ஏற்படாமல் அழகா கொட்டி இருக்கும்.. ஆரஞ்ஜ் கலர் காம்புடன் மனம் நிரப்பும் மணத்துடன்… இந்த மலருக்கு இருக்கும் மணம் போல் வேறெந்த மலரிலும் நான் உணர்ந்ததில்லை. பாட்டி தினமும் கோயிலுக்கு போகுமுன் பூக்களை ஈர மண்ணில் இருந்து எடுத்து கழுவி கோர்த்து மாலையாக வைத்திருப்பேன். பெருமாளுக்கு பாட்டி எடுத்துட்டு போய் ஐயரிடம் கொடுத்து சார்த்த சொல்வாங்க. மானிடர்கள் சூடிக்கொள்ளமுடியாத தெய்வீக மலர் இது. சமீபத்தில் இதைப்பற்றி முகநூலில் எழுதினேன். தமிழில் பவளமல்லி, தெலுகில் பாரிஜாதா…


உன் வாசம்
என் நுனிமூக்கை
நிரடுகிறது....
உன் பனித்துளி
தொடுதலில்
மனம்
சிலிர்க்க வைக்கிறது...
உன் அழகை
சிலாகிக்க
இந்த ஒரு யுகம்
போதவே இல்லை
எனக்கு
கண்ணனை
மட்டுமே
தழுவிக்கொள்ளும்
உன் தெய்வீகத்தில்
சிந்தனை மெழுகாகிறது...
பூத உடல் வேண்டாம்
எனக்கு
உன்னைப்போலவே
வாசம் பரப்பி
மனதை நிறைக்கும்
பவழமல்லி 
மலர்களாக்கிவிடு
இறையை தழுவிக்கொண்டு
நானும் சற்றே
இளைப்பாறிக்கொள்கிறேன் !!!

இன்று இந்த பவளமல்லி பூவைப்போல் பூவையரின் பதிவுகளை அறிமுகப்படுத்தலாம் என்று இருக்கிறேன்... மென்மையும் பெண்மையும் நிறைந்த பூவையர் பகிர்வுகளை பார்ப்போம் இன்று...



என் மனம் கவர் பதிவர்கள் – இரண்டாம் நாள்

ஆன்மீகமும் சுலோகங்களும் கோயிலுக்கு செல்ல இயலவில்லையே என்ற சிரமத்தையும் போக்கி கைப்பிடித்து கோயிலுக்கே அழைத்து சென்று கர்ப்பக்கிரஹத்துள் அமரவைத்து தெய்வ தரிசனம் செய்ய வைத்து உலகில் உள்ள கோயில்கள் எல்லாவற்றையும் தரிசிக்கும் பாக்கியத்தை தரச்செய்யும் அற்புதம் இவர் பதிவுகளில் காணலாம்.

கண்ணன் இருக்கும் கோயிலைத்தேடி நாம் போய் தரிசிக்கிறோம்.. இங்கே கண்ணனையே நம் முன் கொண்டு வந்து நிறுத்தி விடும் சக்தி இவர் எழுத்துகளில் உண்டு. கண்ணன் நிறைந்திருக்கும் பூலோக சுவர்க்கத்தை இவர் வலைப்பூ பக்கம் போய் வாசித்து மகிழலாம்.

பார்வையிலும் பேசும் வார்த்தைகளிலும் எழுத்திலும் அன்பெனும் வாஞ்சை... சுற்றுப்பயணம் செய்துவிட்ட வந்த இடங்களில் எல்லாம் தன்னுடைய சுவடுகளை மறக்காமல் எழுத்தால் பதித்துவிட்டு வந்த தாரகை. இவர் எழுத்துகளில் நல்லவை கூட மென்மொழியிலேயே இருக்கும். ரசிக்கவைக்கும் எழுத்துக்கு சொந்தக்காரர். 

சுவாரஸ்யமான எழுத்துக்கு சொந்தக்காரர், சமையல் ஆகட்டும், பொது விஷயங்களாகட்டும், நிகழ்வுகளாகட்டும், எல்லாவற்றையுமே அழகாய் கட்டுக்கோப்பாய் தன் எழுத்துக்குள் கொண்டு வந்து விடுவார்.

சிட்டிகை போட்டால் தும்மல் வருவது போல் ஒரு வார்த்தை சொன்னால் அதை வைத்து ஒரு கவிதையே சந்தம் இசைத்து பாடல் அமைத்து எழுதிவிடுவார்கள்.. கவிதையே பாடலைப்போல் இனிமையாக இருக்கும் எழுத்துக்கு சொந்தக்காரர்.

6. அனன்யாவின் எண்ண அலைகள்
இவர் எழுத்தில் எவ்வளவு விஷயங்கள் இருக்குமோ அவ்வளவு நகைச்சுவையும் இருக்கும், ரசனைக்காரி... எழுத்துகளில் ரசனை படிமன் இல்லா வரிகளே இருக்காது. இனிய குழந்தை.. இவருடைய வரிகள் படிக்கும்போதே மழலைமொழி படிப்பது போலவே ஒரு சந்தோஷம் ஏற்படும்..
தூசி உறிஞ்சி
இம்சையான எக்ஸ்ட்ரா ஃபிட்டிங்குகள்
அத்திதி தேவோ பவ

7. வேதாவின் வலை
தமிழ் கொஞ்சும் இவர் எழுத்துகளில்.. தூய்மையான தமிழ் வார்த்தைகளை இவர் எழுத்துகளில் வாசித்து ரசிக்கலாம். இயற்கை, பயணம், குழந்தை, கருத்து இப்படி எல்லாவற்றை பற்றி மிக அசத்தலாக எழுதி இருப்பார் இவர் வலைப்பூவில்.
பசுமை நறுமணம் புல்தரை
எட்டும் வரை எட்டு
குழந்தைத் தூக்கம்

8. ரஞ்சனி நாராயணன்
இவர் எழுத தொடங்கியதே ரொம்ப லேட் தான். ஆனால் எழுத ஆரம்பித்தப்பின் அசுர வேகம், மலைகள் பல தாண்டியதை போன்றதொரு உற்சாகம், இவர் எழுத்துகள் எப்போதுமே நம்மிடம் பேசுவது போலவே இருக்கும்.. ரசனையான எழுத்துகளின் சொந்தக்காரர் இவர். நிறைய கட்டுரைகள், பயனுள்ள மருத்துவ கட்டுரைகள், பெண்களுக்கான கட்டுரைகள், குழந்தை வளர்ப்புக்கான கட்டுரைகள் இப்படி பல விஷயங்கள் நிறைந்த இடம் இவர் வலைப்பூ.
அரியலூர் அடுக்கு தோசை
குழந்தையா வேலையா?
நோய் நாடி நோய் முதல் நாடி

9. திருமதி பக்கங்கள்
இவர் செல்லும் இடமெல்லாம் நம்மையும் அழைத்து சென்றுவிடுவார் எழுத்தின் ஊடே. அருமையான நல்ல விஷயங்களை அற்புதமாய் பகிரும் எழுத்துகளுக்கு சொந்தக்காரர். குங்குமம் தோழியில் ஸ்டார் தோழியாக இவருடைய பகிர்வு வந்துள்ளது. மனமார்ந்த பாராட்டுகள் !!
அச்சரப்பாக்கம் சிவன் கோயில்
பாப்பா பாடும் பாட்டு கேட்டு தலைய ஆட்டு

10. கீதமஞ்சரி
சத்தமில்லா சாதனைகள் புரிந்த எழுத்துகள் இவருடையது. இனிமையான கவிதை வரிகள் மனதை கொள்ளைக்கொள்ளும் எழுத்துகளுக்கு சொந்தக்காரர். எண்ணமே இவரின் எழுத்துகளானது. அதுவும் வீரியமானது.
தவறிய கணிப்பு
வானரக்கண்ணே என் காதல் பெண்ணே
தமிழ்விடு தூது

11. சந்திரகௌரி சிவபாலன்  (கௌசி)
இவர் எழுத்துகள் ஜனரஞ்சகமாக இருக்கும். சிறுவயது காலத்து விளையாட்டு முதல் தாலாட்டு வரை, பெற்றோர் குழந்தைகள் இடையே இருக்கும் அருமையான பந்தம், ஆன்மீகம், இலக்கியம்  இப்படி நிறைய எழுதி இருக்கிறார்.
நமக்கு நாமே எதிரி
எழுந்திடு பெண்ணே எழுந்திடு
பணம் பணம் பணம் பணமில்லையேல் பிணம்

12. தென்றல்
எளிய நடையில் அழகு தமிழில் மழையாய் கவிதை பிரவாகம் இவர் எழுத்துகளில்...புத்தகம் வெளியிட்டிருக்கிறார். கவிதைக்கொஞ்சும் இவர் எழுத்துகளில்.. தெம்மாங்கு பாடும் எளிய நடையில்...
எல்லாக்கல்லும் சிலையாக
கற்க கசடற
தமிழ்ச்சாரல்

13. தேன் மதுரத்தமிழ் கிரேஸ்
இவரின் துளிர் விடும் விதைகள் நூல் வெளியீட்டு நிகழ்ச்சி பதிவை அப்படியே பகிர்கிறேன். இவருடைய நூலை வெளியிட்டு பகிர்ந்தவை மிக அற்புதமானவை. இவரின் எழுத்துகளே இதற்கு சான்று.
துளிர் விடும் விதைகள் நூல் வெளியீட்டு நிகழ்ச்சி
கதிர் கொண்டு வளைச்செல்லும் களவன்
அணிலும் பாடுதே

14. எண்ணத்தூரிகை
வசீகரிக்கும் எழுத்துகளில், சில மனம் நெகிழவைக்கும், பல ரசிக்கவைக்கும், ஒருசில உருகவைக்கும். கட்டிப்போட்டுவிடுவார் தன் எழுத்துகளில் இவர்.
மன சாம்ராஜ்யம்
சுமுகமான உறவுகள் நிலைத்திட
ஸ்ரீயின் செல்லக்குறும்புகள்

15. சுந்தர நேசங்கள்
சுந்தர எழுத்துகளுக்கு சொந்தமானவர்.  எங்காவது ஒரு படம் பார்த்துவிட்டால் உடனே அந்த படத்திற்கேற்ற பொருத்தமான மிக அற்புதமான கவிதை ஒன்றை வரைந்துவிடுவார். அத்தனை தத்ரூபம் இவர் எழுத்துகளில்.
அஸ்தினாபுரம் தந்த அங்கதேச அரசன் நான்
பெண்மை பெருந்தவ பிறப்பு
காவேரி பூம்பட்டிண கலையழகி நான்

நம் எண்ணங்கள் செயல்கள் வார்த்தைகள் எப்போதுமே நல்லவையாகவே இருந்துவிட்டால் நமக்கு இடர் வரும் நேரமெல்லாம் நம் நல்லவையே அற்புதங்களாக மாறி மனித ரூபத்தில் வந்து நமக்கு உதவிடும்.. நம்மை காத்திடும்..
இன்றைய நாள் எல்லோருக்கும் நலன்கள் தரும் நன்னாளாகட்டும் !!
மீண்டும் நாளை என் மனம் கவர் பதிவர்களோடு சந்திக்கிறேன் நண்பர்களே.
அதுவரை நன்றி வணக்கம் !!




மேலும் வாசிக்க...

Monday, November 24, 2014

வலைச்சரம் - மனம் கவர் பதிவர்கள் முதல் நாள்

நண்பர்கள் அனைவருக்கும் அன்புக்காலை வணக்கங்கள்...




ரொம்ப நாள் இல்ல இல்ல மாதங்கள் கழித்து உங்க எல்லோரையும் மீண்டும் சந்திப்பது சந்தோஷமா இருக்குப்பா.. வலைச்சர ஆசிரியர் பொறுப்பேற்க சொல்லி சீனா அண்ணா சொன்னப்ப அட மீண்டும் மூன்றாவது முறை எனக்கு இந்த வாய்ப்பா என்று சந்தோஷமாக இருந்தது. அதோடு குட்டியூண்டு பயமும்… அந்த பயத்தை எல்லாம் தூக்கிப்போட செய்து வலைச்சர ஆசிரியர் பொறுப்பை தந்த சீனா அண்ணாவுக்கும் உதவிய நண்பர் வெங்கட் நாகராஜுக்கும் மனமார்ந்த அன்பு நன்றிகள்.

கடந்த இரண்டு வாரமாக அசத்தலாக வலைச்சரத்தை தன் எழுத்துகளால் நிரப்பிக்கொண்டிருந்த வெங்கட்டுக்கு மனமார்ந்த அன்பு வாழ்த்துகள்.
இயந்திரம் போல் நாட்களை வேகமாக கடத்திக்கொண்டிருக்கும் நமக்கு கொஞ்சம் ரிலாக்ஸ் பண்ணிக்கொள்ள கிடைத்த இடம் தான் வலைப்பூ. நம் மனதில் தோன்றுவதை பகிரவும், நல்லதை சொல்லவும், பிறரின் படைப்புகளை படிக்கவும், திறமைகளை அறியவும் வலைப்பூவுக்கு பெரும் பங்கு இருக்கிறது.


நான் மஞ்சுபாஷிணி… என் கணவர் சம்பத்குமார்என் குழந்தைகள் விக்னேஷ்ராம்இபானேஷ்ராஜ்அம்மாதம்பி தீபக்ராஜேஷ் (குடும்பம்) எல்லோருடனும் குவைத்தில் வசிக்கிறேன். கதைகவிதைபாடல் எல்லாமே இஷ்டம் எனக்கு. மனிதராய் பிறக்கும் ஒவ்வொருவருக்கும் ரசனை கண்டிப்பாக இருக்கும். ரசனை இல்லாத வாழ்க்கையை நினைத்துப்பார்க்கவே முடியாது. இல்லைன்னா பிறந்து இத்தனை வருடங்கள் ஒவ்வொரு நொடியும் ஒரு அட்வென்ச்சர் போல் அடுத்து என்ன நடக்கும் என்று அறியாமல் நாம் நாட்களை நகர்த்திக்கொண்டு இருப்போமா??? அப்ப நான் சொன்னது சரி தானேப்பா?

என் தளத்தில் நான் என் படைப்புகள் பதிவதை விட பிறரின் படைப்புகள் வாசித்து நான் எப்படி உணர்கிறேன் அவர்கள் வரிகளை படித்து என்பதை என் கருத்தாய் சமர்ப்பிப்பதில் எனக்கு கூடுதல் விருப்பம்.

இன்னைக்கு முதல் நாள் என்பதால் என்னுடைய வலைப்பூவில் ஒரு சில பதிவுகள் மட்டுமே போட்டுடறேன்..
எனக்கு மிகவும் பிடித்த என் பதிவுகள்..




முதல் நாள் - மனம் கவர் பதிவர்கள்





தினமும் இவர் பதிவுகள் ஏதாவது இருக்கா என்று முதலில் ஓடி வந்து பார்ப்பேன். எளிய வரிகளில் மனதை நெகிழவைக்கும் கதைகள், குழந்தையில் இருந்து பெரியோர் வரை ரசிக்கும் ஜ்வல்யா கவிதைகள், அனுபவங்கள் இப்படி நிறைய எழுதுவார்... காற்றை மழையை நேசிப்பவர்... அம்மா என்று ஆத்மார்த்தமாய் சொல்லும் வரிகளில் பாசத்தை உணரலாம்... காற்று பற்றி மழை பற்றி எழுதிய வரிகள் வாசிக்கும்போதே மழையின் சாரலை, காற்றின் ஜில்லென்ற தன்மையை உணரலாம்.. ஒரு பக்க கதைகளில் அப்படியே நம்மை கட்டி நிற்க வைத்துவிடும் வரிகள். எழுத்தையே சுவாசமாக நேசிப்பவர்... வெள்ளையங்கிரி சென்று வந்த அனுபவம் வாசிக்கும்போதே மனம் சிலிர்க்கிறது. 



அந்த நாள் தேவதை



2. தீதும் நன்றும் பிறர் தர வாரா




முதலில் நான் வலைப்பூவில் விமர்சனம் எழுதத் தொடங்கிய பதிவு ரமணி சாரின் பதிவு... அன்று தொடங்கிய பயணம்.... இன்று வரை... இடை இடையே காணாமலும் போகிறேன்... ரமணி சார் பதிவுகள் எப்போதுமே கருத்தை உள்ளடக்கி வரும் பகிர்வுகளாகவே வரும்.. 






ரிட்டையர் ஆகிவிட்டாலே அக்கடான்னு உட்கார்ந்துகிட்டு சீரியல் பார்க்கவும் கோயில்களுக்கு போகவும் அக்கம் பக்கத்து மனுஷா கிட்ட அரட்டை அடிக்கவும், இன்னும் ஒரு சிலருக்கோ என்ன செய்றது போர் அடிக்கறதேப்பா இந்த ரிட்டையர்மெண்ட் லைஃப் என்று அலுத்துக்கொள்வோர் மத்தியில் இதோ நிறைய போட்டிகள் வைத்து எல்லோர் எழுத்தையும் ஆக்டிவாக வைக்க இவர் வைத்த போட்டிகளே சாட்சி. அலுப்பே இல்லாமல் தொடரும் எழுத்துக்கு சொந்தக்காரர்.. 




அசால்டா வந்து அனாயசமா எழுதிட்டு போய்க்கிட்டே இருப்பார். அட இவரா எழுதினார்னு ஆச்சர்யமா இருக்கும்.. டைம் இருக்குமா எழுத?? தெரியாது... தமிழ் உச்சரிப்பும் எழுத்தின் வேகமும் அசத்த வைக்கும் எழுத்துக்கு சொந்தக்காரர்.. கோபு அண்ணாவின் பிரம்மாண்ட பரிசுப்போட்டியை பற்றி இவருடைய எழுத்தில் வாசிப்பது சுவாரஸ்யம்..






தமிழ் மீது அதீதப்பற்று. எழுத்துகளை கவிதையாக்கி வரிகளில் செதுக்கும் அழகே அழகு.. உலகப்பயணம் சென்றுவிட்டு வந்து அதை கூட சுவாரஸ்ய வரிகளில் எழுதியவர். வரிகளில் தமிழ் வாசமும் பாசமும் இருக்கும். உடல்நலம் சரியில்லை என்றாலும் எழுத்து மட்டும் தொடர்ந்துக்கொண்டே இருக்கும்.  கண்ணில் ஏற்பட்ட சிரமங்கள் குறைந்து சீக்கிரமே எழுத்துகள் தொடர்ந்திட வேண்டிக்கொள்கிறேன்.






சௌந்தர்ய தமிழ் எழுத்துகளுக்கு சொந்தக்காரர்.. திடீர் என்று என்னைப்போலவே காணாமல் போய் திரும்ப வந்து அசத்திக்கொண்டிருக்கும் எழுத்துகளுக்கு சொந்தக்காரர். இவருடைய பதிவில் நான் நிறைய அழகு தமிழை வாசித்திருக்கிறேன். 






இவர் எழுத்துக்கு என்ன தான் வயசு ??  சுறுசுறுப்பான எழுத்துகளுக்கு சொந்தக்காரர்.. இவரின் எழுத்தை வாசிக்கும்போதே நம் உதடுகள் புன்னகைக்கும். துறுதுறு... சுறுசுறு.... 



8. மின்னல் வரிகள்


சரித்திரமா, நகைச்சுவையா, திருப்பாவையா... எல்லாமே இவர் எழுத்தில் வாசிப்பது கூடுதல் சுவாரஸ்யம்.. ஏன்னா கேட்கறீங்க? எதிர்ல இருக்கிறவங்க கிட்ட பேசறமாதிரியே எழுதிடுவார் அசத்தலா... பேச்சில் மட்டுமல்ல எழுத்திலும் யார் மனதையும் புண்படுத்தாமல் எழுதி ரசிக்கவும் வைக்கும் எழுத்துக்கு சொந்தக்காரர்...


அரசன் தந்த பரிசு

கிளி கிலி கிழி

கவிதை எழுதுவது எப்படி?


9. திண்டுக்கல் தனபாலன்


ஒவ்வொரு நாளும் ஒவ்வொரு பதிவிலும் கருத்தையே முதன்மைப்படுத்தி பாட்டு வரிகளோடும் ரசிக்க வைக்கும் புதிய புதிய யுத்திகளோடும் எழுதும் எழுத்துக்கு சொந்தக்காரர்.  பேச்சில் இருக்கும் மென்மை இவர் எழுத்திலும் இருப்பதை பார்க்கலாம்.  சொல்ல வந்த கருத்தை அழுத்தமாய் எழுதியதை வாசிக்கலாம்..

மனிதனுக்கு வேண்டிய முதன்மை குணம் என்ன?

வயதான காலத்தில் நிம்மதியை தருவது எது?

மனிதனுக்கு மிகப்பெரிய தண்டனை எது?


10. எங்கள் பிளாக்

எங்கள் பிளாக்

நல்லவைகளை எங்கு கண்டாலும் கேட்டாலும் அதை சிரத்தையாக பகிர்வதில் மிகப்பெரிய பங்கு இந்த வலைப்பூ சொந்தக்காரர்களுக்கு உண்டு. இவர்கள் எழுத்தில் பாசிட்டிவ் செய்திகள் வாசிக்கலாம்.. ஊக்கமும் உற்சாகமும் தந்து எல்லோரையும் எழுத்துகளாலேயே பாராட்டும் எழுத்துக்கு சொந்தக்காரர்கள்.. பன்மையில சொல்றேன்னு தானே பார்க்கறீங்க... டீம் வர்க்பா... டீம் வர்க்...

அலுவலக அனுபவங்கள்: இப்படியும் நடப்பதுண்டு

கல்கி விகடன் துக்ளக் குமுதம் கங்கை அமரன் பொன்னியின் செல்வன் வெட்டி அரட்டை

ரெஹானா ஜப்பாரி

நாளை மீண்டும் என் மனம் கவர் பதிவுகளோடு உங்களை சந்திக்கிறேன் நண்பர்களே !!



மேலும் வாசிக்க...

தமிழ் மணத்தில் - தற்பொழுது